ಸುಗಮಕನ್ನಡ ಕೂಟ
  • ಸಂಪರ್ಕಿಸಿ
  • ಕಾರ್ಯಕ್ರಮಗಳು
  • ಮುಖಪುಟ
 

ಸೆರಗು

picture

ಅಮ್ಮ, ನಿನ್ನ ಪ್ರೀತಿಯೆಲ್ಲ ನೇಯ್ದು ಸೆರಗ ಮಾಡಿದೆ
ನಿನ್ನ ಸೆರಗಿನ ಅಂಚಿಗೆ, ನಗೆಯ ಕುಚ್ಚ ಕಟ್ಟಿದೆ
ನಿನ್ನ ಸೆರಗಿನ ಮರೆಯಲಿ ಅಮೃಥಧಾರೆಯ ಉಣಿಸಿದೆ
ನಿನ್ನ ಸೆರಗಿನ ತೊಟ್ಟಿಲಾ ಕಟ್ಟಿ ತೂಗಿ ಬೆಳೆಸಿದೆ ಲೋಕದಾಟಕೆ ಇಳಿದಿದು
ನಿನ್ನ ಸೆರಗಿನ ಬಯಲಲಿ ಮೊದಲ ಪಾಠವ ಕಲೆತದು
ನಿನ್ನ ಸೆರಗಿನ ಬಲದಲಿ ಯಕ್ಷ, ರಾಕ್ಷಸ ಕಥೆಯ ಕೇಳಿ ಹೆದರಿ ಅವಿತಾ ಸೆರಗದು
ಹೊಸಬರನ್ನು ಕಂಡು ನಾಚಿ, ಮುದುರಿ ಹಿಡಿದಾ ಸೆರಗದು
ಬಿದ್ದ ಗಾಯಕೆ ಪಟ್ಟಿ ಆಯಿತು ನಿನ್ನ ಸೆರಗಿನ ತುಂಡದು
ಜ್ವರದ ತಾಪಕೆ ತಂಪು ತಂದಿತು ನಿನ್ನ ಸೆರಗಿನ ಅಂಚದು
ಆಡಿ ದಣಿದ ಬೆವರನು ಒರೆಸಿ ತೀಡಿದಾ ಸೆರಗದು
ಮಳೆಗೆ, ಚಳಿಗೆ ಬೆಚ್ಚನೆ ಆಸರೆ ನಿನ್ನ ಸೆರಗಿನಾ ಬಿಸುಪದು
ಹರೆಯ ತಂದ ಬೆರಗನು ಹೇಳಿಕೊಂಡಾ ಸೆರಗದು
ಮೊದಲ ಪ್ರೀತಿಯ ಗುಟ್ಟನು ಹಂಚಿಕೊಂಡ ಸೆರಗದು
ಬಾಳ ದಾರಿಗೆ ನೆರಳು ನೀಡಿತು ನಿನ್ನ ಸೆರಗಿನಾ ವಿಸ್ತರ
ನನ್ನ ಸೆರಗಿನ ನೇಯ್ಗೆಗೆ ನಿನ್ನ ಸೆರಗೇ ಹಂದರ


ಮತ್ತಷ್ಟು ಲೇಖನಗಳು


ಲೇಖಕರ ಪರಿಚಯ

ಶ್ರೀಮತಿ. ಅನು ಶಿವರಾಂ

ಕನ್ನಡ ಸಾಹಿತ್ಯದಲ್ಲಿ ಅತ್ಯಾಸಕ್ತಿ ಹೊಂದಿರುವ ಶ್ರೀಮತಿ ಅನು ಸ್ತ್ರೀಹಕ್ಕಿನ ಬಗ್ಗೆ ಹೆಚ್ಚು ಕಾಳಜಿ ಉಳ್ಳವರು. ನಾಟಕಾಭಿನಯ, ನಿರ್ದೇಶನ, ಕಾರ್ಯಕ್ರಮ ನಿರೂಪಣೆ, ಮುಂದಾಳತ್ವ ಮುಂತಾದ ವಿಷಯಗಳಲ್ಲಿ ಎತ್ತಿದಕೈ ಇವರದ್ದು.


ಶ್ರೀಮತಿ. ಅನು ಶಿವರಾಂ ಅವರಿಂದ ಮತ್ತಷ್ಟು ಲೇಖನಗಳು


pictureಸೆರಗು
pictureದಿಟ್ಟೆ
pictureಶ್ರುತಿ
pictureಲಾಲಿ ಹಾಡು

ಇನ್ನಷ್ಟು ಲೇಖನಗಳು

 
 

© ಹಕ್ಕುಸ್ವಾಮ್ಯ 2008 - 2019