ಸರ್ವಜ್ಞ (ಇ)
"ಇಂಗಿನೊಳು ನಾತವನು | ತೆಂಗಿನೊಳಗೆಳನೀರ |
ಭೃಂಗ ಕೋಕಿಲೆಯ ಕಂಠದೊಳು ಗಾಯನವ |
ತುಂಬಿದವರ್ ಸರ್ವಜ್ಞ |"
"ಇದ್ದಲ್ಲಿ ಸಲುವ ಹೋ |ಗಿದ್ದಲ್ಲಿಯೂ ಸಲುವ |
ವಿದ್ಯವ ಕಲಿತ ಬಡವ ತಾ ಗಿರಿಯ ಮೇ |
ಲಿದ್ದರೂ ಸಲುವ ಸರ್ವಜ್ಞ |"
"ಇಚ್ಚೆಯನು ಅರಿದಿತ್ತ | ನುಚ್ಚೊಂದು ಮಾಣಿಕವು |
ಇಚ್ಚೆಯದು ತೀರ್ದ ಬಳಿಕಿತ್ತ ಮಾಣಿಕವು |
ನುಚ್ಚಿಗೂ ಕಷ್ಟ ಸರ್ವಜ್ಞ |"
"ಇದ್ದುದನು ಬಿಟ್ಟು ಹೊರ | ಗಿದ್ದುದನು ಬಯಸುತಲೆ |
ಇದ್ದು ಉಣದಿಪ್ಪ ಬಾಯೊಳಗೆ ಕತ್ತೆಯ |
ಲದ್ದೆಯೇ ಬೀಳ್ಗು ಸರ್ವಜ್ಞ |"