ಬದನೆಕಾಯಿ ಬಜ್ಜಿ(ರಾಯತ)

ಬೇಕಾಗುವ ಸಾಮಗ್ರಿಗಳು

ಒಂದು ದೊಡ್ಡ ಬದನೆ ಕಾಯಿ
ಒಂದು ಕಟ್ಟು ಪುದೀನಾ
ಎರಡು ಲೋಟ ಗಟ್ಟಿ ಮೊಸರು
ಎಂಟು ಕರಿಮೆಣಸು
ಅರ್ಧ ಚಮಚ ಜೀರಿಗೆ
ಅರ್ಧ ಚಮಚ ಅಚ್ಚಮೆಣಸಿನ ಪುಡಿ (ಸಾರಿನ ಪುಡಿಯನ್ನೂ ಉಪಯೋಗಿಸಬಹುದು)
ಉಪ್ಪು ರುಚಿಗೆ
ಒಗ್ಗರಣೆಗೆ ಸಾಸಿವೆ, ಜೀರಿಗೆ, ತುಪ್ಪ,ಚಿಟಿಕೆ ಇಂಗು, ಎರಡು ಒಣ ಮೆಣಸಿನಕಾಯಿ

ಮಾಡುವ ವಿಧಾನ

ಬದನೆಯನ್ನು ತೊಳೆದು ಓವನ್ ಅಥವಾ ಒಲೆಯಮೆಲೆ ಸುಟ್ಟು ತಕ್ಷಣ ಬಾಣಲೆಯಲ್ಲಿ ಬೇಯಿಸಿ
ಆರಿದ ನಂತರ ಸಿಪ್ಪೆ ಸುಲಿದು ಚೆನ್ನಾಗಿ ಕಿವುಚಿ ಇಡಿ
ಕರಿಮೆಣಸು, ಜೀರಿಗೆ ಸ್ವಲ್ಪ ಹುರಿದು ಪುಡಿ ಮಾಡಿ
ಹೆಚ್ಚಿದ ಪುದೀನಾ ಮೊಸರಿಗೆ ಉಪ್ಪು,ಕಿವುಚಿದ ಬದನೆ,ಪುಡಿ ಎಲ್ಲಾ ಸೇರಿಸಿ ಕಲಸಿ
ಪುಟ್ಟ ಬಾಣಲೆಯಲ್ಲಿ ತುಪ್ಪದ ಒಗ್ಗರಣೆ ಮಾಡಿ ಮಿಶ್ರಣಕ್ಕೆ ಬೆರೆಸಿ, ಉಣಬಡಿಸಿ
ಇದನ್ನು ಅನ್ನ ಅಥವಾ ಚಪಾತಿ ಜೊತೆಯಲ್ಲೂ ಸೇವಿಸಬಹುದು