ಉಗಾಭೋಗ (ಕ)

ಕೃಷ್ಣಾಂಜನವಾದರೆ ಜ್ಞಾನಸಿದ್ಧಿ

 

ಕೃಷ್ಣಾಂಜನವಾದರೆ ಜ್ಞಾನಸಿದ್ಧಿ | ವ್ಯಾಘ್ರಾಂಜನ ಮೋಕ್ಷವಯ್ಯ |

ನಿಷ್ಥೆಯಿಂದಲಿ ಕಂಬಳಾಸನದಿ ಬಾಹ |

ಧರಣಿಯಲಿ ದುಃಖ ಅಷ್ಟೈಶ್ವರ್ಯ ನೀಗುವುದು |

ದೂರ್ವಾ ಕಷ್ಟ ರೋಗ ಪಾಷಾಣದಲ್ಲಿ |

ಇರದಾಪಥಿಯ ಆಚಲಾನಂದ ವಿಠಲ |

 

ಕೆಟ್ಟೆನೆಂದೆನಲೇಕೆ ಕ್ಲೇಶಪಡುವದೇಕೆ

 

ಕೆಟ್ಟೆನೆಂದೆನಲೇಕೆ ಕ್ಲೇಶಪಡುವದೇಕೆ |

ಹೊಟ್ಟೆಗೋಸುಗ ಪರರ ಕಷ್ಟಪಡಿಸಲೇಕೆ |

ಬೆಟ್ಟದ ಮೇಲಿದ್ದರೇನು ವನದೊಳಿದ್ದರೇನು |

ಹುಟ್ಟಿಸಿದ ದೇವರು ಹುಲ್ಲು ಮೇಯಿಸುವನೆ?

ಗಟ್ಟಿಯಾಗಿ ನೆರೆನಂಬು ಪುರಂದರ ವಿಠಲನ |

ಸೃಷ್ಟಿ ಮಾಡಿದ ಬ್ರಹ್ಮ ಸ್ಥಿತಿ ಮಾಡಲರಿಯನೇ?

 

ಕೆಟ್ಟೆನೆಂದೆನಲೇಕೋ ಕ್ಲೇಶಪಡುವದೇಕೋ ಗೇಣು

 

ಕೆಟ್ಟೆನೆಂದೆನಲೇಕೋ ಕ್ಲೇಶಪಡುವದೇಕೋ ಗೇಣು |

ಹೊಟ್ಟೆಗಾಗಿ ಪರರ ಕಷ್ಟಪಡಿಸಲೇಕೋ |

ಹುಟ್ಟಿಸಿದ ದೇವರು ಹುಲ್ಲು ಮೇಯಿಸುವವನಲ್ಲ |

ಬೆಟ್ಟದ ಮೇಲಿದ್ದರೇನು ವನದೊಳಿದ್ದರೇನು |

ಸೃಷ್ಟಿ ಮಾಡಿದ ದೇವ ಸ್ಥಿತಿ ಮಾಡಲರಿಯನೇ?

ಗಟ್ಯಾಗಿ ಸಲಹುವ ಪುರಂದರ ವಿಠಲ ||

 

ಕೆಲಕಾಲ ದಂಡಪಿಡಿದು ಕಾಲರಾತ್ರಿಯು

 

ಕೆಲಕಾಲ ದಂಡಪಿಡಿದು ಕಾಲರಾತ್ರಿಯು |

ಬೀಳೆ ಕತ್ತಲು ನೀ ಮುನ್ನೆ ಪರಿಹರಿಸಲು |

ಅಚಿಂತ್ಯಮಹಿಮ ನಿರ್ಗುಣಧಾಮನು ನೀನೆ |

ನಿರ್ವಿಕಲ್ಪನು ನೀನೆ ಎನ್ನೊಳಗಿನ ಪುರಂದರ ವಿಠಲ |

ಏನನಬಹುದು ಅಯ್ಯಯ್ಯ ಜಗದಾಧಾರನು ನೀನೆ.

 

ಕೆಡದಿರು ಕ್ಲೇಶದಿಂದಲಿ ಮನವೆ ನೀ

 

ಕೆಡದಿರು ಕ್ಲೇಶದಿಂದಲಿ ಮನವೆ ನೀ ಸತತ |

ಬಡದಿರು ಭವದೊಳಗೆ ಬಿದ್ದು ಕಷ್ಟ |

ಕೊಡದಿರು ತೀವ್ರ ಕ್ರೋಧಗಳ |

ಇಡು ದೂರದಲಿ ದುಷ್ಟವ್ಯಾಪಾರವ ತ್ವರಿತ |

ಒಡೆಯ ನಿನಗ್ಯಾರು? ಕೇಡು ನುಡಿಯ ನುದಿವನಾರು?

ಒಡನೆ ಕೊಂಡಿಯ ಮಾತು ಪೇಳ್ವನಾರು?

ಒಡೆಯ ಜಗಕೆಲ್ಲ ಶ್ರೀ ವೇಣುಗೋಪಾಲ ವಿಠಲ- |

ನಡಿಗಳಲ್ಲಿ ಮನವಿಟ್ಟು ಬಿಡು ಸರ್ವಮೋಹವ.