ಭಾವಗೀತೆ (ಹ)
ದಿ|| ಜಿ ಎಸ್ ಶಿವರುದ್ರಪ್ಪ
ಹೌದೇನೇ ಉಮಾ
ಹೌದೇನೇ ಉಮಾ ಹೌದೇನೇ.
ಜನವೆನ್ನುವುದಿದು ನಿಜವೇನೇ ?-
ಮಸಣದ ಬೂದಿಯ ಮೈಗೆ ಬಳಿದು ಶಿವ
ಎಲ್ಲೆಲ್ಲೋ ತಿರುಗುವನಂತೆ !
ಹೊಟ್ಟೆ ಬಟ್ಟೆಗೂ ಗತಿಯಿಲ್ಲದರೊಲು
ಊರೂರಲು ತಿರಿದುಂಬುವನಂತೆ !
ನೀನು ಕೂಡ ಬಂಗಾರದ ಮೈಯಿಗೆ
ಆ ಬೂದಿಯನೇ ಬಳಿಯುವೆಯಂತೆ.
ನಿನ್ನ ತಾಯಿ ನಾನಾಗಿಹ ತಪ್ಪಿಗೆ
ಸಹಿಸಬೇಕೆ? ಅವಮಾನವನು?
ಮತ್ತೆ ನಿನ್ನ ಶಿವ ಕರೆಯಲು ಬರಲಿ
‘ಮನೆಯೊಳಿಲ್ಲ ಉಮೆ’- ಎನ್ನುವೆನು.
ಹಾಡು ಹಳೆಯದಾದರೇನು
- ಜಿ.ಎಸ್.ಶಿವರುದ್ರಪ್ಪ
ಹಾಡು ಹಳೆಯದಾದರೇನು ಭಾವ ನವನವೀನ..
ಎದೆಯ ಭಾವ ಹೊಮ್ಮುವುದಕೆ ಭಾಷೆ ಒರಟು ಯಾನ ||ಪ||
ಹಳೆಯ ಹಾಡು ಹಾಡು ಮತ್ತೆ ಅದನೆ ಕೇಳಿ ತಣಿಯುವೆ
ಹಳೆಯ ಹಾಡಿನಿಂದ ಹೊಸತು ಜೀವನಾ ಕಟ್ಟುವೆ ||೧||
ಹಮ್ಮು ಬಿಮ್ಮು ಒಂದೂ ಇಲ್ಲ ಹಾಡು ಹೃದಯ ತೆರೆದಿದೆ
ಹಾಡಿನಲ್ಲಿ ಲೀನವಾಗಲೆನ್ನ ಮನವು ಕಾದಿದೆ ||೨||
ಹಕ್ಕಿಯೊಂದು ಹಾರಿ ಬಂದು
ಹಕ್ಕಿಯೊಂದು ಹಾರಿ ಬಂದು
ನನ್ನ ಎದೆಯೊಳವಿತುಕೊಂಡು
ಬಣ್ಣ ಬಣ್ಣ ರೆಕ್ಕೆ ಬಿಚ್ಚಿ
ಮನಸಿಗೆಲ್ಲ ಅದನು ಹಚ್ಚಿ ಕುಣಿಯತೊಡಗಿತು
ಹಕ್ಕಿ ಕುಣಿಯತೊಡಗಿತು ||
ಅಲ್ಲಿ ಇಲ್ಲಿ ಓಡಿಯಾಡಿ
ನೋವು ಮರಸಿ ಮೋದಿ ಮಾಡಿ
ಮತ್ತೆ ಮತ್ತೆ ಕಾಡಿ ಬೇಡಿ
ಏನೋ ಮಾಡಿತು ಹಕ್ಕಿ ಏನೋ ಮಾಡಿತು ||
ನಕ್ಕು ನಲಿದು ಹಾಡುತಿರಲು
ದಿನವು ಹೀಗೆ ಉರುಳುತಿರಲು
ಕಂದ ಕಣ್ಣು ಕಾರುತಿರಲು
ಲೋಕವೇನೋ ಆಡುತಿರಲು
ಅಂಜಿ ಹಾರಿತು ಹಕ್ಕಿ ಅಂಚಿ ಹಾರಿತು ||
ಇಂತು ಹಕ್ಕಿ ಹಾರಿಹೋಗಿ
ಲೋಕವೆಲ್ಲ ಖಾಲಿಯಾಗಿ
ಬದುಕು ತುಂಬ ಭಾರವಾಗಿ
ನೆನಪು ನೋವು ಮಾಗಿಯಾಗಿ
ನಾನು ಉಳಿದೆನು ಇಲ್ಲಿ ನಾನು ಉಳಿದೇನು ||
-ಶರತ್ ಕಲ್ಕೋಡ