ಸುಳಾದಿ (ಧ)
||ಅಟ್ಟತಾಳ||
ಧರಿಭಾರ ವಿಳುಹಲು ಶಿರಿಯರಸನು ತಾನು | ವರ ರಘುರಾಮ ನಾಮದಿ
ಧರೆಯೊಳು ಪುಟ್ಟಿ | ಹರಿ ಪೀಠ ಯುವರಾಜ್ಯವೇರುವ ಸಮಯದಿ | ಸುರರ
ಮೊರೆಯ ಕೇಳಿ ಹರಿ ಇಚ್ಛೆಯರಿತು | ಮಂಥರಿಗೆ ದುರ್ಮತಿ ಇತ್ತು ಸುರಕಾರ್ಯ
ಮಾಡಿದೆ | ಹರಿ ಶಿರಿ ರಾಮರು ವನವಾಸ ಕೈಕೊಂಡು | ಖರ ಕ್ರವ್ಯಾದರ ತರಿದು
ಪುರಕೆ ಬಂದು | ಹರಿ ವಿಷ್ಠರೇರಲು ಪರಮಾನಂದವು | ಸರುವರಿಗಾಗುವ
ತೆರ ಮಾಡಿದೆ ತಾಯೇ | ಕರುಣ ಮಹಾರ್ಣವೇಚಾರಂತೆ ನಮೋ ನಮೋ |
ಕರುಣಾಳು ಅಭಿನವ ಪ್ರಾಣೇಶ ವಿಠಲನ |
ಚರಣ ದಾಸ್ಯವನಿತ್ತು ಪರಿಪಾಲಿಸಮ್ಮ ||
||ಅಟ್ಟತಾಳ||
ಧಾರಣಿಸುರರ ಉದ್ಧಾರಗೋಸುಗವಾಗಿ | ಮೂರೆಂಟು ಈರಾರು ಚಾರು
ಲಕ್ಷಣವುಳ್ಳ | ಭಾರತಿ ಪತಿಯಂತೆ ತೋರುವ ಕಾಯುವ | ಶೌರಿಕಥಾಮೃತ
ಸಾರಸುಗ್ರಂಥವ | ತಾ ರಚಿಸಿದ ಉಪಕಾರವು ವರ್ಣಿಸ | ಲಾರಿಂದ ಸಾಧ್ಯವು
ಪಾರಾಯಣ ಪ್ರತಿ ವಾರ ಬಿಡದೆ ಮಾಡೆ ಸಾರಲೇನು ಸಂ | ಸಾರ ಶರಧಿಯಿಂದ
ಪಾರಾಗಿ ಸದ್ಭಕುತಿ | ಪಾರಮಾರ್ಥಿಕ ಜ್ಞಾನ ವೈರಾಗ್ಯ ಪಡೆವುತ | ನಾರದನಮಿತ
ಶ್ರೀ ಶ್ಯಾಮ ಸುಂದರನ ಹೃ | ದ್ವಾರಿಜದೊಳು ಕಂಡು ಸೂರೆಗೊಂಬುವ ಸುಖ ||
||ತ್ರಿವಿಡಿತಾಳ||
ಧನ್ಯ ನಾನಾದೆನೋ ದಾನವರಿಯಾ ಕಂಡು | ಎನ್ನ ಸಂಸ್ಕಾರಕ್ಕೆ ಪಡೆಗಾಣೆ ಪಡೆಗಾಣೆ |
ಅನ್ಯಾಯಗೊಳಿಸುವ ದುರುಳ ವೃತ್ತಿಗಳೆಲ್ಲಾ | ಬೆನ್ನು ತೋರಿದವಯ್ಯಾ
ಬೀಳುವಾದರಿಯಾದೆ | ಅನ್ಯ ದೇವರಿಗೆ ಶಿರಬಾಗಿ ಶಿರಬಾಗಿ ಶ | ರಣು
ಶರಣೆನ್ನಿರೋ ಆವಾವ ಕಾಲದಲ್ಲಿ | ರನ್ನ ಕೈಸೇರಲು ಗಾಜುಮಣಿ ಬಯಸುವನೆ |
ತನ್ನಿಂದ ತಾ ವಲಿದು ವಿಜಯವಿಠಲ ಕರ | ವನ್ನು ಪಿಡಿಯೆ ಎನಗೆ ಇನ್ನು ಯಾತರ ಭೀತಿ ||