ಸರ್ವಜ್ಞ (ಉ, ಊ)
ಉಣ್ಣೆ ಕೆಚ್ಚಲೊಳಿರ್ದು | ಉಣ್ಣದದು ನೊರೆವಾಲ |
ಪುಣ್ಯವ ಮಾಡಿ ಉಣಲೊಲ್ಲ
ದವನಿರವು | ಉಣ್ಣೆಗು ಕಷ್ಟ ಸರ್ವಜ್ಞ |
ಉತ್ತಮದ ವರ್ಣಿಗಳೆ | ಉತ್ತಮರು ಎನಬೇಡ |
ಮತ್ತೆ ತನ್ನಂತೆ ಬಗೆವರನೆಲ್ಲವರನು |
ಉತ್ತಮರು ಎನ್ನು ! ಸರ್ವಜ್ಞ |
"ಉಳ್ಳಲ್ಲಿ ಉಣಲಿಲ್ಲ | ಉಳ್ಳಲ್ಲಿ ಉಡಲಿಲ್ಲ |
ಉಳ್ಳಲ್ಲಿ ದಾನ ಕೊಡಲೊಲ್ಲದವ ನೊಡವೆ |
ಕಳ್ಳಗೆ ನೃಪಗೆ ಸರ್ವಜ್ಞ |"
"ಉಣ್ಣದೊಡವೆಯ ಗಳಿಸಿ | ಮಣ್ಣಿನೊಳು ತಾನಿರಿಸಿ |
ಸಣ್ಣಿಸಿ ನೆಲನ ಸಾರಿದನ ಬಾಯೊಳಗೆ |
ಮಣ್ಣು ಕಾಣಯ್ಯ ! ಸರ್ವಜ್ಞ |"
ಉತ್ತರೆಯು ಬರೆತಿಹರೆ | ಹೆತ್ತ ತಾಯ್ತೊರೆದಿಹರೆ |
ಉತ್ತಮರು ತಪ್ಪಿ ನಡೆದಿಹರೆ ಲೋಕ ತಾ |
ನೆತ್ತ ಸಾರುವುದು ಸರ್ವಜ್ಞ |
"ಉಣಬಂದ ಜಂಗಮಕೆ | ಉಣಬಡಿಸ ಲೊಲ್ಲದಲೆ |
ಉಣದಿಪ್ಪ ಲಿಂಗಕುಣಬಡಿಸಿ ಕೈಮುಗಿವ |
ಬಣಗುಗಳ ನೋಡ ಸರ್ವಜ್ಞ |"
"ಉರುಗನ ಹಲ್ಲು ನಂಜು | ಸುರಿಗೆಯ ಮೊನೆ ನಂಜು |
ಕರುಣವಿಲ್ಲದವನ ನುಡಿ ನಂಜು, ದುರ್ಜನರ |
ಇರವೆಲ್ಲ ನಂಜು ಸರ್ವಜ್ಞ |"
ಊರಿಂಗೆ ದಾರಿಯನು | ಆರು ತೋರಿದಡೇನು |
ಸಾರಯದ ನಿಜವ ತೋರುವ ಗುರುವು ತಾ |
ನಾರಾದಡೇನು ಸರ್ವಜ್ಞ ||