ಭಾವಗೀತೆ (ಉ)

ಉದಯ ಗಗನದಲಿ ಅರುಣ ಛಾಯೆ

ಉದಯ ಗಗನದಲಿ ಅರುಣ ಛಾಯೆ

ಜಗದ ಜೀವನಕೆ ಚೇತನ ವೀಯೆ  

ನಿನ್ನಯ ಗಾನನ ಸುಮಧುರ ಮಾ.....

ವನದಿಂದಂಬರಕೇರುವುದು......

 

ಕೋರಿಕೆಗಳು ಬಾಯಾರುವುದು ||

ಪ್ರಭಾತ ಮೌನವನೆಚ್ಚರ ಮಾಡಿ

ಕಾಡು ನಾಡುಗಳ ತುಂಬಿ ತುಳುಕಾಡಿ

ಜಗನ್ನಿದ್ರಿಗೆ ಜೋಗುಳ ಹಾಡಿ....

ಬ್ರಹ್ಮವನೆ ತೂಗಾಡುವುದೋ

ಕ್ರಾಂತಿಗೆ ಶಾಂತಿಯ ನೀಡುವುದೋ ||

 

ಕೇಳಿದವರಲ್ಲದೆ ತಿಳಿಯದು ನಿನ್ನ

ಕಂಠದ ವೈಖರಿ ತುದಿಯಲಿ ನಿನ್ನಾ....

ಬಾಳಿನ ಬಯಕೆಯು ನಿನ್ನಯ ಗಾನ

ನಿನಗೆ ನಮೋ ಕಾಜಾಣ ||

 

ಓ ವನಗಾಯಕಾ...ವನವಾಗಿಶಾ...

ನಿನ್ನಯ ಕಾನನ ಕೂಜನ ಪಾಶಾ...

ಕಬ್ಬಿಗನಿಗೆ ಮತ್ತಿನ ವೇಶಾ.....

ಸ್ಮರಛಾಪಕೆ ನೀ ಸ್ಮರಬಾಣ.....

 

-ಕುವೆಂಪು