ಉಗಾಭೋಗ (ಧ)

ಧನದಾಸೆ ದೈನ್ಯವಂ ಬಡಿಸುತಿದೆ

ಧನದಾಸೆ ದೈನ್ಯವಂ ಬಡಿಸುತಿದೆ | ವನಿತೆಯರ ಆಸೆನ್ನ ಓಡ್ಯಾಡಿಸುತಲಿದೆ | ಮನದಾಸೆ

ಮನ್ನಣೆಗೆಡಿಸುತಿದೆ | ಇನಿತಾಸೆ ಬಿಡಿಸಿ ನಿನ್ನ ಚರಣಕಮಲದಲ್ಲಿ | ಇರಿಸೋ ದೇವ

ಅಚಲಾನಂದವಿಠಲ |

 

ಧನದಾಸೆ ದೈನ್ಯಪಡಿಸುತಿದೆ

ಧನದಾಸೆ ದೈನ್ಯಪಡಿಸುತಿದೆ | ವನಿತೆಯರ ಓಡಾಡಿಸುತಿದೆ | ಮನದಾಸೆ ಮಂತ್ರವ 

ಕೆಡಿಸುತಿದೆ | ಮನೆವಾರ್ತೆಯಾಸೆ ಮನವ ಬಾಧಿಸುತಿದೆ | ಇನಿತರಾಸೆಯ ಬಿಡಿಸಿ ನಿನ್ನ

ಚರಣಗಳ | ನೆನೆವಂತೆಮಾಡೊ ಪುರಂದರವಿಠಲ |

 

ಧರ್ಮಪಥವ ಮೆಟ್ಟಲು ಮನವೆರಗದು

ಧರ್ಮಪಥವ ಮೆಟ್ಟಲು ಮನವೆರಗದು | ದುಷ್ಕರ್ಮಕಾದಡೆ ಚಿಗಿ ಚಿಗಿದಾಡುವುದು |

ಯುಗಧರ್ಮವೋ ಇದು ಹರಿಯೆ ಜೀವನಕರ್ಮವೋ | ದುರ್ಮಾಯ ಯುಕ್ತಿಯಿಝ್ಂದ

ಚರಿಸುವವರ ಜನರ ಮೈಯ | ಚರ್ಮವ ಸುಲಿಸದೆ ಬಿಡನೊ ಪುರಂದರವಿಠಲ |

 

 

 

 

ಧರೆಗಿದೇ ವೈಕುಂಠ ಎಂದು ತೋರುವ

ಧರೆಗಿದೇ ವೈಕುಂಠ ಎಂದು ತೋರುವ ಹಸ್ತ | ತಿರುವೆಂಗಳಪ್ಪ ಪುರಂದರವಿಠಲ |

 

ಧ್ವಜ ವಜ್ರಾಂಕುಶ ರೇಖಾಂಕಿತವಾದ

ಧ್ವಜ ವಜ್ರಾಂಕುಶ ರೇಖಾಂಕಿತವಾದ | ಹರಿಯ ಪಾದಾಂಬುಜವ ಸೇವಿಪ | ಅಜಭವರ

ಭಾಗ್ಯವ ನೋಡು | ಕುಜನಮತವ ಬಿಡು | ದುರ್ಜನರ ಸಂಗವ ಸುಡು | ತ್ರಿಜಗವಂದ್ಯನ

ಪಾಡು | ಮುಕುತಿ ಸುಖವ ಬೇಡು | ಗಜೇಂದ್ರಗೊಲಿದ ಸಿರಿಕೃಷ್ಣನ್ನ ಧ್ಯಾನಮಾಡು |

ನಿಜಪುರಂದರವಿಥಲರಾಯನ ಬಿಡದೆಲೆ ಕೊಂಡಾಡು

 

ಧರ್ಮಪಥವ ಮೆಟ್ಟಲು ಮನವೆರಗದು

ಧರ್ಮಪಥವ ಮೆಟ್ಟಲು ಮನವೆರಗದು | ದುಷ್ಕರ್ಮಕಾದರೆ ಚಿಗಿಚಿಗಿದಾಡುವದು

ಯುಗ | ಧರ್ಮವೋ ಜೀವನ ಕರ್ಮವೋ ಹರಿಹರಿ | ನಿರ್ಮಲಾತ್ಮಕನ ನೆನೆಯಲೀಯದು

ಯುಗ | ದುರ್ಮದೊಕ್ತಿಗಳಿಂದ ಚರಿಸುವ ಜನರ ಮೈ | ಚರ್ಮವ ಸುಲಿಸದೆ ಬಿಡನು

ಸಿರಿ ರಾಮಕೃಷ್ಣ ಯುಗ | ಧರ್ಮವೋ ಜೀವನ ಕರ್ಮವೋ ಹರಿಹರಿ

 

ಧರೆಯೊಳಗೆ ಬಹು ದೀನನಾಗಿ

ಧರೆಯೊಳಗೆ ಬಹು ದೀನನಾಗಿ ಬಾಳುವೆನಯ್ಯ | ನರರಿಗೆ ಬಾಯಿತೆರೆದು ನಿತ್ಯ |

ಇರುಳು ಹಗಲೆನ್ನದೆ | ಮನೆಮನೆಯ ತಿರುಗುವೆನೊ ಕರುಣ ಬಾರದು | ಕಠಿಣಜನರಿಗೊಮ್ಮೆ |

ಮರೆಮೋಸದಲಿ ಮಾತುಗಳನಾಡುತಾರೆ | ಗರುವಿನಿಂದಲಿ ಗಜದಂತಿಪ್ಪರು | ಅರಸುಗಳು 

ನಾವೆಂದು ಅಹಂಕಾರದಲಿ ಮುಣುಗಿ | ಕರವ ಮುಗಿದರೆ ಮುಗಿಯರೊಂದುಕಾಲ |

ದುರುಳಜನರ ಸೇವೆ ವ್ಯರ್ಥವೋ ದೇವೇಶ | ಚಲುವ ಹಯವದನ ಮಹಾರಾಜರಾಜ

 

ಧ್ವಜ ವಜ್ರಾಂಕುಶ ರೇಖಾಂಕಿತದ

ಧ್ವಜ ವಜ್ರಾಂಕುಶ ರೇಖಾಂಕಿತದ ಹರಿಯ ಪಾದಾಂ | ಬುಜವ ಸೇವಿಸುವ ಅಜಭವರ

ಭಾಗ್ಯ ನೋಡು | ತ್ರಿಜಗವಂದ್ಯನ ಪಾಡು ಭಕುತಿಯ ನೀ ಬೇಡು | ಕುಜನರ ಮಾತ ಸುಡು

ದುರ್ಜನರ ಸಂಗವ ಬಿಡು | ಗಜರಾಜನ ಕಾಯ್ದ ಕೃಷ್ಣನ ಧ್ಯಾನಮಾಡು | ವಿಜಯವಿಠಲನ

ಬಿಡದೆ ಕೊಂಡಾಡು

 

ಧ್ಯಾನವು ಕೃತಯುಗದಲ್ಲಿ

ಧ್ಯಾನವು ಕೃತಯುಗದಲ್ಲಿ | ಯಜ್ಞಯಾಗವು ತ್ರೇತಾಯುಗದಲ್ಲಿ | ಅರ್ಚನೆ ದ್ವಾಪರದಲ್ಲಿ |

ಕೀರ್ತನೆಮಾತ್ರದಿ ಕಲಿಯುಗದಲ್ಲಿ | ಮುಕುತಿಯವನೀವ ಪುರಂದರವಿಠಲ |

 

ಧ್ಯಾನ ಮೌನಗಳೆಂಬ ಜ್ಞಾನಸಾಧನಗಳನು

ಧ್ಯಾನ ಮೌನಗಳೆಂಬ ಜ್ಞಾನಸಾಧನಗಳನು | ಏನೂ ಅರಿಯದತಿದೀನ ನಾ

ಭವಕಂಜಿ | ನಿನ್ನನೇ ಮೊರೆಯ ಹೊಕ್ಕಿಹೆನೊ | ನಿನ್ನ ನಂಬಿದ್ದವರ ಘನ್ನಭಯ 

ಹರಿವೆಂದು | ನಿನ್ನನೇ ಮೊರೆಹೊಕ್ಕಿಹೆನೊ | ಜಲದೊಳಗೆ ಎದ್ದೆನ್ನ ಪಾಲೊಳಗೆದ್ದೆನ್ನ |

ತಿಳಿದಂತೆ ಮಾಡು ನೀ ಮಹಿಪತಿಸುತ ಪ್ರಾಣ  ನಿನ್ನನೇ ಮೊರೆಯ ಹೊಕ್ಕಿಹೆನೊ |

 

ಧಾರುಣಿಯೊಳಗೆಲ್ಲ ಪರದೈವವಾವುದೆಂದು

ಧಾರುಣಿಯೊಳಗೆಲ್ಲ ಪರದೈವವಾವುದೆಂದು | ತಾರಿ ಬೆಂಡಾಗದಿರಿ ತವಕದಿಂದ 

ಸಾರುವೆನು ಕರ ನೆಗಹಿ ಉರಗಹಾರವ ಧರಿಸಿ | ಮಾರುತ್ತರವು ಸಲ್ಲದು ದುರುಳರಿಗೆ |

ನಾರಾಯಣನೆಂಬೊ ನಾಮಕ್ಕೆ ನಿರ್ವಚನ | ಆರು ಮಾಡಬಲ್ಲರು ಪ್ರಾಜ್ಞರೊಳು | ತೋರಿರೊ

ಈ ನುಡಿದ ನುಡಿಯನು ಬಿಚ್ಚಿ | ಕ್ಷೀರವಾರಿಧಿಶಯನ ವಿಜಯವಿಠಲ ದೈವ | 

 

ಧ್ಯಾನವು ಕೃತಯುಗದಲ್ಲಿ

ಧ್ಯಾನವು ಕೃತಯುಗದಲ್ಲಿ |ಯಜನವು ತ್ರೇತಾಯುಗದಲ್ಲಿ | ದಾನವಾಂತಕನ ಅರ್ಚನೆಯು

ದ್ವಾಪರದಲ್ಲಿ | ಕಲಿಯುಗದಿ ಗಾಯನದಿ ಕೇಶವನೆಂದರೆ | ಕೈಗೂಡುವನು ರಂಗವಿಠಲ

 

(ಆದಿ)

ಧೂಳಳತೆಯಿ೦ದ  ಕಾರ್ಮುಖವು 

ಹೋಗೆ  ಕಂಗಳ ಡಾಳಗಳು 

ಪು೦ಡರೀಕವು  ತೂಮಕಮಲ 

ಕಪೋಲ ಚಂಪಕ  ನಾಸಿಕವು 

ಸೋಲಿಸುವಿದರದನಂಗಲ  ನವ ಕುರುವಿಂದವು 

ಮೇಲಗೆ  ನುಡಿಯಾಲು ವರವೂಗೆಯಂದವು 

ಬಾಲಕಿ  ನಸುನಗೆ  ಪುಗುತರಮಮ್  II ರಾಮನೆಂತ  II