ಸುಗಮಕನ್ನಡ ಕೂಟ
  • ಸಂಪರ್ಕಿಸಿ
  • ಕಾರ್ಯಕ್ರಮಗಳು
  • ಮುಖಪುಟ
 

ಏಳು ಬಜ್ಜಿ

picture

ಹಿರಿಯ ದಂಪತಿಗಳಿಬ್ಬರು ತಮ್ಮ ಇಳಿ ವಯಸ್ಸಿನಲ್ಲಿ ಹಳ್ಳಿಯೊಂದರಲ್ಲಿ ವಾಸವಿದ್ದರು.ಮನೆಬಿಟ್ಟು ಪೇಟೆ ಸೇರಿದ ಮಕ್ಕಳು ಇವರನ್ನು ಕಡೆಗಣಿಸಿದ್ದರು. ಹಳ್ಳಿಯ ಜನರ ಪ್ರೀತಿ ವಿಶ್ವಾಸದೊಂದಿಗೆ ಕಾಲ ಕಳೆಯುತ್ತಿದ್ದು, ಬರುತ್ತಿದ್ದ ಅಲ್ಪ ಪಿಂಚಣಿಯಲ್ಲೇ ಬದುಕಿದ್ದರು. ಚಳಿಗಾಲದ ಒಂದು ದಿನ ಮನೆಯಲ್ಲಿ ಅವರಿಗೆ ಬಿಸಿಬಿಸಿಯಾಗಿ ಬಜ್ಜಿ ಮಾಡಿತಿನ್ನುವ ಆಸೆ. ಸರಿ ಇದ್ದ-ಬದ್ದ ತರಕಾರಿ ಹಿಟ್ಟುಕಲಸಿ ಸ್ವಲ್ಪವೇ ಎಣ್ಣೆಯಲ್ಲಿ ಒಟ್ಟು ಏಳೇ ಏಳು ಬಜ್ಜಿ ಕರೆದರು. ತಟ್ಟೆಯಲ್ಲಿಟ್ಟು ತಿನ್ನುವ ಸಮಯ, ಮುದುಕ ತನ್ನ ಹೆಂಡತಿಗೆ ನೀನು ನಾಲ್ಕು ತಿನ್ನು ನಾನು ಮೂರು ತಿನ್ನುವೆ ಅಂದನು.ಆದರೆ ಆಕೆಯದೂ ಹಟ ಬೇಡ ನೀವೇ ನಾಕು ತಿನ್ನಿ ನಾನು ಮೂರು ತಿನ್ನುವೆ, ನಾಳೆ ಮಾಡಿದಾಗ ನಾನೇ ಒಂದು ಹೆಚ್ಚಾಗಿ ತಿನ್ನುವೆ ಎಂದಳು. ಹೀಗೇ ವಾದ ವಿವಾದ ಬೆಳೆದು ಬಜ್ಜಿ ತಣ್ಣಗಾಗಿ ಮಲಗುವ ಸಮಯವಾಯಿತು.ಇಬ್ಬರೂ ಒಂದು ಒಪ್ಪಂದಕ್ಕೆ ಬಂದರು ಯಾರು ಬೆಳಿಗ್ಗೆ ಮೊದಲು ಏಳುವರೋ ಅವರಿಗೆ ನಾಲ್ಕು ಬಜ್ಜಿ ಎಂದು.
ಕೋಳಿ ಕಾಗೆ ಕೂಗಿ, ಸೂರ್ಯ ನೆತ್ತಿಗೆ ಬರುವ ಸಮಯವಾದರೂ ಇಬ್ಬರೂ ಏಳಲೇ ಇಲ್ಲ.ಸುತ್ತಲಿನ ಜನ ಮುದುಕರು ಹೊರಗೆ ಕಾಣದೆ ಬಾಗಿಲು ತಟ್ಟಿದರು. ಆಗ ಅವರು ಹಾಸಿಗೆಯಲ್ಲೇ ಮಾತಾಡಿಕೊಳ್ಳುತ್ತಿದ್ದರು "ನೀನೇ ನಾಲ್ಕು ತಿನ್ನಬಹುದಾಗಿತ್ತು,ಈಗ ನೋಡು ಬಜ್ಜೀನೂ ತಣ್ಣಗಾಯ್ತು ಎಲ್ಲಾರೂ ಬಂದರು" ಈ ಮಾತನ್ನು ಬಾಗಿಲ ಬಳಿ ಇನ್ನೇನು ಕೊಡಲಿ ಸಲಾಕೆಗಳಿಂದ ಬಾಗಿಲು ಮುರಿಯಲು ಹೊರಟ ಜನ ಕೇಳಿ ಓಹೋ ಮುದುಕರು ಸತ್ತು ದೆವ್ವಗಳಾಗಿದ್ದಾರೆ ಎಂದು ಕೂಗುತ್ತಾ ಓಡಿದರು ಅವರಿಗೆ ನಿಜ ಸಂಗತಿ ತಿಳಿಸಲು ಇವರೂ ಅವರ ಬೆನ್ನಟ್ಟಿದರು.ಕಡೆಗೆ ನಡೆದ ವಿಚಾರ ತಿಳಿದು ಎಲ್ಲರೂ ನಕ್ಕರು.

 

 


ಮತ್ತಷ್ಟು ಲೇಖನಗಳು


ಲೇಖಕರ ಪರಿಚಯ

ಶ್ರೀ. ಕನಕಾಪುರ ನಾರಾಯಣ

ಕನ್ನಡ ಕಲಿಸುವುದು, ಕನ್ನಡ ಸಂಘಟನೆ, ಸಮಾಜ ಸೇವೆ ಮುಂದಾಳತ್ವ, ಕಥೆ, ಲೇಖನ ಬರಹಗಳು, ಸಂಘ ಸಂಸ್ಥೆ ಕಾರ್ಯಕ್ರಮ ನಿರ್ವಹಣೆ ಇವೇ ಮುಂತಾದ ಕೆಲಸ  ಬಿಡುವಿನಲ್ಲಿ ತೊಡಗಿಸಿಕೊಂಡಿದ್ದು. ಸಂಸಾರದಲ್ಲಿ ಸತಿಯ ಪ್ರೀತಿ ಮತ್ತು ಎರಡು ಮಕ್ಕಳ ತಂದೆತನದ ಜವಾಬ್ದಾರಿ.

ನೂರಾರು ಸಣ್ಣಕಥೆಗಳನ್ನು ಈ ವೆಬ್ಸೈಟ್ ನಲ್ಲಿ ಬರೆದಿರುವುದಲ್ಲದೇ, ಸ್ವಂತ ಅನುಭವ ಅಭಿಪ್ರಾಯ ವ್ಯಕ್ತಪಡಿಸಲು http://chakkemoggu.wordpress.com/ ಎಂಬ ಬ್ಲಾಗ್ ನಲ್ಲೂ ಇವರ ಲೇಖನ ಕಾಣಹುದು.ಸಿಡ್ನಿಯಲ್ಲಿ ಸುಗಮ ಗಾನ ಸಮಾಜ, ಹೊರನಾಡ ಚಿಲುಮೆ ಕನ್ನಡದ ಮೊದಲ ಇ ಮಾಸಪತ್ರಿಕೆ,ಮೂರು ಕನ್ನಡ ವಾರಾಂತ್ಯದ ಶಾಲೆಗಳ ಆರಂಭಕ್ಕೂ ಕಾರಣರಾದವರಲ್ಲಿ ಮುಖ್ಯಸ್ಥರು.

 


ಶ್ರೀ. ಕನಕಾಪುರ ನಾರಾಯಣ ಅವರಿಂದ ಮತ್ತಷ್ಟು ಲೇಖನಗಳು


pictureವಿಚಿತ್ರ ಲೋಕ
pictureದೂರದೃಷ್ಟಿ
pictureಬೆಕ್ಕು ಬಾವುಲಿ
pictureಧರ್ಮ
pictureಗಡ್ಡ
pictureಗಾಂಪರ ಗುರು(ಹಾಸ್ಯ)
pictureಮದರ್ಸ್ ಡೇ
pictureಸುಂದರಾಂಗ !
pictureಹಗಲು - ಕನಸು (ಹಾಸ್ಯ)
pictureಮೆಟ್ಟಿಲು:(ಹಾಸ್ಯ)

ಇನ್ನಷ್ಟು ಲೇಖನಗಳು

 
 

© ಹಕ್ಕುಸ್ವಾಮ್ಯ 2008 - 2023