ಸುಳಾದಿ (ಈ)

||ಆದಿತಾಳ||

ಈತನ ಸೇವಿಸಲು ಪಾತಕಗಳಳಿವವು | ಭೂತಪ್ರೇತ ಪಿಶಾಚಾದಿಗಳು ಪೋಪವು |

ಈತನ ಸೇವನೆಯಿಂದ ಜ್ಞಾನ ಸಂತಾನವಕ್ಕು | ಈತನ ಪಾದೋದಕದಿಂದ ರೋಗ

ಪರಿಹಾರ | ಈತನ ಪ್ರಸಾದದಿಂದ ಗಾತರ ಪುನಿತವಯ್ಯ | ಈತನ ನಂಬಿದ

ಮನುಜನು ಪಡೆವಾಭಿಷ್ಟ | ಈತನಲ್ಲಿಗೆ ಬಾರದಾತನೆ ಮಹಾ ಭ್ರಷ್ಟ | ಸೋತುಮ

ಗುರುವೆಂದು ಆತುಮ ಸಮರ್ಪಿಸಲು | ಪ್ರೀತಿಯಿಂದಲವನ ಕರ

ಪಿಡಿದುದ್ಧರಿಸುವ | ಜಾತರೂಪ ಸಮಭಾಂಗ ಪಾತಕಾರಿ ವಾತದೂತ |

ಭೂತಳದೊಳಗೆ ಯತಿನಾಥ ರಾಘವೇಂದ್ರ ಪ್ರೀತ | ಭೂತ ಭಾವನಾಭಿನವ 

ಪ್ರಾಣೇಶವಿಠಲನ | ಮಾತು ಮಾತಿಗೆ ನೆನೆವಾತುರ ಮತಿಯನೀಯೋ ||

 

 

||ಆದಿತಾಳ||

ಈತನ ಭಜಿಸಲು ಯಾತನೆಗಳು ಇಲ್ಲ | ಈತನ ಸೇರಲು ಯಾತರ ಭೀತಿಯು |

ಈತನ ಹೊರೆತಿನ್ನು ದಾತರು ನಮಗಿಲ್ಲ | ಈತನೆ ರಕ್ಷಕ ಈತನೆ ತಾಯಿ ತಂದೆ |

ಈತನೆ ಸದ್ಗುರು ಈತನೆ ಗತಿಪ್ರದ | ಈತನೆ ಮೂಕಗೆ ಮಾತು ನುಡಿಸಿದಾತ | 

ಈತನ ಭಕ್ತಿಗೆ ಸೋತು ಎರಡು ವ್ಯಾಳೆ | ವಾತಾಂತರ್ಗತ ನಮ್ಮ ಶ್ಯಾಮಸುಂದರ

ವಿಠಲ | ಪ್ರೀತಿಯಿಂದಿವರಿಗೆ ಮೃಷ್ಟಾನ್ನವುಣಿಸಿದ ||

 

||ಜತೆ||

ಈ ಮಹಾಮಹಿಮರ ಪ್ರೇಮ ಪಡೆವರನ್ನ |

ಶ್ಯಾಮ ಸುಂದರ ವಿಠಲ ಸ್ವಾಮಿ ಸತತ ಪೊರೆವ ||

 

||ಜತೆ||

ಈಸು ಪದಗಳನೊಮ್ಮೆ ನೆನಸಿದ ಮನುಜನ್ನ |

ದಾಸರ ಪೊರೆದಂತೆ ಪೊರೆವ ವಿಜಯ ವಿಠ್ಠಲ ||