ರುಚಿಕರ ರೆಸಿಪ್ಪಿಗಳು                                                                   Recepies

ಬಾದಾಮಿ ಖೀರು
ಸಾಮಾನು:ಒಂದು ಬಟ್ಟಲು ಸಾಂದ್ರಿಕರಿಸಿದ ಹಾಲು(condenced milk),ಒಂದು ಲೀ ಶುದ್ಧ ಹಾಲು,50 ಗ್ರಾಂ ಗೋಡಂಬಿ,ಹತ್ತು ಬಾದಾಮಿ ಬೀಜ,ಬಾದಾಮಿ ಸುಗಂಧ
ವಿಧಾನ:
* ಅರ್ಧಬಟ್ಟಲು ಹಾಲು ಕಾಯಿಸಿ ಗೋಡಂಬಿ,ಬಾದಾಮಿ ಚೂರು ಮಾಡಿ ನೆನೆಸಿಡಿ
* ಎರಡು ಗಂಟೆ ನೆಂದ ನಂತರ ಅರೆದಿಡಿ
* ಸಾಂ. ಹಾಲನ್ನು ಹಾಗೂ ಮಿಕ್ಕ ಹಾಲನ್ನು ಮಿಶ್ರಮಾಡಿ ಕುದಿಸಿ
* ಸುಗಂಧ ಬೆರೆಸಿ.ಆರಿದಮೇಲೆ ತಂಪಾಗೂ ಸೇವಿಸಬಹುದು,ಬಿಸಿ ಬಿಸಿಯಾಗೂ ಸೇವಿಸಬಹುದು

ಪೂರೀ ಪಾಯಸ
ಸಾಮಾನು:ಒಂದು ಲೋಟ ಮೈದಾ,ಅಥವಾ ಗೊಧಿ ಹಿಟ್ಟು ಅಥವಾ ಸಣ್ಣ ರವೆ,ಅರ್ಧ ಲೀ ಹಾಲು,300ಗ್ರಾಂ ಸಕ್ಕರೆ, 50 ಗ್ರಾಂ ಗೋಡಂಬಿ,ಏಳೆಂಟು ಏಲಕ್ಕಿ,ಪಚ್ಚ ಕರ್ಪೂರ,ಕೇಸರಿ ದಳ,100 ಗ್ರಾಂ ತುಪ್ಪ
ವಿಧಾನ:
* ರವೆಯಾದರೆ ನೀರು ಬೆರೆಸಿ ತುಪ್ಪ ಸವರಿ ಎತ್ತಿಡಿ/ಮೈದಾ ಅಥವಾ ಗೊಧಿ ಹಿಟ್ಟಾದರೆ ನೀರು ಬೆರೆಸಿ ಕಲಸಿ ಎರಡು ಚಮಚ ತುಪ್ಪ ಬೆರೆಸಿ ಮತ್ತೆ ಕಲಸಿ
*ಕಲಸಿಟ್ಟ ಹಿಟ್ಟನ್ನು ದೊಡ್ಡ ರೊಟ್ಟಿಯಂತೆ ತಟಿ,ಪುಟ್ಟ ಡೈಮಂಡ್ ಆಕಾರಗಳಲ್ಲಿ ಕತ್ತರಿಸಿಕೊಳ್ಳಿ
*ಇವನ್ನು ಪೂರಿಯಂತೆ ಎಣ್ಣೆಯಲ್ಲಿ ಕರೆದಿಡಿ
* ಮತ್ತೊಂದು ಪಾತ್ರೆಯಲ್ಲಿ ಹಾಲು ನೀರುಬೆರೆಸಿ, ಕುದಿಸಿ, ಹುರಿದ ತುಂಡುಗಳನ್ನು ಹಾಕಿ ಬೇಯಿಸಿ
*ಬೇಯುವಾಗ ಏಲಕ್ಕಿ ಪುಡಿ,ಪಚ್ಚಕರ್ಪೂರ,ಹುರಿದಿಟ್ಟ ಗೋಡಂಬಿ ಬೆರೆಸಿ.ಪೂರಿ ಪಾಯಸ ಸಿದ್ಧ

ಹಲಸಿನ ಹಣ್ಣಿನ ಪಾಯಸ
ಸಾಮಾನ:ಅರ್ಧ ಬಟ್ಟಲು ಹೆಸರುಬೇಳೆ,ಒಂದಚ್ಚು ಬೆಲ್ಲ,ಒಂದು ಬಟ್ಟಲು ಹಾಲು,2ಚಮಚ ತುಪ್ಪ, 2 ಏಲಕ್ಕಿ,1 ಚಮಚ ಒಣ ದ್ರಾಕ್ಷಿ
ವಿಧಾನ:
* ಬೇಳೆಯನ್ನು ಎರಡು ಚಮಚ ತುಪ್ಪದಲ್ಲಿ ಹುರಿದು,ಕಂದುಬಣ್ಣ ತಿರುಗಿದ ಮೇಲೆ ನೀರು ಬೆರೆಸಿ ಕುದಿಸಿ
* ಮೃದುವಾದಾಗ ಹಾಲು ಬೆರೆಸಿ,ಮತ್ತೆ ಸ್ವಲ್ಪ ಬೇಯಿಸಿ
* ಪುಡಿ ಮಾಡಿದ ಬೆಲ್ಲ ಸೇರಿಸಿ,ದ್ರಾಕ್ಷಿ ಏಲಕ್ಕಿ ಸೇರಿಸಿ ಸೇವಿಸಲು ಕೊಡಿ

ಅಕ್ಕಿ ಪಾಯಸ
ಸಾಮಾನು: ಒಂದು ಲೀ ಶುದ್ಧ ಹಾಲು,ಒಂದು ಬಟ್ಟಲು ಸಕ್ಕರೆ,ಕಾಲು ಚಮಚ ಕೇಸರಿ,50 ಗ್ರಾಂ ದ್ರಾಕ್ಷಿ ಗೋಡಂಬಿ, ಏಲಕ್ಕಿ ನಾಲ್ಕು,ಎರಡು ಚಮಚ ಅಕ್ಕಿ
ವಿಧಾನ:
* ಹಾಲಿನಲ್ಲಿ ಅಕ್ಕಿಯನ್ನು ಬೆರೆಸಿ,ಹಾಲಿನ ಪ್ರಮಾಣ ಅರ್ಧವಾದಾಗ ಸಕ್ಕರೆ ಬೆರೆಸಿ
* ಸ್ವಲ್ಪ ಗಟ್ಟಿಯಾಗುವವರೆಗೂ ಬೇಯಿಸಿ,ಏಲಕ್ಕಿ ಪುಡಿಹುರಿದ ಗೋಡಂಬಿ,ದ್ರಾಕ್ಷಿ ಸೇರಿಸಿ
*ಕೇಸರಿಯನ್ನೂ ಬೆರೆಸಿ ಎರಡು ನಿಮಿಷ ಕುದಿಸಿ
* ಬಿಸಿ ಅಥವಾ ತಣ್ಣಗೂ ಈ ಪಾಯಸ ಸೇವಿಸಬಹುದು

ತೆಂಗಿನ ಹಾಲಿನ ಪಾಯಸ
ಸಾಮಾನು: 2ತೆಂಗಿನ ಕಾಯಿ,1ಲೀ ಹಾಲು,1/4 ಕಿಲೋ ಬೆಲ್ಲ,1ಚಮಚ ಏಲಕ್ಕಿಪುಡಿ,1ಬಟ್ಟಲು ಅಕ್ಕಿ,1ಬಟ್ಟಲು ತುಪ್ಪ,2ಚಮಚ ದ್ರಾಕ್ಷಿ,2 ಚಮಚ ಗೋಡಂಬಿ
ವಿಧಾನ:
*ತೆಂಗಿನ ಕಾಯು ತುರಿದು ಅರೆದು ಗಟ್ಟಿ ಹಾಲುಪಡೆಯಿರಿ.
*ನೀರು ಬೆರೆಸಿ ಇಣ್ಣು ತೆಳು ಹಾಲನ್ನು ಪಡೆಯಿರಿ,ಇದರಿಂದ ಅಕ್ಕಿ ಬೇಯಿಸಿ
*ಅಕ್ಕಿ ಮುಕ್ಕಾಲುಬೆಂದಾಗ ಸ್ವಲ್ಪ ಹಾಲು ಬೆರೆಸಿ ಪೂರ್ತಿ ಬೇಯಿಸಿ
* ಉಳಿದ ಹಾಲು ಸೇರಿಸಿ ಪಕ್ಕಕ್ಕಿಡಿ,ಪೂರ್ತಿ ಹೀರಿಕೊಂಡ ಬಳಿಕ ಜಜ್ಜಿದ ಬೆಲ್ಲೆ ಬೆರೆಸಿ ಮತ್ತೆ ಒಲೆಯಮೇಲಿಡಿ
* ಹುರಿದ ಗೋಡಂಬಿ,ದ್ರಾಕ್ಷಿ ಮತ್ತು ಏಲಕ್ಕಿ ಪುಡಿ ಸೇರಿಸಿ ಕೆದಕಿ.ತಂಪಾದ ಬಳಿಕ ಸೇವಿಸಿ

ಮೈಸೂರು ಪಾಕ್
ಸಾಮಾನು:ಎರಡು ಬಟ್ಟಲು ಕಡಲೇಹಿಟ್ಟು,ಕಾಲು ಕಿಲೋ ತುಪ್ಪ,ನೀರು(ಕಾಲು ಲೋಟ),ಸಕ್ಕರೆ ಕಾಲು ಕಿಲೋ
ಮಾಡುವ ವಿಧಾನ:
*ಮೊದಲು ಕಡಲೆ ಹಿಟ್ಟನು ಸ್ವಲ್ಪತುಪ್ಪದಲ್ಲಿ ಘಮಘಮ ವಾಸನೆ ಬರುವವರೆಗೂ ಹುರಿಯಿರಿ.
*ಸಕ್ಕರೆಗೆ ನೀರು ಹಾಕಿ ಗಟ್ಟಿ ಎಳೆಪಾಕ ಬರುವಂತೆ ಕುದಿಸಿ.
*ಪಾಕ ಚೆನ್ನಾಗಿ ಎಳೆ ಬಂದಮೇಲೆ ಒಲೆಯಮೇಲಿದ್ದಾಗಲೇ ಅದಕ್ಕೆ ಹಿಟ್ಟನ್ನು ಸುರಿಯಿರಿ.
*ಉಳಿದತುಪ್ಪವನ್ನು ಒಂದೇಸಮನೆ ಹಾಕುತ್ತಾ ತಿರುವುತ್ತಿರಿ.
*ಮಿಶ್ರಣ ಪಾತ್ರೆಯ ತಳ ಬಿಡುವ ಹೊತ್ತಿಹೆ ತುಪ್ಪ ಸವರಿದ ತಟ್ಟೆಗೆ ಸುರಿಯಿರಿ.
*ಐದು ನಿಮಿಷದ ಬಳಿಕ ಚಾಕುವಿನಿಂದ ಬೇಗಾದ ಆಕಾರಕ್ಕೆ ಕತ್ತರಿಸಿ
*ನಂತರ ಒಂದು ಕಾಗದದ ಮೇಲೆ ಬೋರಲು ಹಾಕಿ ಮೈಸೂರ್ ಪಾಕ ತಾನಾಗೇ ಬಿಡಿಬಿಡಿಯಾಗಿ ಇದ್ದು ತಿನ್ನಲು ಚೆನ್ನ.

ದಂ ರೂಟ್ (ಬೂದ ಕುಂಬಳ ಹಲ್ವ)
ಸಾಮಾನು:ಅರ್ಧ ಕಿಲೋ ಬೂದ ಕುಂಬಳ ಕಾಯಿ,ಕಾಲು ಕಿಲೋ ಸಣ್ಣ ರವೆ,ಒಂದು ಬಟ್ಟಲು ತುಪ್ಪ,ಎರಡು ಬಟ್ಟಲು ತುಪ್ಪ, ಆರುಏಲಕ್ಕಿ,ಗೋಡಂಬಿ ದ್ರಾಕ್ಷಿ ನಾಲ್ಕು ಚಮಚ.
ಮಾಡುವ ವಿಧಾನ:
*ಕುಂಬಳಕಾಯಿ ಸಿಪ್ಪೆತೆಗೆದು ತುರಿದಿಟ್ಟುಕೊಳ್ಳಿ.
*ತುಪ್ಪದಲ್ಲಿ ಸಣ್ಣರವೆಯನ್ನು ಘಮವಾಗಿ ಹುರಿದಿಟ್ಟುಕೊಳ್ಳಿ.
*ಕುಂಬಳಕಾಯಿ ತುರಿಯನ್ನು ಹಾಲಿನಲ್ಲಿ ಕುದಿಸಿ.
೮ಮೃದುವಾಗುತ್ತಿದ್ದಂತೆ ಅದಕ್ಕೆ ಸಕ್ಕರೆಹಾಕಿ ಕುದಿಸಿ ಎಳೆಪಾಕಬಂದೊಡನೆ ಹುರಿದ ರವೆ ಸುರಿದಿ ತಿರುವಿರಿ.
*ಪಾತ್ರೆಗೆ ಮುಚ್ಚಳ ಮುಚ್ಚಿಹತ್ತು ನಿಮಿಷ ಕುದಿಸಿ.
*ಗೋಡಂಬಿ ದ್ರಾಕ್ಷಿ ಒಗ್ಗರಣೆ ಹಾಕಿ ಬಡಿಸಿ

ಬಾಳೆಹಣ್ಣಿನ ಹಲ್ವ
ಸಾಮಾನು:10-12 ಬಾಳೇಹಣ್ಣು,ಒಂದು ಬಟ್ಟಲು ಶುದ್ಧ ತುಪ್ಪ,ಟೀ ಚಮಚ ಏಲಕ್ಕಿ ಪುಡಿ,ಅರ್ಧ ತೆಂಗಿನ ಕಾಯಿ,ಒಂದು ಬಟ್ಟಲು ಸಕ್ಕರೆ.
ಮಾಡುವ ವಿಧಾನ:
* ಬಾಳೇಹಣ್ಣು ಸಿಪ್ಪೆ ಸುಲಿದು ಚೆನ್ನಾಗಿ ಹಿಸುಕಿರಿ.
*ಬಾಣಲೆಯಲ್ಲಿ 3ಚಮಚ ತುಪ್ಪ ಕಾಯಿಸಿ ಬಾಳೆಹಣ್ಣನ್ನು ಹಾಕಿ ಗರಿಗರಿಯಾಗುವ ವರೆಗೂ ಬೇಯಿಸಿ.
*ತೆಂಗಿನ ಕಾಯಿತುರಿ,ಸಕ್ಕರೆ ಸೇರಿಸಿ,ತುಪ್ಪವನ್ನು ಸ್ವಲ್ಪಸ್ವಲ್ಪವಾಗಿ ಸೇರಿಸಿ.
*ಎಲ್ಲವನ್ನೂ ಕಂದು ಬಣ್ಣ ಬರುವವರೆಗೂ ತಿರುವುತ್ತಿದ್ದು ಸುವಾಸನೆ ಬಂದಮೇಲೆ ಏಲಕ್ಕಿಪುಡಿ ಸೇರಿಸಿ ಒಲೆ ಆರಿಸಿ.
*ಬಿಸಿ ಇರುವಾಗಲೇ ತಿನ್ನಲು ಕೊಡಿ.

ಬೇಸನ್ ಲಾಡು:
ಸಾಮಾನು:ಅರ್ಧಕಿಲೋ ಕಡಲೇ ಹಿಟ್ಟು,ಒಂದು ಬಟ್ಟಲು ತುಪ್ಪ, ಎರಡು ಬಟ್ಟಲು ಸಕ್ಕರೆ,ಹುರಿಗಡಲೆ ಕಾಲು ಲೋಟ,ಹಾಲಿನಪುಡಿ ನಾಲ್ಕು ಚಮಚ,ಗೋಡಂಬಿ ದ್ರಾಕ್ಷಿ ನಾಲ್ಕು ಚಮಚ,ಸ್ವಲ್ಪ ಹಾಲು .
ಮಾಡುವ ವಿಧಾನ:
*ಹುರಿಗಡಲೆ,ಸಕ್ಕರೆ,ಹಾಲಿನಪುಡಿ ನುಣ್ಣಗೆ ಪುಡಿ ಮಾಡಿಟ್ಟುಕೊಳ್ಳಿ.
*ಅಗಲವಾದ ಬಾಣಲೆಯಲ್ಲಿ ತುಪ್ಪಕಾಯಿಸಿ ಅದಕ್ಕೆ ಕಡಲೇ ಹಿಟ್ಟನ್ನು ಘಮವಾಗಿ ಹುರಿದುಕೊಳ್ಳಿ
*ಅದಕ್ಕೆ ಪುಡಿ ಮಾಡಿದ ಮಿಶ್ರಣವನ್ನೂ,ಗೋಡಂಬಿ ದ್ರಾಕ್ಷಿ ಯನ್ನೂ ಸೇರಿಸಿ ಇನ್ನೈದು ನಿಮಿಷ ಹುರಿಯಿರಿ.
*ಒಲೆ ಆರಿದ ನಂತರ ಸ್ವಲ್ಪ ಸ್ವಲ್ಪ ಹಾಲು ಸೇರಿಸಿಕೊಂಡು ಉಂಡೆ ಕಟ್ಟಿರಿ.

ರವೆ ಹುಗ್ಗಿ (ಪೊಂಗಲ್)
ಸಾಮಾನು: ಒಂದು(ಲೋಟ) ಅಳತೆ ರವೆಗೆ ಮುಕ್ಕಾಲು ಅಳತೆ ಹೆಸರು ಬೇಳೆ,ಎರಡು ಚಮಚ ಉಪ್ಪು,ಒಂದು ಚಮಚ ಮೆಣಸು,ಒಂದು ತುಂಡು ಹಸಿ ಶುಂಠಿ,ಮೂರು ಚಮಚ ಗೋಡಂಬಿ,ಅರ್ಧಲೋಟ ತುಪ್ಪ.
ವಿಧಾನ:
*ರವೆ ಮತ್ತು ಹೆಸರುಬೇಳೆಯನ್ನು ಬೇರೆ ಬೇರೆಯಾಗಿ ತುಪ್ಪದಲ್ಲಿ ಹುರಿದುಕೊಳ್ಳಿ
*ಉಳಿದ ತುಪ್ಪ ಬಾಣಲೆಗೆ ಹಾಕಿ ಕಾದ ನಂತರ ಗೋಡಂಬಿ,ಮೆಣಸು,ಜೀರಿಗೆ ಶುಂಠಿ ಹಾಕಿ.
*ಅದು ಸೀದು ಹೋಗುವ ಮೊದಲೇ ನಾಲ್ಕು ಲೋಟ ನೀರು ಸುರಿಯಿರಿ.
*ಕುದಿಯಲು ಆರಂಭವಾದಾಗ ಉಪ್ಪು ಹಾಕಿ ನಂತರ ಹುರಿದ ರವೆ ಮತ್ತು ಹೆಸರು ಬೇಳೆ ಬೆರೆಸಿ.
*ಗಟ್ಟಿ ಎನಿಸಿದಲ್ಲಿ ಮತ್ತೊಂದು ಲೋಟ ಬಿಸಿನೀರು ಬೆರೆಸಿ.

ಮೆಂತ್ಯದ ಸಾರು
ಸಾಮಾನು:
ತೊಗರಿ ಬೇಳೆ ಕಾಲು ಕಿಲೋ,ನಾಲ್ಕು ಚಮಚ ಮೆಂತ್ಯ,ನಿಂಬೆ ಗಾತ್ರ ಹುಣಸೇ ಹಣ್ಣು, ಸಾರು ಅಥವಾ ಮೆಣಸಿನ ಪುಡಿ ಒಂದು ಚಮಚ,ರುಚಿಗೆ ತಕ್ಕ ಉಪ್ಪು,ಒಗ್ಗರಣೆಗೆ ಇಂಗು,ಸಾಸಿವೆಕರಿಬೇವಿನ ಎಲೆಗಳು,ಒಂದು ಚಮಚ ತುಪ್ಪ.ಕೊತ್ತಂಬರಿ ಸೊಪ್ಪು ಅರ್ಧ ಕಟ್ಟು.
ವಿಧಾನ:
*ತೊಗರಿ ಬೇಳೆ ಮತ್ತು ಮೆಂತ್ಯವನ್ನು ಪಾತ್ರೆಯೊಂದರಲ್ಲಿ ಅಥವಾ ಕುಕ್ಕರ್ನಲ್ಲಿ ಬೇಯಿಸಿಕೊಳ್ಳಿ.
*ಬೆಂದ ನಂತರ ಒಲೆಯಮೇಲಿಟ್ಟು ಅದಕ್ಕೆ ಮೊದಲು ಉಪ್ಪು ನಂತರ ಮೆಣಸಿನ ಪುಡಿ ಹಾಕಿ ಕುದಿಸಿ.
*ಹುಣಸೇ ರಸ ಬೆರೆಸಿ,ಕೊಚ್ಚಿದ ಕೊತ್ತಂಬರಿ ಹಾಕಿ.ತುಪ್ಪದ ಒಗ್ಗರಣೆ ಮಾಡಿ ಬೆರೆಸಿ ಕೆಳಗಿಳಿಸಿ.

ಹುರಳಿ ಸಾರು
ಸಾಮಾನು:ಅರ್ಧ ಕಿಲೋ ಹುರಳಿ,ಅರ್ಧ ತೆಂಗಿನ ಕಾಯಿ ತುರಿ,ಒಂದು ಚಮಚ ಜೀರಿಗೆ,ನಿಂಬೆ ಗಾತ್ರ ಹುಣಸೇ ಹಣ್ಣು,ಐದಾರು ಒಣ ಮೆಣಸಿನ ಕಾಯಿ.ಒಂದು ಸಣ್ಣ ಸೌಟಿನಷ್ಟು ಕೊತ್ತಂಬರಿ ಬೀಜ,ತುಪ್ಪ ಅಥವಾ ಎಣ್ಣೆ ಒಂದು ಚಮಚ, ಸಾಸಿವೆ.
ವಿಧಾನ:
*ಹುರಳಿಯನ್ನು ಪಾತ್ರೆಯೊಂದರಲ್ಲಿ ಅಥವಾ ಕುಕ್ಕರ್ನಲ್ಲಿ ಬೇಯಿಸಿಕೊಳ್ಳಿ.
*ಕಾಯಿತುರಿ,ಕೊತ್ತಂಬರಿ ಬೀಜ,ಜೀರಿಗೆ ಜೊತೆಗೆ ಬೆಂದ ಕಾಳನ್ನೂ ಸ್ವಲ್ಪ ಬೆರೆಸಿ ರುಬ್ಬಿಕೊಳ್ಳಿ
*ಬೆಂದ ಕಾಳಿಗೆ ಮಿಶ್ರಣವನ್ನು ಬೆರೆಸಿ ಉಪ್ಪು ಸೇರಿಸಿ ಗೊಟಾಯಿಸಿ.
*ಹುಣಸೇ ರಸವನ್ನು ಬೆರೆಸಿ, ಒಗ್ಗರಣೆ ಹಾಕಿ ಒಲೆ ಆರಿಸಿ.

ಅವರೇಕಾಳು ಸಾರು
ಸಾಮಾನು:ಅರ್ಧ ಕಿಲೋ ಅವರೇಕಾಳು, ತೊಗರಿ ಬೇಳೆ ಕಾಲು ಕಿಲೋ,ಸಾರು ಅಥವಾ ಮೆಣಸಿನ ಪುಡಿ ಎರಡು ಚಮಚ,ಕೊತ್ತಂಬರಿ ಸೊಪ್ಪು ಅರ್ಧ ಕಟ್ಟು.ಕರಿಬೇವು,ನಿಂಬೆ ಗಾತ್ರ ಹುಣಸೇ ಹಣ್ಣು,,ತುಪ್ಪ ಅಥವಾ ಎಣ್ಣೆ ಒಂದು ಚಮಚ, ಸಾಸಿವೆ,ಇಂಗು.
ವಿಧಾನ:
*ಸಿಪ್ಪೆ ಸುಲಿದ ಅವರೇಕಾಳು, ತೊಗರಿ ಬೇಳೆಯನ್ನು ಪಾತ್ರೆಯೊಂದರಲ್ಲಿ ಅಥವಾ ಕುಕ್ಕರ್ನಲ್ಲಿ ಬೇಯಿಸಿಕೊಳ್ಳಿ
*ಕುದಿಯುವ ಬೇಳೆಗೆ ಮೆಣಸಿನ ಪುಡಿ, ಕೊತ್ತಂಬರಿ ಸೊಪ್ಪು,ಕರಿಬೇವು ಬಿಡಿಸಿ ಹಾಕಿ.
*ಹುಣಸೇ ರಸ ಬೆರೆಸುವ ಮುನ್ನ ಉಪ್ಪು ಹಾಕಿ
*ಒಗ್ಗರಣೆ ಸುರಿದು ತಿನ್ನಲು ಬಳಸಿ.

ನಿಂಬೆಕಾಯಿ ಸಾರು
ಸಾಮಾನು:ಮೂರು ನಿಂಬೆಹಣ್ಣು,ಒಂದು ಬಟ್ಟಲು ತೊಗರಿಬೇಳೆ,ಎರಡು ಮಾಗಿದ ಟೊಮಾಟೋ ಹಣ್ಣು,ಎರಡು ಹಸಿ ಮೆಣಸಿನ ಕಾಯಿ,ಮೂರು ಕೆಂಪು ಮೆಣಸಿನ ಕಾಯಿ,ಕಡ್ಲೇ ಬೇಳೆ ಕೊತ್ತಂಬರಿ ಬೀಜ ತಲಾ ಒಂದು ಚಮಚ,ಜೀರಿಗೆ,ಮೆಣಸು,ಅರಿಶಿನ,ಸಾಸಿವೆ ತಲಾ ಅರ್ಧ ಚಮಚ. ಒಗ್ಗರಣೆಗೆ ಚಿಟಿಕೆ ಇಂಗು,ಎಣ್ಣೆ,ಕರಿಬೇವು ರುಚಿಗೆ ತಕ್ಕಷ್ಟು ಉಪ್ಪು.
ವಿಧಾನ:
*ಬೇಳೆಯನ್ನು ಅರಿಶಿನ ಬೆರೆಸಿ ಬೇಯಿಸಿ ಚೆನ್ನಾಗಿ ತಿರುವಿ ಇಡಿ.
*ಹುರಿದ ಒಣ ಮೆಣಸಿನ ಕಾಯಿ,ಕೊತ್ತಮ್ಬರಿ ಬೀಜ,ಕಡ್ಲೇ ಬೇಳೆ,ಮೆಣಸು,ಜೀರಿಗೆ,ಇಂಗು ಎಲ್ಲಾ ಒಣಗಿಸಿ ಕುಟ್ಟಿ ಅಥವಾ ಮಿಕ್ಸಿಯಲ್ಲಿ ಪುಡಿ ಮಾಡಿಕೊಳ್ಳಿ.
*ಎರಡು ಬಟ್ಟಲು ನೀರು ಕುದಿಸಿ ಅರಿಶಿನ ಹೆಚ್ಚಿದ ಟೊಮಾಟೋ,ಕತ್ತರಿಸಿದ ಹಸಿ ಮೆಣಸಿನ ಕಾಯಿ ಉಪ್ಪು ಹಾಕಿ ಬೇಯಿಸಿ.
*ನೀರು ಕುದಿಯುವಾಗ ಬೇಳೆ ಬೆರೆಸಿ ಎರಡು ಬಾರಿ ತಿರುವಿ ರುಬ್ಬಿದ ಪುಡಿ ಬೆರೆಸಿ ಕುದಿಸಿ.
*ನಿಂಬೆ ರಸವನ್ನು ಬೆರೆಸಿದ ನಂತರ ಸಾಸಿವೆ ಕರಿಬೇವು ಒಗ್ಗರಣೆ ಹಾಕಿ ಒಲೆಯಿಂದಿಳಿಸಿ.

ಬಾಳೆ ಹಣ್ಣಿನ ದೋಸೆ
ಸಾಮಾನು:ಅರ್ಧ ಕಿಲೋ ಅಕ್ಕಿ,ಏಳು/ಎಂಟು ಬಾಳೇ ಹಣ್ಣು, ಅರ್ಧ ತೆಂಗಿನ ಕಾಯಿ ತುರಿ,ಚಿಟಿಕೆ ಉಪ್ಪು, ತುಪ್ಪ ಸ್ವಲ್ಪ
ವಿಧಾನ:
*ಅಕ್ಕಿಯನ್ನು ಮೂರು ಗಂಟೆ ಕಾಲ ನೆನೆಯಲು ಬಿಡಿ.
*ಸುಲಿದ ಬಾಳೆ ಹಣ್ಣನ್ನು ಹಿಸುಕಿ(ಕಿವುಚಿ)ಕಾಯಿ ತುರಿ ಬೆರೆಸಿ ಚೆನ್ನಾಗಿ ರುಬ್ಬಿಕೊಳ್ಳಿ.
*ಹಿಟ್ಟಿಗೆ ಉಪ್ಪು ಸೇರಿಸಿ ತಾಸು ಬಿಟ್ಟು,ತುಪ್ಪ ಸವರಿದ ತವದಮೇಲೆ ಹುಯ್ಯಿರಿ.

ಬಂನ್ಸ್(ಮಂಗಳೂರು ಶೈಲಿ)
ಸಾಮಾನು:ಅರ್ಧ ಕಿಲೋ ಮೈದಾಹಿಟ್ಟು,ಒಂದು ಲೋಟ ಸಕ್ಕರೆ,ನಾಲ್ಕಾರು ಬಾಳೇಹಣ್ಣು,ಏಲಕ್ಕಿ ಪುಡಿ ಅರ್ಧ ಚಮಚ,ಎಣ್ಣೆ ಕರಿಯಲು
. ವಿಧಾನ:
*ಮೈದಾಹಿಟ್ಟಿಗೆ,ಏಲಕ್ಕಿ ಪುಡಿ, ಕಿವಿಚಿದ ಬಾಳೇಹಣ್ಣನ್ನು ಬೆರೆಸಿ ಚಪಾತಿ ಹಿಟ್ಟಿನಂತೆ ಕಲಸಿ(ನೀರು ಬೇಡ)
*ಕಲಸುವಾಗ ಒಂದೆರೆಡು ಚಮಚ ಕಾದ ಎಣ್ಣೆ ಬೆರೆಸಿಕೊಂಡರೆ ಬಂನ್ಸ್ ಗರಿ ಗರಿಯಾಗಿರುತ್ತದೆ.
*ಎಣ್ಣೆ ಕಾದ ನಂತರ ಪೂರಿಗಿಂತ ಪುಟ್ಟದಾಗಿ ಲಟ್ಟಿಸಿ ಕರೆಯಿರಿ.
*ಉಬ್ಬಿ, ಬೆಂದ ಬಂನ್ಸ್ ಹದಿನೈದು ದಿನಗಳವರೆಗೂ ಫ್ರಿಡ್ಜ್ ಇಲ್ಲದೇ ಇಡಬಹುದು.

ಶುಂಠಿ ಮೊಸರು
ಸಾಮಾನು:
ಎರಡು ದೊಡ್ಡ ಹಸಿ ಶುಂಠಿ,ಒಂದು ಬಟ್ಟಲು ಮೊಸರು,ಅರ್ಧಚಮಚ ಸಕ್ಕರೆ,ತೆಂಗಿನ ತುರಿ ಒಂದು ಸೌಟು್,ಒಗ್ಗರಣೆಗೆ ಎಣ್ಣೆ,ಇಂಗು,ಅರ್ಧ ಚಮಚ ಸಾಸಿವೆ ಮತ್ತು ಜೀರಿಗೆ,ಕರಿಬೇವು.ರುಚಿಗೆ ತಕ್ಕ ಉಪ್ಪು.
ವಿಧಾನ:
*ಶುಂಠಿ ಹೆರೆದು ಕಣಕವಾಗುವಂತೆ ತೆಂಗು ಸೇರಿಸಿ ಅರೆಯಿರಿ.
*ಕಣಕ ಬೆರೆಸಿ ಮೊಸರು ಕಡೆದು ಉಪ್ಪು ಸೇರಿಸಿ.
*ಸಾಸಿವೆ,ಜೀರಿಗೆ,ಕರಿಬೇವು,ಇಂಗು ಒಗ್ಗರಣೆ ಹಾಕಿ ಮೊಸರಿಗೆ ಸುರುವಿ.

ಬದನೆ ಕಾಯಿ ಎಣ್ಣೆಗಾಯಿ
ಸಾಮಾನು:ಅರ್ಧ ಕಿಲೋ ಗುಂಡು ಬದನೇ ಕಾಯಿ,ಎಣ್ಣೆ ಒಂದು ಬಟ್ಟಲು,ಒಂದು ನಿಂಬೆ ಹಣ್ಣು,ಹತ್ತು ಒಣ ಮೆಣಸಿನ ಕಾಯಿ,ಕಡ್ಲೇ ಬೇಳೆ ಮತ್ತು ಉದ್ದಿನ ಬೇಳೆ ಎರೆಡೆರೆಡು ಚಮಚ,ಓಣ ಕೊಬ್ಬರಿ ತುರಿ ಎರಡು ಚಮಚ,ಒಂದು ಚಮಚ ಕೊತ್ತಂಬರಿ ಬೀಜ,ಚಕ್ಕೆ,ಮೊಗ್ಗು,ಲವಂಗ ಸ್ವಲ್ಪ, ಒಂದು ಚಮಚ ಆರಿಶಿನ್ ಮತ್ತು ಸಾಸಿವೆ
ವಿಧಾನ:
*ಒಣ ಮೆಣಸಿನ ಕಾಯಿ,ಕಡ್ಲೇ ಬೇಳೆ ಮತ್ತು ಉದ್ದಿನ ಬೇಳೆ ,ಓಣ ಕೊಬ್ಬರಿ , ಕೊತ್ತಂಬರಿ ಬೀಜ,ಚಕ್ಕೆ,ಮೊಗ್ಗು,ಲವಂಗ ಎಲ್ಲವನ್ನೂ ಪ್ರತ್ಯೇಕ ಹುರಿದು ಪುಡಿ ಮಾಡಿಕೊಳ್ಳಿ.
*ಪುಡಿಗೆ ಉಪ್ಪು, ಅರಿಸಿನ ಸೇರಿಸಿ ಕಲಸಿ.
*ಪ್ರತಿಯೊಂದು ಬದನೆ ಕಾಯಿಯನ್ನೂ ತುಂಡಾಗದಂತೆ ನಾಲ್ಕು ಭಾಗ ಸೀಳಿ.
*ನಡುವೆ ಒಂದೊಂದು ಚಮಚ ಮಸಾಲೆಯನ್ನು ತುಂಬಿಡಿ.
*ಕಾದ ಎಣ್ಣೆಗೆ ಸಾಸಿವೆ,ಕರಿಬೇವು ಹಾಕಿ ಕಾಯಿಗಳನ್ನು ಅದರಲ್ಲಿ ಸುರಿದು ಎಣ್ಣೆಯಲ್ಲೇ ಬೇಯಿಸಿ.
*ಹತ್ತು ನಿಮಿಷಗಳ ನಂತರ (ಮೃದುವಾಗಿ ಬೆಂದ ನಂತರ) ಎಣ್ಣೆಗಾಯಿ ಕೆಳಗಿಳಿಸಿ.

ಹೀರೇಕಾಯಿ ಸಿಪ್ಪೆ ಚಟ್ನಿ
ಸಾಮಾನು
ಹೀರೇಕಾಯಿ ಅರ್ಧ ಕಿಲೋ,ಹಸಿ ಮೆಣಸಿನಕಾಯಿ ಹತ್ತು , ಉಪ್ಪು ಒಂದು ಟೀ ಚಮಚ, ಹುಣಸೇ ಹಣ್ಣು ನಿಂಬೆ ಗಾತ್ರ ಮತ್ತು ವಗ್ಗರಣೆಗೆ ಸ್ವಲ್ಪ ಎಣ್ಣೆ ಕರಿಬೇವು, ಸಾಸಿವೆ, ಇಂಗು, ಜೀರಿಗೆ
ವಿಧಾನ:
*ಹೆರೆದು ಅಡುಗೆಗೆ ಬಳಿಸಿ ಉಳಿದ ಹೀರೇಕಾಯಿ ಸಿಪ್ಪೆಯನ್ನು ತುಂಡು ಮಾಡಿಕೊಳ್ಳಿ
*ಉಳಿದೆಲ್ಲಾ ಸಾಮಾನಿನ ಜೊತೆ ಸ್ವಲ್ಪ ನೀರು ಬೆರೆಸಿ ರುಬ್ಬಿಕೊಳ್ಳಿ
*ಬಾಣಲೆಯಲ್ಲಿ ವಗ್ಗರಣೆ ಹಾಕಿ,ಸಣ್ನಗೆ ಹೆಚ್ಚಿದ ಹೀರೇಕಾಯಿ ಸಿಪ್ಪೆಯನ್ನು ಬಾಡಿಸಿ
*ರುಬ್ಬಿದ ಮಿಶ್ರಣವನ್ನೂ ಅದಕ್ಕೆ ಬೆರೆಸಿ ಎರಡು ನಿಮಿಷ ಬಾಡಿಸಿ

ಹೂರಣದ ಹೋಳಿಗೆ
ಸಾಮಾನು:ಅರ್ಧಕಿಲೋ ಮೈದಾಹಿಟ್ಟು,ಅರ್ಧಕಿಲೋ ಕಡಲೇ ಬೇಳೆ,ಅರ್ಧಕಿಲೋ ಬೆಲ್ಲ,ಹತ್ತು ಯಾಲಕ್ಕಿ,ಕಾಲು ಕಿಲೋ ಎಣ್ಣೆ/ತುಪ್ಪ
ವಿಧಾನ:
ಜರಡಿ ಹಿಡಿದ ಮೈದಾಹಿಟ್ಟಾನ್ನು ಪೂರಿ ಹಿಟ್ಟಿನ ಹದಕ್ಕೆ ಕಲಸಿ,ಚೆನ್ನಾಗಿ ನಾದಿ ಎಣ್ಣೆಯಲ್ಲಿ ಅದ್ದಿಡಿ(ಎರಡರಿಂದ ನಾಲ್ಕು ತಾಸು)
*ಕಡಲೆ ಬೇಳೆ ಎರಡುಘಂಟೆ ನೆನೆಸಿ,ನಂತರ ನೀರಿನಲ್ಲಿ ಕುದಿಸಿ ನೀರನ್ನು ಬಸಿದುಕೊಳ್ಳಿ
*ಬೆಲ್ಲದ ಪುಡಿ ಬೆರೆಸಿ ಬಾಣಲೆಯಲ್ಲಿ ಬಾಡಿಸಿ,ಬೆಲ್ಲ ಕರಗಿದ ನಂತರ ಆರಿಸಿ,ರುಬ್ಬಿಟ್ಟುಕೊಂಡರೆ ಹೂರಣ ಸಿದ್ಧ
*ಮುಂಚೆ ಕಲಸಿದ್ದ ಮೈದಾ ಹಿಟ್ಟನ್ನು ನಿಂಬೆ ಗಾತ್ರದಲ್ಲಿ ತೆಗೆದು ಬಟ್ಟಲಿನಂತೆ ಹಳ್ಳಮಾಡಿ ಹೂರಣ ತುಂಬಿ ಅದೇ ಹಿಟ್ಟಿನಿಂದ ಮುಚ್ಚಿ ಲಟ್ಟಿಸಿ
*ಕಾದ ಕಾವಲಿಯ ಮೇಲೆ ತುಪ್ಪ ಬಳಸಿ ಸುಡುವುದು.
ಬಿಸಿಬಿಸಿ ಇದ್ದಾಗಲೇ ಹಾಲು ತುಪ್ಪದೊಡನೆ ತಿನ್ನಲು ಕೊಡಿ

ತೆಂಗಿನ ಕಾಯಿ ಹೋಳಿಗೆ
ಸಾಮಾನು: ಒಂದು ತೆಂಗಿನ ಕಾಯಿ, ಒಣ ಕೊಬ್ಬರಿ ಒಂದು ಲೋಟ,ಗೋಧಿ ಹಿಟ್ಟು ಅರ್ಧ ಲೋಟ,ಮೈದಾ ಹಿಟ್ಟು ಅರ್ಧ ಕಿಲೋ,ಯಾಲಕ್ಕಿ 8, ಗಸಗಸೆ 50 ಗ್ರಾಂ,ಎಣ್ಣೆ/ತುಪ್ಪ ಕಾಲು ಕಿಲೋ
ವಿಧಾನ:
*ಕಾಯಿ ತುರಿಯನ್ನು ನೀರಿಲ್ಲದೇ ರುಬ್ಬಿ ಬೆಲ್ಲ ಸೇರಿಸಿ ಬಾಣಲೆಯಲ್ಲಿ ಬಾಡಿಸಿ
*ಏಲಕ್ಕಿ ಪುಡಿ, ಒಣಕೊಬ್ಬರಿ ಬೆರೆಸಿ ನಿಂಬೆ ಗಾತ್ರದ ಉಂಡೆಗಳನ್ನು ಮಾಡಿಕೊಳ್ಳಿ
*ಮೈದಾ ಮತ್ತು ಗೋಧಿ ಹಿಟ್ಟನ್ನು 4/6 ಚಮಚ ಎಣ್ಣೆ ಹಾಕಿ ಹದವಾಗಿ ಕಲಸಿಕೊಳ್ಳಿ
*ಹಿಟ್ಟನ್ನು ನಿಂಬೆ ಗಾತ್ರದಲ್ಲಿ ತೆಗೆದು ಬಟ್ಟಲಿನಂತೆ ಹಳ್ಳಮಾಡಿ ಹೂರಣ ತುಂಬಿ ಅದೇ ಹಿಟ್ಟಿನಿಂದ ಮುಚ್ಚಿ ಲಟ್ಟಿಸಿ
*ಕಾದ ಕಾವಲಿಯ ಮೇಲೆ ತುಪ್ಪ ಬಳಸಿ ಸುಡುವುದು.
ಬಿಸಿಬಿಸಿ ಇದ್ದಾಗಲೇ ಹಾಲು ತುಪ್ಪದೊಡನೆ ತಿನ್ನಲು ಕೊಡಿ

ರವೆ ಹೋಳಿಗೆ
ಸಾಮಾನು: ಒಂದು ಕಿಲೋ ಮೈದಾಹಿಟ್ಟು,ಒಂದು ಕಿಲೋ ಸಕ್ಕರೆ,ಅರ್ಧಕಿಲೋ ಸಣ್ಣರವೆ,ಯಾಲಕ್ಕಿ 10,ಕಾಲು ಕಿಲೋ ತುಪ್ಪ,ಅರ್ಧ ಬಟ್ಟಲು ಎಣ್ಣೆ
ವಿಧಾನ:
*ಬಾಣಲೆಯಲ್ಲಿ ರವೆಯನ್ನು ಘಂ ಎಂದು ವಾಸನೆ ಬರುವವರೆಗೂ ಹುರಿದು ಅದಕ್ಕೆ ಎರಡರಷ್ಟು ನೀರು ಹಾಕಿ ಬೇಯಿಸಿ ಸಕ್ಕರೆ ಸ್ವಲ್ಪ ತುಪ್ಪ ಬೆರೆಸಿ ಬಾಡಿಸಿ
*ಆರಿದ ರವೆಮಿಶ್ರಣಕ್ಕೆ ಯಾಲಕ್ಕಿ ಪುಡಿ ಬೆರೆಸಿ ನಿಂಬೆ ಗಾತ್ರದ ಉಂಡೆಗಳನ್ನು ಮಾಡಿಕೊಳ್ಳಿ(ಹೂರಣ)
*ಮೈದಾಹಿಟ್ಟನ್ನು ಪೂರಿ ಹಿಟ್ಟಿನಂತೆ ಚೆನ್ನಾಗಿ ಕಲಸಿ ನಾದಿರಿ
*ಹಿಟ್ಟನ್ನು ನಿಂಬೆ ಗಾತ್ರದಲ್ಲಿ ತೆಗೆದು ಬಟ್ಟಲಿನಂತೆ ಹಳ್ಳಮಾಡಿ ಹೂರಣ ತುಂಬಿ ಅದೇ ಹಿಟ್ಟಿನಿಂದ ಮುಚ್ಚಿ ಲಟ್ಟಿಸಿ
*ಕಾದ ಕಾವಲಿಯ ಮೇಲೆ ತುಪ್ಪ ಬಳಸಿ ಸುಡುವುದು.
ಬಿಸಿಬಿಸಿ ಇದ್ದಾಗಲೇ ಹಾಲು ತುಪ್ಪದೊಡನೆ ತಿನ್ನಲು ಕೊಡಿ

ಹಾಲುಬಾಯಿ
ಸಾಮಾನು: ಅರ್ಧ ಕಿಲೋ ಅಕ್ಕಿ,ಒಂದು ತೆಂಗಿನ ಕಾಯಿ ಅಥವಾ ಗಟ್ಟಿಯಾದ ಕೋಕನಟ್ ಕ್ರೀಮ್,ಒಂದು ಕಿಲೋ ಬೆಲ್ಲ,ಚಿಟಿಕೆ ಉಪ್ಪು,ಯಾಲಕ್ಕಿ 6
ವಿಧಾನ:
*ತೆಂಗಿನ ಕಾಯನ್ನು ಸಣ್ಣಗೆ ತುರಿದುಅದನ್ನು ರುಬ್ಬಿ ಹಾಲನ್ನು ಮಾತ್ರ ತೆಗೆದಿಟ್ಟುಕೊಳ್ಳಿ.
*1 1/2 ಗಂಟೆಯ ಕಾಲ ನೆನೆಸಿದ ಅಕ್ಕಿ,ತೆಂಗಿನ ಹಾಲು,ಉಪ್ಪು,ಬೆಲ್ಲ ಯಾಲಕ್ಕಿ ಎಲ್ಲವನ್ನೂ ರುಬ್ಬಿಕೊಳ್ಳುವುದು
*ಇದನ್ನು ದಪ್ಪ ತಳದ ಪಾತ್ರೆಯಲ್ಲಿ ಒಲೆಯ ಮೇಲಿಟ್ಟು ಹದವಾಗಿ ಕೈ ಆಡಿಸುತ್ತಾ ಹಲ್ವದಂತೆ ಆಡಿಸುತ್ತಿರಿ
*ತುಪ್ಪ ಸವರಿದ ತಟ್ಟೆಯಲ್ಲಿ ಸುರಿದು ಗೋಡಂಬಿ ದ್ರಾಕ್ಷಿ ಉದುರಿಸಿ, ಬೆಚ್ಚಗಿರುವಾಗಲೇ ಚಾಕುವಿನಿಂದ ಚೌಕವಾಗಿ ಕತ್ತರಿಸಿಡಿ.
*ಪೂರ್ತಿ ಆರಿದ ನಂತರ ತಟ್ಟೆಯಲ್ಲಿ ಜೋಡಿಸಿ ಇಟ್ಟು ಸವಿಯಿರಿ.

ಹಲಸಿನ ಹಣ್ಣಿನ ದೋಸೆ
ಸಾಮಾನು: ಹಲಸಿನ ತೊಳೆ 25,ಒಂದು ಕಿಲೋ ಅಕ್ಕಿ,ಅರ್ಧ ತೆಂಗಿನ ಹೋಳು,ಉಪ್ಪ 4 ಚಮಚ,ಒಂದು ಬಟ್ಟಲು ತುಪ್ಪ
ವಿಧಾನ:
*ಅಕ್ಕಿಯನ್ನು ಎರಡು ಗಂಟೆ ಕಾಲ ನೆನೆಸಿ, ಮಿಕ್ಕ ಎಲ್ಲಾ ಸಾಮಾನುಗಳನ್ನೂ ಸೇರಿಸಿ ರುಬ್ಬಿಕೊಳ್ಳಿ
*ಒಲೆಯ ಮೇಲೆ ಕಾವಲಿ ಇಟ್ಟು ಹಿಟ್ಟಿನಿಂದ ದೋಸೆ ಹೊಯ್ದು ಎರಡೂ ಬದಿಯಲ್ಲೂ ತುಪ್ಪ ಹಾಕಿ ಕೆಂಪಗೆ ಬೇಯಿಸಿ.
*ದೋಸೆ ಸ್ವಲ್ಪ ಸಿಹಿ ಇರುವುದರಿಂದ ಇದಕ್ಕೆ ನೆಂಚಿಕೊಳ್ಳಲು ಚಟ್ನಿಯ ಅವಶ್ಯಕತೆ ಇಲ್ಲ.
ಬಗೆ ಬಗೆ ಭಾತ್ ,ಪಲಾವ್ ಮತ್ತು ಬಿರಿಯಾನಿಗಳು

ಟೊಮೊಟೋ ಬೆಳ್ಳುಳ್ಳಿ ಭಾತ್
ಸಾಮಾನು: ಅಕ್ಕಿ1ಪಾವು, ಹಸಿಮೆಣಸಿನ ಕಾಯಿ 8,ಬೆಳ್ಳುಳ್ಳಿ 3 ಗಡ್ಡೆಗಳು, ಟೊಮೊಟೋ 5,ಗೋಡಂಬಿ 6-8,ತುಪ್ಪ 1ಚಮಚ,ಉಪ್ಪು 1-2 ಚಮಚ,ಒಗ್ಗರಣೆಗೆ-ಎಣ್ಣೆ 50ಗ್ರಾಂ,ಅರಿಶಿನ 1ಚಿಟಿಕೆ,ಇಂಗು 1ಚಿಟಿಕೆ, ಸಾಸಿವೆ 1ಚಮಚ,ಉದ್ದಿನಬೇಳೆ 1ಚಮಚ,ಕಡಲೇ ಬೇಳೆ1ಚಮಚ,ಕರಿಬೇವು 3 ಎಳಸು,
ವಿಧಾನ:
*ಅಕ್ಕಿಯನ್ನು ತೊಳೆದು ಉದುರುದುರಾಗಿ (ತುಪ್ಪ ಬೆರೆಸಿ) ಅನ್ನ ಮಾಡಿಕೊಳ್ಳಿ, ತಣ್ಣಗಾಗಲು ಬಿಡಿ
*ಬೆಳ್ಳುಳ್ಳಿ ಸಿಪ್ಪೆಬಿಡಿಸಿ,ಮೆಣಸಿನಕಾಯಿ ಸೀಳಿ,ಟೊಮೊಟೋ ಬಿಲ್ಲೆಗಳಾಗಿ ಕತ್ತರಿಸಿಕೊಳ್ಳಿ.
*ದಪ್ಪ ತಲದ ಬಾಣಲೆಯಲ್ಲಿ ಎಣ್ಣೆ ಬಿಸಿಮಾಡಿ ಒಗ್ಗರಣೆ ಮಾಡಿಕೊಳ್ಳಿ
*ಅದಕ್ಕೆ ಮೊದಲು ಮೆಣಸಿನಕಾಯಿ ನಂತರ ಗೋಡಂಬಿ,ಟೊಮೊಟೋ ಹಾಕಿ ಹಿರಿಯಿರಿ
*ಬೆಂದ ನಂತರ ಅರಿಶಿನ ಹಾಕಿ,ಉಪ್ಪು ಸೇರಿಸಿ.
*ಮಿಶ್ರಣ ತಣ್ಣ ನಂತರ ಅನ್ನವನ್ನು ಸೇರಿಸಿ ಕಲಸಿ,ಅಲಂಕಾರಕ್ಕೆ ಕೊತ್ತಂಬರಿ ಸಿಂಪಡಿಸಿ ಬಡಿಸಿ.

ಅವರೇಕಾಯಿ ಟೊಮೊಟೋ ಭಾತ್
ಸಾಮಾನು:ಅಕ್ಕಿ1ಪಾವು,ಹಸಿ ಅವರೇಕಾಳು1ಪಾವು,ಟೊಮೊಟೋ 5,ಈರುಳ್ಳಿ 3-4,ಒಣಮೆಣಸಿನ ಕಾಯಿ 8-10,ಗರಂ ಮಸಾಲ 1ಚಮಚ,ಗಸಗಸೆ 1ಚಮಚ,ಬಿಳಿ ಎಳ್ಳು1ಚಮಚ,ಶುಂಟಿ 2ಗೋಲಿ ಗಾತ್ರ, ಕೊತ್ತಂಬರಿ ಸೊಪ್ಪು 1ಕಂತೆ,ತೆಂಗಿನ ತುರಿ 1ಬಟ್ಟಲು ಎಣ್ಣೆ 40 ಗ್ರಾಂ,ಉಪ್ಪು 1-2 ಚಮಚ,
ವಿಧಾನ:
*ಮೆಣಸಿನ ಕಾಯಿ,ಎಳ್ಳು,ಗರಂ ಮಸಾಲ ಒಟ್ಟಿಗೆ ಹುರಿದು ನುಣ್ಣಗೆ ರುಬ್ಬಿಕೊಳ್ಳಿ,
*ಪಾತ್ರೆಯಲ್ಲಿ ಎಣ್ಣೆಹಾಕಿ ಕಾದ ನಂತರ ಹೆಚ್ಚಿದ ಈರುಳ್ಳಿ,ಟೊಮೋಟೊ ಹಾಕಿ ಬಾಡಿಸಿ,
*ನಂತರ ಅವರೇಕಾಯಿ ಸ್ವಲ್ಪನೀರು ಸೇರಿಸಿ ಕುದಿಸಿ ಬೇಯಿಸಿ,
*ಅದಕ್ಕೆ ನೆನೆಸಿಟ್ಟ ಅಕ್ಕಿಗೆ ರುಬ್ಬಿದ ಮಸಾಲೆ,ಉಪ್ಪು ಸೇರಿಸಿ ಸುರಿದು ಅಕ್ಕಿ ಬೇಯುವ ವರೆಗೂ ಬೇಯಿಸಿ,
*ಮೇಲೆ ಎರಡು ಚಮಚ ತುಪ್ಪ,ಕೊತ್ತಂಬರಿ ಉದುರಿಸಿ ಬಿಸಿಯಿರುವಾಗಲೇ ತಿನ್ನಲು ಕೊಡಿ.

ಮೊಳಕೆ ಮೆಂತ್ಯದ ಭಾತ್
ಸಾಮಾನು:ಅಕ್ಕಿ2ಪಾವು,ಮೊಳಕೆ ಬಂದಿರುವ ಮೆಂತ್ಯ 4ಚಮಚ,ನಿಂಬೆ ಹಣ್ಣು 1,ಹೆಚ್ಚಿದ ಕ್ಯಾರೆಟ್1,ಈರುಳ್ಳಿ2,ಹುರಳಿ ಕಾಯಿ100 ಗ್ರಾಂ,ಹಸಿಮೆಣಸಿನ ಕಾಯಿ 8,ಶುಂಟಿ 2ಗೋಲಿ ಗಾತ್ರ,ಬೆಳ್ಳುಳ್ಳಿ 1 ಗಡ್ಡೆ,ಎಣ್ಣೆ 100 ಗ್ರಾಂ,ಕೊತ್ತಂಬರಿ ಸೊಪ್ಪು 1ಕಂತೆ,ಸಕ್ಕರೆ ಅರ್ಧ ಚಮಚ,ಉಪ್ಪು 1-2 ಚಮಚ,
ವಿಧಾನ:
*ಈರುಳ್ಳಿ,ಶುಂಟಿ,ಬೆಳ್ಳುಳ್ಳಿ,ಮೆಣಸಿನಕಾಯಿಯನ್ನು ಯನ್ನು ರುಬ್ಬಿಟ್ಟುಕೊಳ್ಳಿ.
*ಅಕ್ಕಿಯನ್ನು ತೊಳೆದು ಅಬ್ಸಿ ಹಾಕಿ,ಕುಕ್ಕರಿನಲ್ಲಿ ಎಣ್ಣೆ ಹಾಕಿ ಕಾದನಂತರ ಒಗ್ಗರಣೆ ಹಾಕಿ.
*ರುಬ್ಬಿದ ಮಿಶ್ರಣವನ್ನು ಒಗ್ಗರಣೆಗೆ ಹಾಕಿ ಕೆಂಪಗೆ ಹುರಿಯಿರಿ.
*ಮೊಳಕೆ ಬಂದ ಮೆಂತ್ಯವನ್ನು ಅದಕ್ಕೆ ಬಗ್ಗಿಸಿ ಬಾಡಿಸಿ,
*ಒಗ್ಗರಣೆಗೆ ಅಕ್ಕಿ ತರಕಾರಿಗಳನ್ನು ಹಾಕಿ ಸ್ವಲ್ಪ ಹುರಿದು ಎರಡು ಲೋಟ ನೀರು ಹಾಕಿ ಕುಕ್ಕರ್ ಮುಚ್ಚಿಡಿ
*ಕುಕ್ಕರ್ ಒಂದೆರೆಡು ಕೂಗಿದಮೇಲೆ ಒಲೆ ಆರಿಸಿ,ಒತ್ತಡ ಇಳಿದ ಮೇಲೆ ಮುಚ್ಚಳ ತೆಗೆಯಿರಿ
*ನಿಂಬೆರಸ,ಕೊತ್ತಂಬರಿ ಸಿಂಪಡಿಸಿ ಬಡಿಸಿ.

ಧಿಡೀರ್ ರೈಸ್ ಭಾತ್
ಸಾಮಾನು:ಅಕ್ಕಿ1ಪಾವು,ತುಪ್ಪ 50 ಗ್ರಾಂ,ಕಡಲೆ ಬೀಜ 2ಚಮಚ,ಕರಿಮೆಣಸು 10,ಚಕ್ಕೆ 1ಚಿಕ್ಕ ತುಂಡು,ಈರುಳ್ಳಿ2,ಸಾಸಿವೆ 1ಚಮಚ,ಉದ್ದಿನಬೇಳೆ 1ಚಮಚ,ಕಡಲೇ ಬೇಳೆ1ಚಮಚ,ಉಪ್ಪು1ಚಮಚ
ವಿಧಾನ:
*ಅಕ್ಕಿಯನ್ನು ತೊಳೆದು ಉದುರುದುರಾಗಿ (ತುಪ್ಪ ಬೆರೆಸಿ) ಅನ್ನ ಮಾಡಿಕೊಳ್ಳಿ, ತಣ್ಣಗಾಗಲು ಬಿಡಿ
*ಒಂದು ಬಾಣಲೆಯಲ್ಲಿ ತುಪ್ಪ ಹಾಕಿ ಕಾದನಂತರ ಸಾಸಿವೆ,ಉದ್ದಿನಬೇಳೆ,ಕಡಲೇ ಬೇಳೆ,ಕಡಲೆ ಬೀಜ ಹಾಕಿ ಒಗ್ಗರಣೆ ಮಾಡಿಕೊಳ್ಳಿ
*ಈರುಳ್ಳಿಯನ್ನು ಹೆಚ್ಚಿ ಒಗ್ಗರಣೆಗೆ ಹಾಕಿ ಕೆಂಪಗೆ ಹುರಿಯಿರಿ
*ಒಂದು ಲೋಟ ನೀರು ಹಾಕಿ ಕುದಿಯುವಾಗ ಚಕ್ಕೆ ಪುಡಿಮಾಡಿ,ಉಪ್ಪು ಹಾಕಿ
*ಮೊದಲೇ ತಯಾರಿಸಿದ ಅನ್ನವನ್ನು ಬಾಣಲೆಗೆ ಹಾಕಿ ಕೆದಕಿ.ಒಲೆ ಆರಿಸಿ.
*ಐದುನಿಮಿಷ ಭದ್ರವಾಗಿ ಮುಚ್ಚಿಡಿ, ಕತ್ತರಿಸಿದ ಕೊತ್ತಂಬರಿ ಬೆರೆಸಿ ಬಡಿಸಿ.

ತೆಂಗಿನ ಕಾಯಿ ಹಾಲಿನ ಭಾತ್
ಸಾಮಾನು:ಅಕ್ಕಿ1ಪಾವು,ತೆಂಗಿನಕಾಯಿ 1(ಅಥವಾ 1ಟಿನ್ coconut cream),ಮೆಣಸಿನಪುಡಿ 2ಚಮಚ,ಗೋಡಂಬಿ 100ಗ್ರಾಂ,ಒಣದ್ರಾಕ್ಷಿ 100ಗ್ರಾಂ,ಉಪ್ಪು 1-2 ಚಮಚ,,ತುಪ್ಪ 2ಚಮಚ,ಒಗ್ಗರಣೆಗೆ-ಎಣ್ಣೆ 40ಗ್ರಾಂ,ಅರಿಶಿನ 1ಚಿಟಿಕೆ,ಇಂಗು 1ಚಿಟಿಕೆ, ಸಾಸಿವೆ 1ಚಮಚ,ಕರಿಬೇವು 2ಎಳಸು,ಕೊತ್ತಂಬರಿ ಸೊಪ್ಪು 1ಕಂತೆ
ವಿಧಾನ:
*ಅಕ್ಕಿಯನ್ನು ತೊಳೆದು ಉದುರುದುರಾಗಿ (ತುಪ್ಪ ಬೆರೆಸಿ) ಅನ್ನ ಮಾಡಿಕೊಳ್ಳಿ, ತಣ್ಣಗಾಗಲು ಬಿಡಿ
*ತೆಂಗಿನ ಕಾಯನ್ನು ತುರಿದು ರುಬ್ಬಿ ಹಾಲನ್ನು ತೆಗೆದುಕೊಳ್ಳಿ
*ಒಂದು ಬಾಣಲೆಯಲ್ಲಿ ಎಣ್ಣೆ ಹಾಕಿ ಕಾದ ನಂತರ ಒಗ್ಗರಣೆ ಮಾಡಿಕೊಳ್ಳಿ
*ನಂತರ ಅದಕ್ಕೆ ಗೋಡಂಬಿ ದ್ರಾಕ್ಷಿ ಹಾಲು ಹಾಕಿ ಎರಡು ನಿಮಿಷ ಕುದಿಸಿ
*ಅನ್ನವನ್ನು ಬಾಣಲೆಗೆ ಹಾಕಿ,ಮೆಣಸಿನಪುಡಿ ಬೆರೆಸಿ, ಮೊಗಚುವ ಕೈಯಿಂದ ಐದು ನಿಮಿಷ ಬಾಡಿಸಿ ಒಲೆ ಆರಿಸಿ ಮುಚ್ಚಿಡಿ.
*ಸಣ್ಣಗೆ ಕತ್ತರಿಸಿದ ಕೊತ್ತಂಬರಿ ಸಿಂಪಡಿಸಿ ಉಣಬಡಿಸಿ.

ದಿಲ್ ಕುಶ್ ಪಲಾವ್
ಸಾಮಾನು: ಬಾಸುಮತಿ ಅಕ್ಕಿ 2 ಪಾವು,ಕಿತ್ತಳೆ ಹಣ್ಣಿನ ರಸ 2 ಬಟ್ಟಲು,ತುಪ್ಪ 1 ಬಟ್ಟಲು,ಚಕ್ಕೆ 5ತುಂಡು, ಲವಂಗ 5,ಈರುಳ್ಳಿ3,ಖಾರದ ಪುಡಿ 3ಚಮಚ, ಸೇಬು 1,ಪೈನಾಪಲ್3 ಬಿಲ್ಲೆ, ಹಸಿರು ದ್ರಾಕ್ಷಿ (ಬೀಜವಿಲ್ಲದ್ದು)15,ಗೋಡಂಬಿ 8,ಪಿಸ್ತಾ 1ಚಮಚ,ಉಪ್ಪು 2 ಚಮಚ,
ವಿಧಾನ:
*ಅಕ್ಕಿಯನ್ನು 10 ನಿಮಿಷ ನೀರಿನಲ್ಲಿ ನೆನೆಸಿಡಿ.
*ಬಾಣಲೆಯಲ್ಲಿ ತುಪ್ಪ ಹಾಕಿ ಕಾದ ನಂತರ ಈರುಳ್ಳಿ ಹುರಿದು ಕೆಂಪಗಾದ ಮೇಲೆ ಚಕ್ಕೆ,ಏಲಕ್ಕಿ,ಲವಂಗ ಬೆರೆಸಿ
*ಮೆಣಸಿನ ಪುಡಿ ಮತ್ತು ನೀರು ಬಸಿದ ಅಕ್ಕಿಯನ್ನು ಬಾಣಲೆಗೆ ಹಾಕಿ ಹುರಿದು
*ಕುಕ್ಕರ್ನಲ್ಲಿ ಆರು ಲೋಟ ನೀರು ಮತ್ತು ಕಿತ್ತಳೆ ರಸ ಹಾಕಿ ಕುದಿಸಿ.
*ಬಾಣಲೆಯಲ್ಲಿ ಹುರಿದ ಪದಾರ್ಥವನ್ನು ಕುಕ್ಕರ್ಗೆ ಹಾಕಿ ಉಪ್ಪು ಸೇರಿಸಿ ಮುಚ್ಚಿಡಿ,1-2 ಬಾರಿ ಕೂಗಿಸಿ
*ಕುಕ್ಕರ್ ಆರಿದ ಮೇಲೆಹೆಚ್ಚಿದ ಹಣ್ಣುಗಳನ್ನು ಬೆರೆಸಿ 5 ನಿಮಿಷ ಸಣ್ಣ ಉರಿಯಲ್ಲಿ ಬೆರೆಸಿ
*ಗೋಡಂಬಿ ಪಿಸ್ತಾ ಗಳಿಂದ ಅಲಂಕರಿಸಿ ಬಡಿಸಿ.

ವೆಜಿಟೆಬಲ್ ಬಿರಿಯಾನಿ
ಸಾಮಾನು: ಅಕ್ಕಿ2ಪಾವು,ಈರುಳ್ಳಿ4,ಆಲೂಗಡ್ಡೆ 3,ಹಸಿ ಬಟಾಣಿ 1 ಬಟ್ಟಲು,ಕ್ಯಾರೆಟ್ 100ಗ್ರಾಂ,ಹುರಳಿ ಕಾಯಿ100 ಗ್ರಾಂ,ಹೂಕೋಸು 100ಗ್ರಾಂ,ಟೊಮೋಟೊ 3, ಒಣ ದ್ರಾಕ್ಷಿ ಹತ್ತು,ಗೋಡಂಬಿ ಹತ್ತು,ಜೀರಿಗೆ 1ಚಮಚ,ಲವಂಗ 2,ಏಲಕ್ಕಿ 4,ತುಪ್ಪ 100 ಗ್ರಾಂ,ಉಪ್ಪು 2ಚಮಚ. ಮೆಣಸು ಕಾಳು ಅರ್ಧ ಚಮಚ,ಮಸಾಲೆಗೆ:ಬೆಳ್ಳುಳ್ಳಿ4ಎಳಸು,ಈರುಳ್ಳಿ1,ಶುಂಟಿ 2ಗೋಲಿ ಗಾತ್ರ,ಜೀರಿಗೆ 2 ಚಮಚ,ಒಣ ಮೆಣಸಿನ ಕಾಯಿ 4,ಕೊತ್ತಂಬರಿ ಸೊಪ್ಪು ಅರ್ಧ ಕಂತೆ
ವಿಧಾನ:
*ಮೊದಲುಮಸಾಲೆ ಸಾಮಗ್ರಿಗಳನ್ನು ರುಬ್ಬಿಕೊಳ್ಳಿ
*ಈರುಳ್ಳೀಯನ್ನು ಸಣ್ಣದಾಗಿ,ತೆಳ್ಳಗೆ ಸೀಳಿಡಿ, ಆಲೂಗಡ್ಡೇಯನ್ನು ಹೋಳು ಮಾಡಿಡಿ.
*ತುಪ್ಪವನ್ನು ದಪ್ಪ ತಳದ ಪಾತ್ರೆಗೆ ಹಾಕಿ,ತುಪ್ಪ ಕಾದ ಮೇಲೆ ಲವಂಗ,ಏಲಕ್ಕಿ,ಮೆಣಸು ಕಾಳು ಸೇರಿಸಿ ಒಗ್ಗರಣೆ ಹಾಕಿ
*ನಂತರ ಹೆಚ್ಚಿದ ಈರುಳ್ಳಿಯನ್ನು ಹಾಕಿ ಕೆಂಪಗೆ ಹುರಿಯಿರಿ
*ಐದು ನಿಮಿಷದ ನಂತರ ಹೆಚ್ಚಿದ ಟೊಮೋಟೊ,ತೊಳೆದ ಅಕ್ಕಿ,ಎರಡು ಲೋಟ ನೀರು,ರುಬ್ಬಿದ ಮಸಾಲೆ,ತರಕಾರಿಗಳನ್ನು ಹಾಕಿ ಬೇಯಿಸಿ
*ಅನ್ನ ಬೆಂದ ತಕ್ಷಣ ಗೋಡಂಬಿ ದ್ರಾಕ್ಷಿ ಸ್ವಲ್ಪ ತುಪ್ಪದಲ್ಲಿ ಹುರಿದು ಅಲಂಕರಿಸಿ ಬಿಸಿಯಲ್ಲೇ ಬಡಿಸಿ.

ಚಿಸ್ ಪಲಾವ್
ಸಾಮಾನು: ಅಕ್ಕಿ 1 ಲೋಟ,ತುಪ್ಪ 100ಗ್ರಾಂ,ತುರಿದ ಚೀಸ್ 100ಗ್ರಾಂ, ಹಸಿ ಬಟಾಣಿ.ಮಸಾಲೆಗೆ:ಲವಂಗ 4,ಮೆಣಸು ಕಾಳು8,ಚಕ್ಕೆ ಪುಡಿ 1ಚಮಚ,ಜೀರಿಗೆ 1ಚಮಚ,ಕೊತ್ತಂಬರಿ ಸೊಪ್ಪು 1 ಕಂತೆ,ತೆಂಗಿನ ತುರಿ 1ಬಟ್ಟಲು,ಉಪ್ಪು2ಚಮಚ
ವಿಧಾನ:
*ಮೊದಲು ಮಸಾಲೆ ಸಾಮಗ್ರಿಗಳನ್ನು ರುಬ್ಬಿಕೊಳ್ಳಿ
*ಅಕ್ಕಿಯನ್ನು ತೊಳೆದು ಉದುರುದುರಾಗಿ (ತುಪ್ಪ ಬೆರೆಸಿ) ಅನ್ನ ಮಾಡಿಕೊಳ್ಳಿ, ತಣ್ಣಗಾಗಲು ಬಿಡಿ
*ಒಗ್ಗರಣೆಗೆ ತುಪ್ಪ ಹಾಕಿ ಲವಂಗ,ಮೆಣಸಿನ ಕಾಳು,ಚಕ್ಕೆ ಪುಡಿ,ಜೀರಿಗೆ ಹಾಕಿ.
*ತಕ್ಷಣ ಅನ್ನ ಹಾಕಿ ಕಲಸಿ,ತಟ್ಟೆಯಲ್ಲಿ ಆರಲು ಹರಡಿ.
*ಬೆಂದ ಬಟಾಣಿ,ಚೀಸ್ ತುರಿ,ತೆಂಗಿನತುರಿಯನ್ನು ಅನ್ನ ಆರಿದ ಮೇಲೆ ಸೇರಿಸಿ,ಬಡಿಸಿ.
 
ಮೈಸೂರು ಶೈಲಿ ಅಡುಗೆಗಳು

ಹುರಳಿ ಕಾಳು ಸಾರು:
ಸಾಮಾನು:ಹುರಳಿಕಾಳು1 ಲೋಟ,ಹೆಸರುಕಾಳು 1ಲೋಟ,ತೊಗರಿಬೇಳೆ 1ಲೋಟ,ಹುಣಸೇಹಣ್ಣು ನಿಂಬೆ ಗಾತ್ರ,ಬೆಲ್ಲ ಅರ್ಧ ನಿಂಬೆ ಹಣ್ಣೀನ ಗಾತ್ರ,ಮೆಣಸಿನ ಪುಡಿ(ಸಾರಿನ ಪುಡಿ)-4ಚಮಚ,ತೆಂಗಿನ ತುರಿ ಒಂದು ಹೋಳು,2ಚಮಚ ತುಪ್ಪ,ಒಗ್ಗರಣೆಗೆ ಸಾಸಿವೆ ಜೀರಿಗೆ,ಇಂಗು
ವಿಧಾನ:
*ಹುರಳಿಕಾಳು ಮತ್ತು ಹೆಸರುಕಾಳನ್ನು 1ರಾತ್ರಿ ನೆನೆಹಾಕಿ,ಚೆನ್ನಾಗಿ ತೊಳೆದು,ಬಟ್ಟೆಯಲ್ಲಿ ಕಟ್ಟಿ ಒಂದು ದಿನ ಇಟ್ಟರೆ ಮೊಳಕೆ ಬರುತ್ತದೆ.
*ಮೊಳಕೆ ಬಂದ ಕಾಳಿಗೆ 1ಚಮಚ ತುಪ್ಪ ಹಾಗೂ ತೊಗರಿಬೇಳೆ ಸೇರಿಸಿ ಕುಕ್ಕರ್ನಲ್ಲಿ ಬೇಯಿಸಿ
*ಮಿಕ್ಕ ಮೆಣಸಿನಪುಡಿ,ತೆಂಗಿನತುರಿ,ಉಪ್ಪುಹುಣಸೇಹಣ್ಣು ಜೊತೆಗೆ1 ಸೌಟು ಬೆಂದ ಕಾಳು ಬೇಳೆಯನ್ನು ಸೇರಿಸಿ ರುಬ್ಬಿಕೊಳ್ಳಿ
*ರುಬ್ಬಿದ ಸಾಮಗ್ರಿಯನ್ನೂ ಮತ್ತು ಬೆಲ್ಲವನ್ನುಮಿಶ್ರಣಕ್ಕೆ ಹಾಕಿ ಕುದಿಸಿ
*ಚೆನ್ನಾಗಿ ಕುದ್ದ ನಂತರ ತುಪ್ಪ ಇಂಗು ಜೀರಿಗೆ,ಸಾಸಿವೆ ಒಗ್ಗರಣೆ ಕೊಡಿ

ಮೆಣಸಿನ ಸಾರು
ಸಾಮಾನು:15 ಗ್ರಾಂ ಮೆಣಸಿನ ಕಾಳು,ಒಂದೊಂದು ಚಮಚ ಉದ್ದು ಹಾಗೂ ಕಡ್ಲೇ ಬೇಳೆ,ಅರ್ಧ ಲೋಟ ಕೊಬ್ಬರಿ ತುರಿ,1/2ಚಮಚ ಜೀರಿಗೆ,1ಚಮಚಕೊತ್ತಂಬರಿ ಬೀಜ,ಹಾಲು 1/2 ಲೋಟ,ಕರಿಬೇವು,ರುಚಿಗೆ ಉಪ್ಪು ಬೆಲ್ಲ, 2ಚಮಚ ತುಪ್ಪ,ಒಗ್ಗರಣೆಗೆ ಸಾಸಿವೆ ಜೀರಿಗೆ,ಇಂಗು,ನೀರು 1ಲೀಟರ್
ವಿಧಾನ:
*ಮೆಣಸಿನ ಕಾಳು, ಉದ್ದು, ಕಡ್ಲೇ ಬೇಳೆ, ಜೀರಿಗೆ,ಕೊತ್ತಂಬರಿ ಬೀಜ ಎಲ್ಲವನ್ನೂ ಘಮ್ಮನೆ ಹುರಿದು ಆರಿದನಂತರ ಪುಡಿಮಾಡಿ.
*ಕೊಬ್ಬರಿ ತುರಿ ಜೊತೆಗೆ ಈ ಪುಡಿಯನ್ನು ಸೇರಿಸಿ ರುಬ್ಬಿಕೊಳ್ಳಿ ನೀರು ಹಾಕಿ ಕುದಿಸಿ
*ಸಾಸಿವೆ ಜೀರಿಗೆ,ಇಂಗು ಒಗ್ಗರಣೆ ಹಾಕಿ ಊಟ ಬಡಿಸುವ ಮುನ್ನ ಹಾಲು ಬೆರೆಸಿ.

ತೊಗರಿಬೇಳೆ ಸಾರು:
ಸಾಮಾನು:ತೊಗರಿಬೇಳೆ 1ಲೋಟ,ಟೊಮಾಟೋ 3-4,ಮೆಣಸಿನ ಪುಡಿ 2 ಚಮಚ,ಹುಣಸೇಹಣ್ಣು ನಿಂಬೆ ಗಾತ್ರ,ಬೆಲ್ಲ ಅರ್ಧ ನಿಂಬೆ ಹಣ್ಣೀನ ಗಾತ್ರ 2ಚಮಚ ತುಪ್ಪ,ಒಗ್ಗರಣೆಗೆ ಸಾಸಿವೆ ಜೀರಿಗೆ,ಇಂಗು,ನೀರು 1ಲೀಟರ್,ಕಾಯಿರಸ ಒಂದು ಸೌಟು
ವಿಧಾನ:
*ತೊಗರಿಬೇಳೆ ,ಟೊಮಾಟೋ ವನ್ನು ಬೇಯಿಸಿಕೊಳ್ಳಿ
*ಒಲೆಯಮೇಲೆ ಬೇರೆ ಪಾತ್ರೆಗೆ ಬಗ್ಗಿಸಿಕೊಂಡು ನೀರು, ಮೆನಸಿನಪುಡಿ, 1 ಚಮಚ ತುಪ್ಪ,ಕಾಯಿರಸ,ಹುಣಸೇ ರಸ,ಉಪ್ಪು ಕರಿಬೇವುಕೊತ್ತಂಬರಿ ಹಾಕಿ ಕುದಿಸಿ.
*ಸಾಸಿವೆ ಜೀರಿಗೆ,ಇಂಗು ಒಗ್ಗರಣೆ ಹಾಕಿ ಕೆಳಗಿಳಿಸಿ

ಅವಲಕ್ಕಿ ಪಾಯಸ
ಸಾಮಾನು:ಅವಲಕ್ಕಿ 1/4 ಕಿಲೋ,ತುಪ್ಪ 4ಚಮಚ,ಬೆಲ್ಲ 1/4 ಕಿಲೋ,1ತೆಂಗಿನ ಕಾಯಿ,4 ಏಲಕ್ಕಿ ,1 ಲೋಟ,ಕೇಸರಿ 4 ಎಸಳು,
ವಿಧಾನ:
*ತೆಂಗಿನಕಾಯಿ ತುರಿಯನ್ನು ಸ್ವಲ್ಪ ನೀರಿನೊಂದಿಗೆತಿರುವಿಕೊಳ್ಳೀ,
*ಅವಲಕ್ಕಿಯನ್ನು ತುಪ್ಪದೊಂದಿಗೆ ಹರಿದಿಟ್ಟು ಕೊಳ್ಳಿ.
*ದಪ್ಪ ತಳದ ಪಾತ್ರೆಗೆ ಹಾಲನ್ನು ಹಾಕಿ,ಬೆಲ್ಲವನ್ನು ಪುಡಿಮಾಡಿ ಬೆರೆಸಿ ಕುದಿಯಲು ಇಡಿ
*ಕುದಿ ಬಂದಾಗ ಅವಲಕ್ಕಿ ಬೆರೆಸಿ,ಉಕ್ಕುವುದನ್ನು ತಡೆಯಲು ತಿರುವುತ್ತಿರಿ
*ರುಬ್ಬಿದ ತೆಂಗಿನತುರಿಯ ರಸವನ್ನು ಮಾತ್ರ ಅವಲಕ್ಕಿಗೆ ಬೆರೆಸಿ,ಏಲಕ್ಕಿ ಸೇರಿಸಿ ಒಂದು ಕುದಿ ಕುದಿಸಿ. ಬಗೆ ಬಗೆ ಉಂಡೆಗಳು

ನುಚ್ಚಿನುಂಡೆ
ಸಾಮಾನು:ತೊಗರಿ ಬೇಳೆ ಅರ್ಧ ಕಿಲೋ,ಕಡಲೆ ಬೇಳೆ ನೂರು ಗ್ರಾಂ,ತೆಂಗಿನ ಕಾಯಿ ತುರಿ ಒಂದು ಲೋಟ,ಹಸಿ ಮೆಣಸಿನ ಕಾಯಿ ಹತ್ತು,ಶುಂಟಿ ಗೋಲಿ ಗಾತ್ರ,ಕೊತ್ತಂಬರಿ ಒಂದು ಕಂತೆ,ಐದು ಎಳಸು ಕರಿಬೇವು,ಜೀರಿಗೆ ಒಂದು ಚಮಚ,ಉಪ್ಪು ಒಂದೂವರೆ ಚಮಚ,
ವಿಧಾನ:
*ಬೇಳೆಗಳನ್ನು ತೊಳೆದು ನಾಲ್ಕು ಘಂಟೆ ನೆನೆಸಿ ನಂತರ ತರಿತರಿಯಾಗಿ ರುಬ್ಬಿಕೊಳ್ಳಿ
*ರುಬ್ಬಿದ ಹಿಟ್ಟಿಗೆ ತೆಂಗಿನತುರಿ,ಶುಂಟಿ,ಹ.ಮೆ.ಕಾಯಿ ಹಾಕಿ ಮತ್ತೆರುಬ್ಬಿ
*ಹೆಚ್ಚಿದ ಕೊತ್ತಂಬರಿ,ಕರಿಬೇವು,ಜೀರಿಗೆ,ಉಪ್ಪು ಸೇರಿಸಿ
*ಕೈ ಹಿಡಿಯಲ್ಲಿ ಉಂಡೆ ಮಾಡಿ ಇಡ್ಲಿಯಂತೆ ಹತ್ತು/ಹದಿನೈದು ನಿಮಿಷ ಹಬೆಯಲ್ಲಿ ಬೇಯಿಸಿ
*ಬೆಂದ ಉಂಡೆಗೆ ಬಿಸಿಯಲ್ಲೇ ತುಪ್ಪ ಸವರಿ ತಿನ್ನಲು ಕೊಡಿ ನೀವೂ ತಿನ್ನಿ

ಅರಳು ಉಂಡೆ
ಸಾಮಾನು:ಅರಳು (ಪುಡಿ) ಒಂದು ಲೋಟ,ಬೆಲ್ಲ ಅರ್ಧ ಲೋಟ,ಏಲಕ್ಕಿ ನಾಲ್ಕು,ನೀರು ಅರ್ಧ ಲೋಟ
ವಿಧಾನ:
*ಬಾಣಲೆಯಲ್ಲಿ ಸ್ವಲ್ಪ ನೀರಿನೊಂದಿಗೆ ಬೆಲ್ಲವನ್ನು ಪಾಕವಾಗುವವರೆಗು ಕುದಿಸಿ
*ಅದೇ ಪಾಕಕ್ಕೆ ಅರಳು,ಏಲಕ್ಕಿ ಬೆರೆಸಿ
*ಹದವಾಗಿ ಕಲಸಿ,ಉಂಡೆ ಕಟ್ಟಿರಿ
*ಇದೀಗ ಉಂಡೆ ತಯಾರಿ!

ಕಡ್ಲೆ ಕಾಯಿ ಉಂಡೆ
ಸಾಮಾನು:ಕಡ್ಲೆ ಕಾಯಿ ಬೀಜ ಎರಡು ಲೋಟ,ಅಕ್ಕಿ ಅರ್ಧ ಲೋಟ,ಬೆಲ್ಲ ಒಂದು ಲೋಟ,ಹೆಸರು ಬೇಳೆ ಕಾಲು ಲೋಟ,ಏಲಕ್ಕಿ ನಾಲ್ಕು,ತುಪ್ಪ ಒಂದು ಚಮಚ,ನೀರು ಕಾಲು ಲೋಟ
ವಿಧಾನ:
*ಸಿಪ್ಪೆ ಸುಲಿದ ಕಡ್ಲೆ ಕಾಯಿ ಬೀಜವನ್ನು ಬಾಣಲೆಯಲ್ಲಿ ಹುರಿದು,ಅರ್ಧದಷ್ಟನ್ನು ಪುಡಿಮಾಡಿ,
*ಅಕ್ಕಿ ಮತ್ತು ಹೆಸರುಬೇಳೆಯನ್ನು ಪ್ರತ್ಯೇಕವಾಗಿ ಹುರಿದು ಪುಡಿಮಾಡಿ,
*ಬಾಣಲೆಯಲ್ಲಿ ಬೆಲ್ಲದ ಪಾಕ ತಯಾರಿಸಿ,
*ಪಾಕ ಸ್ವಲ್ಪ ಆರಿದಮೇಲೆ ಮಿಕ್ಕ ಎಲ್ಲಾಸಾಮಾನುಗಳನ್ನು ಮಿಶ್ರಣ ಮಾಡಿ
*ಪುಡಿ ಮಾಡಿದ ಏಲಕ್ಕಿ ಬೆರೆಸಿ ಹದವಾಗಿ ಉಂಡೆಗಳಾಗಿ ಕಟ್ಟಿ ಸವಿಯಿರಿ

ಹೆಸರುಬೇಳೆ ಸುಕುನುಂಡೆ
ಸಾಮಾನು: ಹುರಿದ ಹೆಸರುಬೇಳೆ ಒಂದು ಲೋಟ,ಬೆಲ್ಲದಪುಡಿ ಒಂದೂವರೆ ಲೋಟ,ತೆಂಗಿನ ಕಾಯಿ ತುರಿ ಒಂದು ಲೋಟ,ಏಲಕ್ಕಿ ನಾಲ್ಕು,ಉಪ್ಪು ಅರ್ಧಚಮಚ, ಕರಿಯಲು ಎಣ್ಣೆ
ವಿಧಾನ:
*ಹೆಸರುಬೇಳೆಯನ್ನು ಹದವಾಗಿ ಬೇಯಿಸಿ,ನೀರು ಬಸೆದು ಬೆಲ್ಲದಪುಡಿ ಬೆರೆಸಿ ಮೊಗಚುತ್ತಿರಿ,
*ಎಳೆಯ ಪಾಕ ಬಂದ ಕೂಡಲೇ ಕಾಯಿತುರಿ ಬೆರೆಸಿ ಏಲಕ್ಕಿಪುಡಿ ಬೆರೆಸಿ ಉಂಡೆ ಮಾಡಿಡಿ,
*ನಂತರ ಎರಡು ಘಂಟೆ ನೆನೆದ ಅಕ್ಕಿಯನ್ನು ಉಪ್ಪು ಬೆರೆಸಿ ದೋಸೆ ಹಿಟ್ಟಿನ ಹದಕ್ಕೆ ರುಬ್ಬಿಕೊಳ್ಳಿ,
*ಬಾಣಲೆಯಲ್ಲಿ ಎಣ್ಣೆ ಕಾಯಿಸಿ ಉಂಡೆಗಳನ್ನು ಹಿಟ್ಟಿನಲ್ಲಿ ಅದ್ದಿ ತಿಳಿ ಕೆಂಪಗೆ ಕರೆಯಿರಿ

ಅರಳು ಸುಕುನುಂಡೆ
ಸಾಮಾನು:ಅಕ್ಕಿ ಒಂದು ಲೋಟ,ಅರಳು (ಪುಡಿ) 3 ಲೋಟ,ಬೆಲ್ಲದಪುಡಿ ಒಂದೂವರೆ ಲೋಟ,ತೆಂಗಿನ ಕಾಯಿ ತುರಿ ಅರ್ಧ ಲೋಟ,ಎಳ್ಳು ಎರಡು ಚಮಚ,ಚಿಟಿಕೆ ತುಪ್ಪ,ಚಿಟಿಕೆ ಉಪ್ಪು ಕರಿಯಲು ಎಣ್ಣೆ
ವಿಧಾನ:
*ಬೆಲ್ಲವನ್ನು ಬಾನಲೆಗೆ ಹಾಕಿ ಒಂದು ಚಮಚ ನೀರು ಹಾಕಿ ಎಳೆಪಾಕ ಬಂದ ಕೂಡಲೇ ಕೆಳಗಿಳಿಸಿ
*ತಣ್ಣಗಾದಮೇಲೆ ಅದಕ್ಕೆ ಅರಳಿನ ಪುಡಿ ಹಾಕಿ ಕಲಸಿ
*ಎಳ್ಳನ್ನು ತುಪ್ಪದಲ್ಲಿ ಹುರಿದು ಹಾಕಿ
*ನಂತರ ಒಂದು ಘಂಟೆ ನೆನೆದ ಅಕ್ಕಿಯನ್ನು ಉಪ್ಪು ಬೆರೆಸಿ ದೋಸೆ ಹಿಟ್ಟಿನ ಹದಕ್ಕೆ ರುಬ್ಬಿಕೊಳ್ಳಿ,
*ಬಾಣಲೆಯಲ್ಲಿ ಎಣ್ಣೆ ಕಾಯಿಸಿ ಉಂಡೆಗಳನ್ನು ಹಿಟ್ಟಿನಲ್ಲಿ ಅದ್ದಿ ತಿಳಿ ಕೆಂಪಗೆ ಕರೆಯಿರಿ

ಖರ್ಜೂರ ಸುಕುನುಂಡೆ
ಸಾಮಾನು:ಖರ್ಜೂರ ಅರ್ಧ ಕಿಲೋ,ಸಕ್ಕರೆ ಒಂದು ಲೋಟ,ಅಕ್ಕಿ ಒಂದು ಲೋಟ,ತುಪ್ಪ ಕಾಲು ಲೋಟ,ಉಪ್ಪು ಕಾಲು ಚಮಚ
ವಿಧಾನ:
*ಬೀಜ ತೆಗೆದ ಖರ್ಜೂರದ ತಿರುಳನ್ನು 15 ನಿಮಿಷ ಹಬೆಯಲ್ಲಿ ಬೇಯಿಸಿ
*ಇದಕ್ಕೆ ಸಕ್ಕರೆ ಹಾಕಿ ರುಬ್ಬಿ,ತುಪ್ಪ ಬೆರೆಸಿ ಕಲಸಿಡಿ
**ನಂತರ ಒಂದು ಘಂಟೆ ನೆನೆದ ಅಕ್ಕಿಯನ್ನು ಉಪ್ಪು ಬೆರೆಸಿ ದೋಸೆ ಹಿಟ್ಟಿನ ಹದಕ್ಕೆ ರುಬ್ಬಿಕೊಳ್ಳಿ,
*ಬಾಣಲೆಯಲ್ಲಿ ಎಣ್ಣೆ ಕಾಯಿಸಿ ಉಂಡೆಗಳನ್ನು ಹಿಟ್ಟಿನಲ್ಲಿ ಅದ್ದಿ ತಿಳಿ ಕೆಂಪಗೆ ಕರೆಯಿರಿ
ಬಗೆ ಬಗೆಯ ವಡೆ, ಬಜ್ಜಿ, ಬೋಂಡಾಗಳು
ಗರಗು ವಡೆ:
ಸಾಮಾನು:
ಉದ್ದಿನ ಬೇಳೆ ಅರ್ಧ ಕಿಲೋ,ಎಂಟು ಹ.ಮೆ.ಕಾಯಿ,ಎರಡು ಕಂತೆ ಕೊತ್ತಂಬರಿ,ಕಾಲು ಲೋಟ ಅಕ್ಕಿ ಹಿಟ್ಟು,ಎರಡು ಟೀ ಚಮಚ ತುಪ್ಪ,ರುಚಿಗೆ ತಕ್ಕಷ್ಟು ಉಪ್ಪು ಚಿಟಿಕೆ ಸೋಡಾಪುಡಿ,ಚಿಟಿಕೆ ಇಂಗು,ಐದಾರು ಒಣ ಮೆ.ಕಾಯಿ
ವಿಧಾನ:
*ಉದ್ದಿನಬೇಳೆ ನಾಲ್ಕು ತಾಸು ನೀರಿನಲ್ಲಿ ನೆನೆಸಿ,
*ನಂತರ ನೀರು ಬಸಿದು, ಒಣ ಮೆ.ಕಾಯಿ,ಹ.ಮೆ.ಕಾಯಿ,ಉಪ್ಪು,ಇಂಗು,ಕೊತ್ತಂಬರಿ ಸೇರಿಸಿ ರುಬ್ಬಿಕೊಳ್ಳೀ
*ರುಬ್ಬಿದ ಹಿಟ್ಟಿಗೆಅಕ್ಕಿ ಹಿಟ್ಟು ಸೋಡಾಪುಡಿ,ತುಪ್ಪ ಹಾಕಿ ವಡೆ ಕರೆಯುವ ಹದದಲ್ಲಿ ಕಲಸಿ
*ಒಲೆಯಮೇಲೆ ಬಾಣಲೆಯಲ್ಲಿ ಸಾಕಷ್ಟು ಎಣ್ಣೆ ಹಾಕಿ,ಕಾದ ಎಣ್ಣೆಯಲ್ಲಿ ವಡೆಗಳನ್ನ್ನು ತಟ್ಟಿ ಬಿಡುವುದು.

ಮಸಾಲೆ ವಡೆ
ಸಾಮಾನು:
ಅರ್ಧ ಕಿಲೋ ಅಕ್ಕಿ ಹಿಟ್ಟು,ಒಂದೂವರೆ ಲೋಟ ಮೈದಾ ಹಿಟ್ಟು,ಒಂದೂವರೆ ಲೋಟ ರವೆ,ಹನ್ನೆರಡು ಈರುಳ್ಳಿ,ಹನ್ನೆರಡು ಹ.ಮೆ.ಕಾಯಿ,ಎರಡು ಕಂತೆ ಕೊತ್ತಂಬರಿ, ಚಿಟಿಕೆ ಸೋಡಾಪುಡಿ,ಚಿಟಿಕೆ ಇಂಗು, ರುಚಿಗೆ ತಕ್ಕಷ್ಟು ಉಪ್ಪು ಎರಡು ಚಮಚ ಜೀರಿಗೆ, ಕರಿಯಲು ಒಂದು ಕಿಲೋ ಎಣ್ಣೆ
ವಿಧಾನ:
*ಈರುಳ್ಳಿ,ಹ.ಮೆ.ಕಾಯಿ, ಕೊತ್ತಂಬರಿ ಸಣ್ಣಗೆ ಹೆಚ್ಚಿಕೊಂಡು...ಇವನ್ನು
*ಅಕ್ಕಿ ಹಿಟ್ಟು ,ರವೆ ,ಮೈದಾ ಹಿಟ್ಟಿಗೆ ಸೋಡಾ,ಜೀರಿಗೆ,ಉಪ್ಪು, ನೀರು ಹಾಕಿ ಗ್ವಲ್ಪ ಗಟ್ಟಿ ಹದದಲ್ಲೇ ಕಲಸಿಕೊಳ್ಳುವುದು
*ಒಲೆಯಮೇಲೆ ಬಾಣಲೆಯಲ್ಲಿ ಸಾಕಷ್ಟು ಎಣ್ಣೆ ಹಾಕಿ,ಕಾದ ಎಣ್ಣೆಯಲ್ಲಿ ವಡೆಗಳನ್ನು ತಟ್ಟಿ ಕರಿಯುವುದು

ಬಜ್ಜಿಗಳು
ಸಾಮಾನು:
ಅರ್ಧ ಕಿಲೋ ಕಡಲೇ ಹಿಟ್ಟು,ನಾಲ್ಕು ಚಮಚ ಅಚ್ಚ ಮೆಣಸಿನ ಪುಡಿ,ಚಿಟಿಕೆ ಸೋಡ,ಎರಡು ಚಮಚ ಉಪ್ಪು,ಒಂದು ಚಮಚ ಜೀರಿಗೆ ಮತ್ತು ಮೆಣಸು ಪುಡಿ, ಇಂಗು ಅರ್ಧ ಚಮಚ,ಕರಿಯಲು ಎಣ್ಣೆ
ವಿಧಾನ:
*ಮೇಲೆ ತಿಳಿಸಿದ ಎಲ್ಲಾ ಪದಾರ್ಥಗಳನ್ನು ನಿರಿನಲ್ಲಿ ದೋಸೆ ಹಿಟ್ಟಿನ ಹದದಲ್ಲಿ ಕಲಸಿಕೊಳ್ಳಿ
*ಎರಡು ಚಮಚ ಚೆನ್ನಾಗಿ ಕಾದ ಎಣ್ಣೆಯನ್ನು ಕಲಸಿದ ಮಿಶ್ರಣಕ್ಕೆ ಬೆರೆಸಿದಲ್ಲಿ ಬಜ್ಜಿ ಗರಿಗರಿ ಯಾಗಿ ಆಗುವುದು.
*ಹೀರೇ ಕಾಯಿ,ಪೈನಾಪಲ್,ಈರುಳ್ಳಿ,ಆಲೂಗಡ್ಡೆ,ಸೀಮೆ ಬದನೆಕಾಯಿ,ಬದನೆ ಕಾಯಿ,ಬೂದ ಕುಂಬಳಕಾಯಿ,ಬಾಳೇಕಾಯಿ,ದೊಡ್ದ ಮೆಣಸಿನಕಾಯಿ,ಉದ್ದ ಮೆ.ಕಾಯಿ ಈ ಯಾವುದಾದರೂ ಬಳಸಿ ಬಜ್ಜಿ ಮಾಡಬಹುದು.

ಬೇಳೆ ಬೋಂಡಾ
ಸಾಮಾನು:
ಅರ್ಧ ಕಿಲೋ ತೊಗರೀ ಬೇಳೆ,ಒಂದು ಲೋಟ ಕಡಲೇ ಬೇಳೆ,ಒಂದು ಲೋಟ ಉದ್ದಿನ ಬೇಳೆ,ಹನ್ನೆರಡು ಹ.ಮೆ.ಕಾಯಿ,ಒಂದು ಚೂರು ಶುಂಠಿ,ಎರಡು ಕಂತೆ ಕೊತ್ತಂಬರಿ, ಒಂದು ಕಂತೆ ಪುದೀನಾ ಸೊಪ್ಪು,ಒಂದು ಚಮಚ ಉಪ್ಪು,ಚಿಟಿಕೆ ಇಂಗು, ಕರಿಯಲು ಅರ್ಧ ಕಿಲೋ ಎಣ್ಣೆ
ವಿಧಾನ:
*ಎಲ್ಲಾ ಬೇಳೆಗಳನ್ನು ನಾಲ್ಕು ಘಂಟೆ ನೀರಿನಲ್ಲಿ ನೆನೆಸಿ
*ನೆನೆದ ಬೇಳೆಗೆ ಇಂಗು,ಹ.ಮೆ.ಕಾಯಿ,ಶುಂಠಿ,,ಉಪ್ಪು ಹಾಕಿ ತರಿತರಿಯಾಗಿ ರುಬ್ಬಿಕೊಳ್ಳೀ,
*ರುಬ್ಬಿದ ಹಿಟ್ಟಿಗೆ ಕೊತ್ತಂಬರಿ,ಪುದೀನಾ ಸಣ್ನಗೆ ಹೆಚ್ಚಿ ಕಲಸಿ
*ಒಲೆಯಮೇಲೆ ಬಾಣಲೆಯಲ್ಲಿ ಸಾಕಷ್ಟು ಎಣ್ಣೆ ಹಾಕಿ,ಕಾದ ಎಣ್ಣೆಯಲ್ಲಿ ವಡೆ ಅಥವಾ ಬೋಂಡದ ಆಕಾರದಲ್ಲಿ ತಟ್ಟಿ ಕರಿಯುವುದು

ತೆಂಗಿನ ಕಾಯಿ ಬೋಂಡಾ
ಸಾಮಾನು:
ಅರ್ಧ ಕಿಲೋ ಮೈದಾಹಿಟ್ಟು,ಅರ್ಧ ಹೋಳು ತೆಂಗಿನ ಕಾಯಿ,ಒಂದು ಟೀ ಚಮಚ ಉಪ್ಪು,ಒಂದು ಟೀ ಚಮಚ ತುಪ್ಪ,ಎರಡು ಕಂತೆ ಕೊತ್ತಂಬರಿ,ಒಂದು ಟೀ ಚಮಚ ಖಾರದ ಪುಡಿ, ಎರಡು ಚಿಟಿಕೆ ಸೋಡಾ,ಕರಿಯಲು ಅರ್ಧ ಕಿಲೋ ಎಣ್ಣೆ
ವಿಧಾನ:
*ಶುದ್ಧ ಮಾಡಿದ ಮೈದಾಹಿಟ್ಟಿಗೆ ಚಿಕ್ಕಚಿಕ್ಕ ತೆಂಗಿನ ಕಾಯಿ ಚೂರು,ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಹಾಕಿ,
*ಅದೇ ಮಿಶ್ರಣಕ್ಕೆ ಸೋಡಾ,ತುಪ್ಪ,ಉಪ್ಪು,ಖಾರದಪುಡಿ ಎಲ್ಲಾ ಇಡ್ಲಿ ಇಟ್ಟಿನ ಹದದಲ್ಲಿ ನೀರು ಹಾಕಿ ಬೆರೆಸಿ
**ಒಲೆಯಮೇಲೆ ಬಾಣಲೆಯಲ್ಲಿ ಸಾಕಷ್ಟು ಎಣ್ಣೆ ಹಾಕಿ,ಕಾದ ಎಣ್ಣೆಯಲ್ಲಿ ಒಂದೊಂದು ಚಮಚದಂತೆ ಬಿಡುತ್ತಾ ಕರಿಯಿರಿ.
ಮಂಗಳೂರು/ಉಡುಪಿ ಶೈಲಿಯ ತಿನಿಸುಗಳು
ಸಿಹಿ: ಅತಿರಸ
ಸಾಮಾನು:
ಬೆಳ್ತಿಗೆ ಅಕ್ಕಿ ಮೂರು ಲೋಟ, ಬೆಲ್ಲ ಮೂರು ಲೋಟ, ಕರಿಮೆಣಸಿನ ಪುಡಿ ಮುಕ್ಕಾಲು ಟೀ ಸ್ಪೂನ್, ಗಸಗಸೆ ಮೂರು ಟೀ ಸ್ಪೂನ್,
ಎರಡು ಚಿಟಿಕೆ ಉಪ್ಪು, ಕರಿಯಲು ಎಣ್ಣೆ.

ವಿಧಾನ:
* ಅಕ್ಕಿಯನ್ನು ತೊಳೆದು ಅರ್ಧ ಗಂಟೆ ನೆನೆಸಿ.
* ನೀರು ಬಸಿದು ನೆರಳಲ್ಲಿ ಒಣಗಿಸಿ, ಕುಟ್ಟಿ ಪುಡಿಮಾಡಿ.
* ಜರಡಿ ಹಿಡಿದು, ಅದಕ್ಕೆ ಕರಿಮೆಣಸಿನಪುಡಿ ಗಸಗಸೆ ಉಪ್ಪು ಬೆರೆಸಿ.
* ಬೆಲ್ಲಕ್ಕೆ ಕಾಲು ಲೋಟ ನೀರು ಹಾಕಿ ನೂಲೆಳೆ ಪಾಕ ಮಾಡಿ.
* ಇದಕ್ಕೆ ಹಿಟ್ಟಿನ ಮಿಶ್ರಣ ಹಾಕಿ ಚೆನ್ನಾಗಿ ಮಗುಚಿ ಕೆಳಗಿಳಿಸಿ.
* ಆರಿದ ಬಳಿಕ ನಿಂಬೇಗಾತ್ರದ ಉಂಡೆ ಮಾಡಿ.
* ಬೆರಳು ಗಾತ್ರದಷ್ಟು ದಪ್ಪಗೆ ತಟ್ಟಿ ಎಣ್ಣೆಯಲ್ಲಿ ಕರೆಯಿರಿ

ಸಿಹಿ: ಬಾಳೇ ಸಣ್ಣಪ್ಪ
ಸಾಮಾನು:
ಬೆಳ್ತಿಗೆ ಅಕ್ಕಿ ಎರಡು ಲೋಟ, ಬೆಲ್ಲದ ಪುಡಿ ಎರಡೂವರೆ ಲೋಟ, ಇಡೀ ಅರಳು ಎರಡು ಲೋಟ, ಬಾಳೆಹಣ್ಣು ಎರಡು, ಕಾಯಿ
ತುರಿ ಒಂದು ಲೋಟ, ಎರಡು ಚಿಟಿಕೆ ಉಪ್ಪು, ಕರಿಯಲು ಎಣ್ಣೆ

ವಿಧಾನ:
* ಅಕ್ಕಿಯನ್ನು ತೊಳೆದು ಅರ್ಧಗಂಟೆ ನೆನೆಸಿ.
* ನೀರನ್ನು ಬಸಿದು, ಅರಳು ಕಾಯಿತುರಿ ಬಾಳೆಹಣ್ಣು ಹಾಕಿ ಸಣ್ಣಗೆ ರುಬ್ಬಿ.
* ಕೊನೆಯಲ್ಲಿ ಬೆಲ್ಲ ಉಪ್ಪು ಹಾಕಿ ತಿರುವಿ.
* ನಿಂಬೇಗಾತ್ರದ ಉಂಡೆ ಮಾಡಿ ಎಣ್ಣೆಯಲ್ಲಿ ಕರೆಯಿರಿ.

*** ಇದನ್ನು ಹಲಸಿನ ಹಣ್ಣಿನಲ್ಲಿ ಮಾಡಿದರೆ ಹಲಸಿನ ಸಣ್ಣಪ್ಪ ಆಗುತ್ತದೆ.
*** ಒಂದೆರಡು ಕರಿಎಳ್ಳನ್ನು ಹುರಿದು ಹಿಟ್ಟಿಗೆ ಬೆರೆಸಿದರೆ ಇನ್ನೂ ಚೆನ್ನ.

ಉದ್ದಿನಬೇಳೆ ಚಟ್ನಿ
ಸಾಮಾನು:
ಉದ್ದಿನಬೇಳೆ ಕಾಲು ಲೋಟ, ಕಾಯಿತುರಿ ಅರ್ಧ ಲೋಟ, ಕರಿಮೆಣಸಿನಕಾಳು ಏಳು/ಎಂಟು, ಮಾವಿನಹುಳಿ ಅರ್ಧ ಚಮಚ,
ಉಪ್ಪು ರುಚಿಗೆ, ಒಗ್ಗರಣೆಗೆ ಸಾಸುವೆ ಅರ್ಧ ಚಮಚ ಕರಿಮೆಣಸು ಮೂರು/ನಾಲ್ಕು, ಎಣ್ಣೆ ಎರಡು ಚಮಚ.

ವಿಧಾನ:
* ಉದ್ದು ಮತ್ತು ಕರಿಮೆಣಸನ್ನು ಕೆಂಪಗೆ ಹುರಿಯಿರಿ.
* ಐದುನಿಮಿಷಗಳ ಕಾಲ ಆರಲು ಬಿಡಿ.
* ಆರಿದ ಬೇಳೆ ಕರಿಮೆಣಸಿಗೆ ಕಾಯಿತುರಿ ಹುಳಿಪುಡಿ ಉಪ್ಪು ಹಾಕಿ ನುಣ್ಣಗೆ ರುಬ್ಬಿ.
* ಒಗ್ಗರಣೆ ಹಾಕಿ ಚಪಾತಿ ದೋಸೆ ಇಡ್ಲಿ ಅಥವಾ ಅನ್ನದ ಜೊತೆಯಲ್ಲೂ ತಿನ್ನಬಹುದು.

ತರಕಾರಿ ಗಟ್ಟಿ ಬಜೆ
ಸಾಮಾನು:
ಸಣ್ಣಗೆ ಹೆಚ್ಚಿದ ಬೆಂಡೇಕಾಯಿ/ಅಲಸಂದೆ ನಾಲ್ಕು ಲೋಟ, ಹೆಚ್ಚಿದ ಹಸಿಮೆಣಸಿನಕಾಯಿ ನಾಲ್ಕು, ಎರಡು ಚಿಟಿಕೆ ಇಂಗು,
ಕಡಲೆಹಿಟ್ಟು ಎರಡು/ಮೂರು ಲೋಟ, ರುಚಿಗೆ ಉಪ್ಪು, ಕರಿಯಲು ಎಣ್ಣೆ.

ವಿಧಾನ:
* ಹೆಚ್ಚಿದ ತರಕಾರಿ, ಹಸಿಮೆಣಸನ್ನು ಉಪ್ಪಿನೊಂದಿಗೆ ಕಲಸಿಟ್ಟುಕೊಳ್ಳಿ.
* ಇಂಗು ಬೆರೆಸಿ ಕಡಲೆಹಿಟ್ಟನ್ನು ಸ್ವಲ್ಪ ಸ್ವಲ್ಪವಾಗಿ ಉದುರಿಸಿ ನೀರಾಗದಂತೆ ಕಲಸಿ.
* ಬಾಣಲೆಯಲ್ಲಿ ಬಿಸಿಯಾದ ಎಣ್ಣೆಗೆ ಹಿಟ್ಟು-ತರಕಾರಿ ಮಿಶ್ರಣವನ್ನು ನಿಂಬೇಗಾತ್ರ ಬಿಡಿಬಿಡಿಯಾಗಿ ಎಣ್ಣೆಗೆ ಬಿಡಿ
* ಕೆಂಪಗಾದ ನಂತರ ತೆಗೆದು, ಆರಿಸಿ ಉಣಬಡಿಸಿ

*** ಬೆಂಡೆ/ಅಲಸಂದೆ ಬದಲು ಹೀರೇಕಾಯಿ/ಬಾಳೇಕಾಯಿ ಸಿಪ್ಪೆ ಉಪಯೋಗಿಸಿ ಗಟ್ಟಿಬಜೆ ಮಾಡಬಹುದು

ಹೆಸರುಕಾಳು ಹುಳಿ/ಪದಂಜಿ ಕೊದ್ದೆಲ್
ಸಾಮಾನು:
ಹೆಸರುಕಾಳು ಒಂದು ಲೋಟ, ತೆಂಗಿನಕಾಯಿತುರಿ ಅರ್ಧ ಲೋಟ, ಕರಿಮೆಣಸು ಏಳು/ಎಂಟು, ಜೀರಿಗೆ, ಉದ್ದು,
ಮಾವಿನಹುಳಿ ಪುಡಿ ಅರ್ಧ ಚಮಚ, ಬೆಲ್ಲದ ಪುಡಿ ಎರಡು ಟೀಸ್ಪೂನ್, ರುಚಿಗೆ ಉಪ್ಪು

ವಿಧಾನ:
* ಹೆಸರುಕಾಳನ್ನು ಮೂರುಗಂಟೆ ನೀರಿನಲ್ಲಿ ನೆನೆಸಿ, ತೊಳೆಯಿರಿ.
* ನಂತರ ಮೂರು ಲೋಟ ನೀರಿನಲ್ಲಿ ಬೇಯಿಸಿ.
* ಕರಿಮೆಣಸು ಜೀರಿಗೆ ಉದ್ದನ್ನು ಹುರಿಯಿರಿ.
* ಕಾಯಿತುರಿ ಮಾವಿನಹುಳಿಪುಡಿ ಬೆಲ್ಲ ಉಪ್ಪಿನೊಂದಿಗೆ ಹುರಿದು ಧಾನ್ಯಗಳನ್ನು ನುಣ್ಣಗೆ ರುಬ್ಬಿ.
* ರುಬ್ಬಿದ ಮಸಾಲೆಯನ್ನು ಬೆಂದ ಹೆಸರುಕಾಳಿಗೆ ಹಾಕಿ ಕುದಿಸಿ.
ಹತ್ತು ಬಗೆಯ ಚಟ್ನಿಗಳು
ಕಾಯಿ ಚಟ್ನಿ
ಸಾಮಾನು:
ಒಂದು ತೆಂಗಿನ ಕಾಯಿ ತುರಿದದ್ದು, ಹಸಿ ಮೆಣಸಿನಕಾಯಿ ಆರು/ಎಂಟು,ಉಪ್ಪು ಒಂದು ಟೀ ಚಮಚ,ಶುಂಟಿ ಮತ್ತು ಹುಣಸೇ ಹಣ್ಣು ನಿಂಬೆ ಗಾತ್ರ, ಕೊತ್ತಂಬರಿ ಸೊಪ್ಪು ಒಂದು ಕಟ್ಟು, ಮತ್ತು ವಗ್ಗರಣೆಗೆ ಸ್ವಲ್ಪ ಎಣ್ಣೆ ಕರಿಬೇವು,ಸಾಸಿವೆ,ಇಂಗು,ಉದ್ದಿನಬೇಳೆ
ವಿಧಾನ:
*ಹುಣಸೇ ಹಣ್ಣನ್ನು ಹತ್ತು ನಿಮಿಷ ನೀರಿನಲ್ಲಿ ನೆನೆಸಿಡಿ
* ನೆನೆಸಿದ ಹುಣಸೇ ಹಣ್ಣನ್ನು ಮೇಲೆ ಹೇಳಿದ ಎಲ್ಲಾ ಸಾಮಾನಿನ ಜೊತೆ ಸೇರಿಸಿ ಅರ್ಧಲೋಟ ನೀರು ಬೆರೆಸಿ ರುಬ್ಬಿ
* ರುಬ್ಬಿದ ಮಿಶ್ರಣಕ್ಕೆ ವಗ್ಗರಣೆ ಹಾಕಿ, ಚಟ್ನಿ ರೆಡಿ !
ಪುದೀನಾ ಚಟ್ನಿ
ಸಾಮಾನು:
ಆರು ಕಂತೆ ಪುದೀನಾ ಕಟ್ಟು, ಅರ್ಧಲೋಟ ಹುರಿಗಡಲೆ, ಅರ್ಧ ಲೋಟ ಕಾಯಿ ತುರಿ,ಮೆಣಸಿನ ಕಾಯಿ ಹಸಿ-ನಾಲ್ಕು, ಒಣಗಿದ್ದು-ಎಂಟು, ಉಪ್ಪು ಒಂದು ಚಮಚ, ವಗ್ಗರಣೆಗೆ ಸ್ವಲ್ಪ ಎಣ್ಣೆ ಕರಿಬೇವು,ಸಾಸಿವೆ,ಇಂಗು
ವಿಧಾನ:
*ಬಾಣಲೆಯಲ್ಲಿ ಪುದೀನಾ ಎಲೆಗಳನ್ನು ಬಾಡಿಸಿ
*ಅದಕ್ಕೆ ಮಿಕ್ಕ ಸಮ್ಮನುಗಳನ್ನು ಬೆರೆಸಿ ರುಬ್ಬಿಕೊಳ್ಳಿ
* ರುಬ್ಬಿದ ಮಿಶ್ರಣಕ್ಕೆ ವಗ್ಗರಣೆ ಹಾಕಿ, ಪುದೀನಾ ಚಟ್ನಿ ತಯಾರ್ !
ಕ್ಯಾರೆಟ್ ಚಟ್ನಿ
ಸಾಮಾನು:
ಕ್ಯಾರೆಟ್ ಅರ್ಧ ಕಿಲೋ, ಅರ್ಧ ತೆಂಗಿನ ಕಾಯಿ ತುರಿದದ್ದು, ಹಸಿ ಮೆಣಸಿನಕಾಯಿ ಹತ್ತು , ಉಪ್ಪು ಒಂದು ಟೀ ಚಮಚ, ಹುಣಸೇ ಹಣ್ಣು ನಿಂಬೆ ಗಾತ್ರ, ಕೊತ್ತಂಬರಿ ಸೊಪ್ಪು ಒಂದು ಕಟ್ಟು, ಮತ್ತು ವಗ್ಗರಣೆಗೆ ಸ್ವಲ್ಪ ಎಣ್ಣೆ ಕರಿಬೇವು,ಸಾಸಿವೆ,ಇಂಗು,ಉದ್ದಿನಬೇಳೆ
ವಿಧಾನ:
*ಹುಣಸೇ ಹಣ್ಣನ್ನು ಹತ್ತು ನಿಮಿಷ ನೀರಿನಲ್ಲಿ ನೆನೆಸಿಡಿ
*ಕ್ಯಾರೆಟ್ ತೊಳೆದು ತುರಿದಿಟ್ಟುಕೊಳ್ಳಿ
*ತುರಿದ ಕ್ಯಾರೆಟ್,ಹುಣಸೇಹಣ್ಣು ಹಾಗೂ ಮಿಕ್ಕಎಲ್ಲಾ ಸಾಮಾನಿನ ಜೊತೆ ಸೇರಿಸಿ ಅರ್ಧಲೋಟ ನೀರು ಬೆರೆಸಿ ರುಬ್ಬಿಕೊಳ್ಳಿ
* ರುಬ್ಬಿದ ಮಿಶ್ರಣಕ್ಕೆ ವಗ್ಗರಣೆ ಹಾಕಿ, (ಚಪಾತಿ ದೋಸೆ ಜೊತೆ ತಿನಲು ರುಚಿ)
ಕಡಲೇ ಬೇಳೆ ಚಟ್ನಿ
ಸಾಮಾನು:
ಅರ್ಧ ಕಿಲೋ ಕಡಲೇ ಬೇಳೆ, ಅರ್ಧ ತೆಂಗಿನ ಕಾಯಿ ತುರಿದದ್ದು, ಹಸಿ ಮೆಣಸಿನಕಾಯಿ ಹತ್ತು , ಉಪ್ಪು ಒಂದು ಟೀ ಚಮಚ, ಹುಣಸೇ ಹಣ್ಣು ನಿಂಬೆ ಗಾತ್ರ, ಕೊತ್ತಂಬರಿ ಸೊಪ್ಪು ಒಂದು ಕಟ್ಟು, ಮತ್ತು ವಗ್ಗರಣೆಗೆ ಸ್ವಲ್ಪ ಎಣ್ಣೆ ಕರಿಬೇವು,ಸಾಸಿವೆ,ಇಂಗು,ಉದ್ದಿನಬೇಳೆ
ವಿಧಾನ:
*ಹುಣಸೇ ಹಣ್ಣನ್ನು ಹತ್ತು ನಿಮಿಷ ನೀರಿನಲ್ಲಿ ನೆನೆಸಿಡಿ
*ಕಡಲೇ ಬೇಳೆ ಬಾಣಲೆಯಲ್ಲಿ ಕೆಂಪಗೆ ಆಗುವ ಹಾಗೆ ಹುರಿಯಿರಿ.
*ಹುರಿದ ಬೇಳೆಯನ್ನು ಪೂರ್ತಿ ಆರಲು ಬಿಡಿ.
*ಬೇಳೆ ಮತ್ತು ಹುಣಸೇ ಹಣ್ಣನ್ನು ಮಿಕ್ಕಎಲ್ಲಾ ಸಾಮಾನಿನ ಜೊತೆ ಸೇರಿಸಿ ಅರ್ಧಲೋಟ ನೀರು ಬೆರೆಸಿ ರುಬ್ಬಿಕೊಳ್ಳಿ
*ರುಬ್ಬಿದ ಮಿಶ್ರಣಕ್ಕೆ ವಗ್ಗರಣೆ ಹಾಕಿ ( ಕಾಯಿಯ ಬದಲಿಗೆ ಒಣ ಕೊಬ್ಬರಿ ಉಪಯೋಗಿಸಿದಲ್ಲಿ ಚಟ್ನಿ ಎರಡು ದಿನ ಕೆಡುವುದಿಲ್ಲ)
ಹೀರೇಕಾಯಿ ಚಟ್ನಿ
ಸಾಮಾನು:
ಹೀರೇಕಾಯಿ ಅರ್ಧ ಕಿಲೋ,ಹಸಿ ಮೆಣಸಿನಕಾಯಿ ಹತ್ತು , ಉಪ್ಪು ಒಂದು ಟೀ ಚಮಚ, ಹುಣಸೇ ಹಣ್ಣು ನಿಂಬೆ ಗಾತ್ರ ಮತ್ತು ವಗ್ಗರಣೆಗೆ ಸ್ವಲ್ಪ ಎಣ್ಣೆ ಕರಿಬೇವು, ಸಾಸಿವೆ, ಇಂಗು, ಜೀರಿಗೆ
ವಿಧಾನ:
*ಹೀರೇಕಾಯಿಯನ್ನು ಸಿಪ್ಪೆ ಹೆರೆದು,ಬಲಿತ ಬೀಜಗಳಿದ್ದರೆ ತೆಗೆದು, ಸಣ್ನಕ್ಕೆ ಹೆಚ್ಚಿಕೊಳ್ಳಿ
*ಮಿಕ್ಕಎಲ್ಲಾ ಸಾಮಾನಿನ ಜೊತೆ ಅರ್ಧಲೋಟ ನೀರು ಬೆರೆಸಿ ರುಬ್ಬಿಕೊಳ್ಳಿ
*ಬಾಣಲೆಯಲ್ಲಿ ವಗ್ಗರಣೆ ಹಾಕಿ,ಸಣ್ನಗೆ ಹೆಚ್ಚಿದ ಹೀರೇಕಾಯಿಯನ್ನು ಬಾಡಿಸಿ ನಂತರ ರುಬ್ಬಿದ ಮಿಶ್ರಣವನ್ನೂ ಬೆರೆಸಿ ಎರಡು ನಿಮಿಷ ಬಾಡಿಸಿ
(ವಿಷೇಶವೆಂದರೆ ತುರಿದ ಸಿಪ್ಪೆಯಿಂದಲೂ ಚಟ್ನಿ ಮಾಡಿದರೆ ಬಲು ರುಚಿ)
ಕಡಲೇಕಾಯಿ ಚಟ್ನಿ
ಸಾಮಾನು:
ಎರಡು ಬಟ್ತಲು ಹಿರಿದು ಸಿಪ್ಪೆ ತೆಗೆದ ಕಡಲೇಬೀಜ, ಒಣ ಮೆಣಸಿನಕಾಯಿ ಹತ್ತು, ತುರಿದ ಒಣ ಕೊಬ್ಬರಿ ಅರ್ಧ ಬಟ್ಟಲು, ಉಪ್ಪು - ಸಕ್ಕರೆ ಒಂದು ಟೀ ಚಮಚ ಮತ್ತು ವಗ್ಗರಣೆಗೆ ಸ್ವಲ್ಪ ಎಣ್ಣೆ ಕರಿಬೇವು,ಸಾಸಿವೆ,ಇಂಗು
ವಿಧಾನ:
*ಎಣ್ಣೆ ಕಾಯಿಸಿ ಒಣ ಮೆಣಸಿನ ಕಾಯಿ, ಕಡಲೇಬೀಜ ಇಂಗು ಬೆರೆಸಿ ಹುರಿಯಿರಿ.
*ಹುಣಸೇಹಣ್ಣು,ಕೊಬ್ಬರಿ,ಸಕ್ಕರೆ, ಉಪ್ಪು, ಇವುಗಳೊಂದಿಗೆ ಹಿರಿದ ಪದಾರ್ಥಗಳನ್ನು ನೀರಿಲ್ಲದೆ ರುಬ್ಬಿಕೊಳ್ಳಿ
*ಒಂದು ಜಾಡಿಯಲ್ಲಿ ಶೇಖರಿಸಿಡಿ.
(ಚಪಾತಿ, ದೋಸೆ, ಬ್ರೆಡ್ ಜೊತೆ ಸವಿಯಲು ಬಲು ರುಚಿ)
ಟೊಮೆಟೊ ಚಟ್ನಿ
ಸಾಮಾನು:
ಟೊಮೆಟೊ ಅರ್ಧ ಕಿಲೋ, ಬೆಲ್ಲ ಒಂದು ಬಟ್ತಲು,ಎರಡು ಚಮಚ ಖಾರದ ಮೆಣಸಿನ ಪುಡಿ,ಉಪ್ಪು ಒಂದು ಟೀ ಚಮಚ, ವಗ್ಗರಣೆಗೆ ಸ್ವಲ್ಪ ಎಣ್ಣೆ ಕರಿಬೇವು, ಸಾಸಿವೆ, ಇಂಗು, ಅರಿಸಿನ
ವಿಧಾನ:
*ಟೊಮೆಟೊಗಳನ್ನು ತೊಳೆದು ಸಣ್ಣಗೆ ಕತ್ತರಿಸಿಕೊಳ್ಳಿ.
*ಬಾಣಲೆಯಲ್ಲಿ ಎಣ್ಣೆ ಕಾಯಿಸಿ ವಗ್ಗರಣೆ ಹಾಕಿ ಟೊಮೆಟೊ ಸೇರಿಸಿ ಐದು ನಿಮಿಷ ಬೇಯಿಸಿ
*ಬೆಲ್ಲ, ಅರಿಸಿನ, ಮೆಣಸಿನ ಪುಡಿ, ಉಪ್ಪು ಸೇರಿಸಿ ಬಾಡಿಸಿ.
*ಬಾಣಲೆ ಮುಚ್ಚಿ ಸಣ್ಣ ಕಾವಿನಲ್ಲಿ ಟೊಮೆಟೊ ಮೃದುವಾಗುವ ವರೆಗೆ ಬೇಯಿಸಿ.
*ಗಟ್ಟಿಗಾದ ಮೇಲೆ ಕೆಳಗಿಳಿಸಿ.
ಎಳ್ಳು ಚಟ್ನಿ/ಎಡ್ಮೆ ಚಟ್ನಿ(ಮಂಗಳೂರು ಶೈಲಿ)
ಸಾಮಾನು:
ಕಪ್ಪು ಎಳ್ಳು ಕಾಲು ಬಟ್ಟಲಿ, ಕರಿಮೆಣಸಿನ ಕಾಳು ಎಂಟು, ಕಾಯಿತುರಿ ಅರ್ಧ ಬಟ್ಟಲು, ಮಾವಿನ ಹುಳಿಪುಡಿ ಕಾಲು ಚಮಚ, ಉಪ್ಪು ರುಚಿಗೆ ಮತ್ತು ವಗ್ಗರಣೆಗೆ ಸ್ವಲ್ಪ ಎಣ್ಣೆ ಕರಿಬೇವು, ಸಾಸಿವೆ, ಒಂದೆರಡು ಕರಿಮೆಣಸು.
ವಿಧಾನ:
*ಎಳ್ಳನ್ನು ಬಾಣಲೆಗೆ ಹಾಕಿ ಚಟ ಪಟ ಸಿಡಿಯುವ ವರೆಗೆ ಹುರಿಯಿರಿ
*ಇದಕ್ಕೆ ಕಾಯಿತುರಿ, ಕರಿಮೆಣಸು, ಉಪ್ಪು ಹಾಕಿ ನೀರು ಸಿಂಪಡಿಸಿ, ನುಣ್ಣಗೆ ರುಬ್ಬಿಕೊಳ್ಳಿ
*ಒಗ್ಗರಣೆ ಕೊಟ್ಟು ಕಲಸಿ
ಒಂದೆಲಗ(ಬ್ರಾಹ್ಮೀ)ಚಟ್ನಿ(ಮಂಗಳೂರು ಶೈಲಿ)
ಸಾಮಾನು:
ಬೇರು ಸಹಿತ ಒಂದೆಲಗದೆಲೆ ಇಪ್ಪತ್ತು, ಕರಿಮೆಣಸು ಎಂಟು, ಕಾಯಿತುರಿ ಒಂದು ಬಟ್ಟಲು, ಮಾವಿನ ಹುಳಿಪುಡಿ ಕಾಲು ಚಮಚ, ಉಪ್ಪು ರುಚಿಗೆ ಮತ್ತು ವಗ್ಗರಣೆಗೆ ಸ್ವಲ್ಪ ಎಣ್ಣೆ ಕರಿಬೇವು, ಸಾಸಿವೆ, ಒಂದೆರಡು ಕರಿಮೆಣಸು
ವಿಧಾನ:
*ಸೊಪ್ಪನ್ನು ತೊಳೆದು, ಕರಿಮೆಣಸು, ಕಾಯಿತುರಿ, ಮವಿನ ಹಿಳಿ, ಉಪ್ಪು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ
*ಒಗ್ಗರಣೆ ಕೊಡಿ (ಐದೇ ನಿಮಿಷದಲ್ಲಿ ಚಟ್ನಿ ಸಿದ್ಧ)
ಮಾವಿನ ಕಾಯಿ ಚಟ್ನಿ(ಮಂಗಳೂರು ಶೈಲಿ)
ಸಾಮಾನು:
ಮಾವಿನಕಾಯಿ ಎರಡು, ಉದ್ದಿನ ಬೇಳೆ ನಾಲ್ಕು ಚಮಚ, ತೆಂಗಿನ ಕಾಯಿ ತುರಿ ಅರ್ಧ ಬಟ್ಟಲಿ,ಹಸಿ ಮೆಣಸಿನಕಾಯಿ ಆರು , ಮತ್ತು ವಗ್ಗರಣೆಗೆ ಸ್ವಲ್ಪ ಎಣ್ಣೆ ಕರಿಬೇವು, ಸಾಸಿವೆ, ಒಣಮೆಣಸಿನ ಕಾಯಿ ನಾಲ್ಕೈದು
ವಿಧಾನ:
*ಮಾವಿನ ಕಾಯಿ ಸಿಪ್ಪೆ, ವಾಟೆ ತೆಗೆದು ತುರಿದಿಡಿ
*ಬಾಣಲೆಯಲ್ಲಿ ಎಣ್ಣೆ ಹಾಕಿ, ಕಾದ ಎಣ್ಣೆಗೆ ಉದ್ದನ್ನು ಹಾಕಿ ಹುರುಯಿರಿ,
*ಹುರಿದ ಉದ್ದಿನ ಬೇಳೆ ಜೊತೆ ಮಾವಿನ ತುರಿ, ಕಾಯಿ ತುರಿ, ಹಸಿ ಮೆಣಸಿನಕಾಯಿ, ಉಪ್ಪು ಸೇರಿಸಿ ಸಣ್ಣಗೆ ರುಬ್ಬಿಕೊಳ್ಳಿ
*ವಗ್ಗರಣೆ ಕೊಡಿ
(ಯಾವ ತಿಂಡಿಯ ಜೊತೆಯಲ್ಲಿ ಬೇಕಾದರೂ ನೆಂಚಿಕೊಳ್ಳಲು ರುಚಿಕರವಾದ ಚಟ್ನಿ ಇದು)

ಬಗೆ ಬಗೆ ದೋಸೆಗಳು / ಸಿಹಿ ತಿನಿಸುಗಳು.
ದೋಸೆ
ಸಾಮಾನು:
ನಾಲ್ಕು ಲೋಟ ಅಕ್ಕಿ,ಎರಡು ಲೋಟ ಉದ್ದು,ಅರ್ಧ ಲೋಟ ರವೆ,ಮೆಂತ್ಯ ಅವಲಕ್ಕಿ ತೊಗರಿ ಎರಡೆರಡು ಚಮಚ.ಉಪ್ಪು ನಾಕು ಚಮಚ
ವಿಧಾನ:
*ಅಕ್ಕಿ ಉದ್ದು ಮೆಂತ್ಯ ಅವಲಕ್ಕಿ ತೊಗರಿ ಎಲ್ಲಾ ಹಿಂದಿನ ದಿನವೇ ಎಂಟು ಘಂಟೆ ನೀರಿನಲ್ಲಿ ನೆನೆಸಿಡಿ
*ನೆಂದ ಪದಾರ್ಥವನ್ನು ನುಣ್ಣಗೆ ರುಬ್ಬಿ ,ಮತ್ತೆ ಆರು ಘಂಟೆ ಮುಚ್ಚಿಡಿ
*ಉಪ್ಪು ರವೆ ಸೇರಿಸಿ ಕಾದ ತವದ ಮೇಲೆ ಎಣ್ಣೆ ಸವರಿ ಹುಯ್ಯಿರಿ.
*ದೋಸೆ ಮೆತ್ತಗಾಗಲು ಮುಚ್ಚಿಟ್ಟು ಬೇಯಿಸಿ,ಗರಿಗರಿಯಾಗಿ ಆಗಲು ಮುಚ್ಚಬೇಡಿ
ಇದಕ್ಕೆತವದ ಮೇಲಿರಬೇಕಾದಾಗಲೇ ಕೆಂಪು ಈರುಳ್ಳಿ ಚಟ್ನಿ ಸವರಿ,ಆಲೂಗಡ್ಡೆ ಈರುಳ್ಳಿ ಪಲ್ಯದ ಜೊತೆ ಬಡಿಸಿದರೆ ಮಸಾಲೆ ದೋಸೆ ಆಗುತ್ತದೆ.
ರಾಗಿ ದೋಸೆ
ಸಾಮಾನು:
ನಾಲ್ಕು ಲೋಟ ರಾಗಿ,ಒಂದು ಲೋಟ ಅಕ್ಕಿ,ಅರ್ಧ ಲೋಟ ಉದ್ದಿನಬೇಳೆ,ಉಪ್ಪು,ಅರ್ಧ ಲೋಟ ಹುಳಿ ಮೊಸರು ಎಣ್ಣೆ
ವಿಧಾನ:
*ರಾಗಿ ಅಕ್ಕಿ ಉದ್ದನ್ನು ಬರೆಸಿ 3 ಘಂಟೆ ನೆನೆಸಿ, ರುಬ್ಬಿಡಬೇಕು.
*ರುಬ್ಬಿದ ಹಿಟ್ಟಿಗೆ ಮೊಸರು ಸೇರಿಸಿ ಅರ್ಧಘಂಟೆ ನೆನೆಸಿ,ತವ ಕಾಯಿಸಿ ದೋಸೆ ಹುಯ್ಯಲು ರೆಡಿ
ಹೆಸರುಬೇಳೆ ದೋಸೆ
ಸಾಮಾನು:
ಹೆಸರುಬೇಳೆ ಎರಡು ಲೋಟ,ಅಕ್ಕಿ ಅರ್ಧ ಲೋಟ,ಆರು ಹಸಿಮೆಣಸಿನ ಕಾಯಿ,ಗೋಲಿ ಗಾತ್ರದ ಶುಂಟಿ,
ಉಪ್ಪು,ಒಂದು ಈರುಳ್ಳಿ, ವಗ್ಗರಣೆಗೆ ಎಣ್ಣೆ ಸಾಸಿವೆ ಜೀರಿಗೆ ಕಡಲೇಬೇಳೆ ಉದ್ದಿನಬೇಳೆ ಕರಿಬೇವು,
ಇಂಗು, ಕೊತ್ತಂಬರಿ ಸೊಪ್ಪು ಕಾಲು ಕಟ್ಟು
ವಿಧಾನ:
*ಹೆಸರುಬೇಳೆ ಅಕ್ಕಿಯನ್ನು 3 ಘಂಟೆ ನೆನೆಸಿ, ಹಸಿಮೆಣಸಿನ ಕಾಯಿ, ಶುಂಟಿ,ಉಪ್ಪು ಸೇರಿಸಿ ರುಬ್ಬಿಡಬೇಕು.
*ರುಬ್ಬಿದ ಹಿಟ್ಟಿಗೆ ಈರುಳ್ಳಿ,ಕೊತ್ತಂಬರಿ ಸಣ್ಣಗೆ ಹೆಚ್ಚಿ ಕಲಸಿಡಿ
*ವಗ್ಗರಣೆ ಹಾಕಿ, ತವ ಕಾಯಿಸಿ ದೋಸೆ ಹುಯ್ದು ಬಡಿಸಿ
ಈ ದೋಸೆಗೆ ಚಟ್ನಿ ಬೇಕಿಲ್ಲ
ಗೆಣಸಿನ ಪಾಯಸ(ಮಂಗಳೂರು ಶೈಲಿ)
ಸಾಮಾನು:
ಅರ್ಧ ಕಿಲೋ ಗೆಣಸು, ಬೆಲ್ಲ ಒಂದು ಲೋಟ,ಕಾಯಿ ಹಾಲು ಅರ್ಧಲೋಟ,ಒಂದು ಚಮಚ ಏಲಕ್ಕಿ ಪುಡಿ, ಚಿಟಿಕೆ ಉಪ್ಪು
ವಿಧಾನ:
*ಗೆಣಸಿನ ಸಿಪ್ಪೆ ತೆಗೆದು ಅರ್ಧ ಇಂಚು ದಪ್ಪದ ಹೋಳು ಮಾಡಿ.
*ಹೋಳುಗಳು ಮುಳುಗುವಷ್ಟು ನೀರು ಹಾಕಿ ಬೇಯಿಸಿ
*ಬೆಲ್ಲ ಉಪ್ಪು ಹಾಕಿ
*ಚೆನ್ನಾಗಿ ಬೆಂದು ಕುದಿ ಬಂದ ಮೇಲೆಕಾಯಿಹಾಲು,ಏಲಕ್ಕಿ ಪುಡಿ ಹಾಕಿ ಕಲಸಿ,ಬಡಿಸಿ.
ಮುದ್ದೆ ಪಾಯಸ(ಮಂಗಳೂರು ಶೈಲಿ)
ಸಾಮಾನು:
ಅಕ್ಕಿ ಒಂದು ಬಟ್ಟಲು,ಬೆಲ್ಲದ ಪುಡಿ ನಾಲ್ಕು ಬಟ್ಟಲು,ಹೆಚ್ಚಿದ ಬಾಳೇಹಣ್ಣು ನಾಲ್ಕು,ತುಪ್ಪ ಒಂದು ಬಟ್ಟಲು,ದ್ರಾಕ್ಷಿ ಹತ್ತು,ಗೋಡಂಬಿ ಹತ್ತು,ಜೇನುತುಪ್ಪ ಕಾಲು ಲೋಟ.
ವಿಧಾನ:
*ಎರಡು ಬಟ್ಟಲು ಕುದಿಯುವ ನೀರಿಗೆಅಕ್ಕಿ ತೊಳೆದು ಹಾಕಿ.
*ಬೇಯುತ್ತಾ ಬರಲು ಬೆಲ್ಲ ಹಾಕಿ,ಪಾಕ ಬರುವವರೆಗೂ ಕಲಕುತ್ತಿರಿ
*ಬಾಳೇಹಣ್ಣು,ತುಪ್ಪ,ದ್ರಾಕ್ಷಿ ಗೋಡಂಬಿ ಜೇನುತುಪ್ಪ ಎಲ್ಲಾ ಹಾಕಿ
*ತಳ ಹಿಡಿಯದಂತೆ ಮಗುಚಿ,ಪಾಯಸ ಮುದ್ದೆ ಮುದ್ದೆಯಾಗಿರಬೇಕು
ಕಡ್ಲೇ ಹಿಟ್ಟಿನ ಮನೋಹರ(ಮಂಗಳೂರು ಶೈಲಿ)
ಸಾಮಾನು:
ಕಡ್ಲೇ ಹಿಟ್ಟು ಎರಡು ಲೋಟ, ಕಾಯಿ ತುರಿ,ಸಕ್ಕರೆ ಪುಡಿ ಎರಡು ಲೋಟ
ವಿಧಾನ:
*ಕಡ್ಲೇಹಿಟ್ಟನ್ನು ನೀರಿನಲ್ಲಿ ಇಡ್ಲಿ ಹಿಟ್ಟಿನ ಹದಕ್ಕೆ ಕಲಸಿಡಿ
*ಬಾಣಲೆಯಲ್ಲಿ ತುಪ್ಪ ಬಿಸಿಗಿಡಿ
*ಬೂಂದಿಕಾಳಿನ ತಟ್ಟೆಯಿಂದ ಹಿಟ್ಟನ್ನು ಬಾಣಲೆಗೆ ಬಿಡಿ
*ಕಾದ ಬೂಂದಿಕಾಳುಗಳನ್ನು ತೆಗೆದು,ಆರಿದ ಬಳಿಕ ಸಕ್ಕರೆಪುಡಿ,ಕಾಯಿತುರಿ ಬೆರೆಸಿ ಕೊಡಿ

ಶ್ರೀಖಂಡ.
ಸಾಮಾನು:
ಎರಡು ಲೀಟರ್ ಗಟ್ಟಿ ಮೊಸರು,ಮುನ್ನೂರು ಗ್ರಾಂ ಸಕ್ಕರೆ,ಎರಡು ಗ್ರಾಂ ಕೇಸರಿ,ಅರ್ಧ ನಿಂಬೇಹಣ್ಣು.
ವಿಧಾನ:
*ಗಟ್ಟಿ ಮೊಸರನ್ನು ಬಟ್ಟೆಯಲ್ಲಿ ಶೋಧಿಸಿ,ಚೆನ್ನಾಗಿ ಬಸಿದು ನೀರಿನ ಅಂಶ ತೆಗೆಯಿರಿ
*ಈ ಮೊಸರಿಗೆ ನಿಂಬೇರಸ ಕೇಸರಿ ಸೇರಿಸಿ ಬೆರೆಸಿ.
*ಸಕ್ಕರೆ ಬೆರೆಸಿ ಅದು ಕರಗುವ ವರೆಗೂ ಸೌಟಿನಿಂದ ಆಡಿಸುತ್ತಿರಿ.(ಮಿಕ್ಸಿಯನ್ನೂ ಬಳಸಬಹುದು)
*ಫ್ರಿಡ್ಜ್ ನಲ್ಲಿಟ್ಟು ತಣ್ಣಗಾದ ಬಳಿಕ ತಿನ್ನಲು ರೆಡಿ.
ಪಂಚಕಜ್ಜಾಯ
ಸಾಮಾನು:
ಹುರಿದು ಬೀಸಿದ ಹೆಸರುಬೇಳೆ ಪುಡಿ ಅರ್ಧ ಕೇಜಿ, ಬೆಲ್ಲ ಅರ್ಧ ಕೇಜಿ,ಎರಡು ತೆಂಗಿನ ಕಾಯಿ,ಹುರಿದ ಎಳ್ಳು ನಾಕು ಚಮಚ,ಐವತ್ತು ಗ್ರಾಂ ಗೋಡಂಬಿ,ತುಪ್ಪ ನೂರು ಗ್ರಾಂ,ಜೇನುತುಪ್ಪ ನೂರು ಗ್ರಾಂ
ವಿಧಾನ:
*ತೆಂಗಿನ ಕಾಯಿಯನ್ನು ತುರಿದು ಬಾಣಲೆಯಲ್ಲಿ ಹುರಿದುಕೊಳ್ಳುವುದು.
*ಹುರಿದ ಕಾಯಿ ತುರಿಗೆ ಬೆಲ್ಲ,ಹೆಸರು ಬೇಳೆ ಪುಡಿ ಸೇರಿಸಿ ಒರಳಿನಲ್ಲಿ ಕುಟ್ಟಿಕೊಳ್ಳುವುದು.
*ಕುಟ್ಟಿದ ಮಿಶ್ರಣಕ್ಕೆ ಎಳ್ಳು, ತುಪ್ಪ, ಜೇನುತುಪ್ಪ ಕಲಸುವುದು
ಇದನ್ನು ಉದುರುದುರಾಗಿಯೂ ಅಥವಾ ಉಂಡೆಯಾಗಿಯೂ ಮಾಡಿ ತಿನ್ನಬಹುದು,( ಆಡುವ ಮಕ್ಕಳಿಗಿದು ಶಕ್ತಿದಾಯಕ.)
ರವೆ ಬರ್ಫಿ
ಸಾಮಾನು:
ಎರಡು ಬಟ್ಟಲು ಚಿರೋಟಿ ರವೆ(ಸಣ್ಣರವೆ),ಒಂದು ಬಟ್ಟಲು ತುಪ್ಪ,ಒಂದು ಬಟ್ಟಲುಹಾಲು, ನಾಲ್ಕುಬಟ್ಟಲು ಸಕ್ಕರೆ,ಎಂಟು ಏಲಕ್ಕಿ ಕಾಯಿ, ಕೇಸರಿ ದಳ ಹತ್ತು
ವಿಧಾನ:
*ರವೆಯನ್ನು ಕೆಂಪಗಾಗದಂತೆ ಹುರಿದು ಅದಕ್ಕೆಹಾಲು,ಸಕ್ಕರೆ,ತುಪ್ಪಹಾಕಿ ಕಲಕುತ್ತಿರಬೇಕು.
*ಮಿಶ್ರಣ ಮೈಸೂರುಪಾಕಿನಂತೆ ತಳಬಿಟ್ಟಾಗ ಹಾಲಿನಲ್ಲಿ ನೆನೆಸಿದ ಕೇಸರಿ,ಏಲಕ್ಕಿ ಪುಡಿ ಹಾಕಿ ಸಮನಾಗಿ ಬೆರೆಸಿ.
*ತುಪ್ಪಹಚ್ಚಿದ ತಟ್ಟೆಯಲ್ಲಿ ಮಿಷ್ರಣವನ್ನು ಹರಡಿ,ಸ್ವಲ್ಪ ಆರಿದ ಮೇಲೆ ಬೆಲ್ಲೆಗಳಾಗಿ ಕತ್ತರಿಸಿ
*ಪೂರ್ತಿ ಆರಿದ ಮೇಲೆ ತೆಗೆದು ತಿನ್ನಬಹುದು
ಗೋಡಂಬಿ ಟಾಫಿ<
ಸಾಮಾನು:
ಅರ್ಧ ಕೇಜಿ ಗೋಡಂಬಿ,ಸಕ್ಕರೆ ಒಂದೂವರೆ ಕೇಜಿ,ಏಲಕ್ಕಿ ಹತ್ತು,ನಾಲ್ಕು ಚಮಚ ತುಪ್ಪ
ವಿಧಾನ:
*ಗೋಡಂಬಿಯನ್ನು ಸಣ್ಣ ಚೂರುಗಳನ್ನಾಗಿ ಮಾಡಿ ಬಾಣಲೆಯಲ್ಲಿ ಎರಡು ಚಮಚ ತುಪ್ಪ ಹಾಕಿ ಹುರಿದಿಟ್ಟುಕೊಳ್ಳಿ
*ಮತ್ತೊಂದು ಪಾತ್ರೆಯಲ್ಲಿ ಕಾಲು ಲೋಟ ನೀರು ಬೆರೆಸಿ ಸಕ್ಕರೆಯ ಉಂಡೆಪಾಕ(ಗಟ್ಟಿ) ಮಾಡಿಕೊಂಡು ಕೆಳಗಿಳಿಸಿ.
*ಪಾಕಕ್ಕೆ ಗೋಡಂಬಿ,ಏಲಕ್ಕಿ ಪುಡಿ ಹಾಕಿ ಹದವಾಗಿ ಮೊಗಚಿ, ತಟ್ಟಿ.
*ಆರಿದಮೇಲೆ ಬಿಲ್ಲೆಗಳಾಗಿ ಕತ್ತರಿಸಿ ಬಡಿಸಿ.(ಆಡುವ ಮಕ್ಕಳಿಗಿದು ಶಕ್ತಿದಾಯಕ)
ಬೂದಕುಂಬಳಕಾಯಿ ಹಲ್ವ(ಮೊರಬ್ಬ)
ಸಾಮಾನು:
ಭಾರವಾದ ಅರ್ಧ ಬೂದಕುಂಬಳಕಾಯಿ,ಮುಕ್ಕಾಲು ಕೇಜಿ ಸಕ್ಕರೆ,ಅರ್ಧ ಲೀಟರ್ ಹಾಲು,ಹದಿನೈದು ಏಲಕ್ಕಿ
ವಿಧಾನ:
*ಬೂದಕುಂಬಳಕಾಯಿಯ ಸಿಪ್ಪೆ ಹಾಗೂ ತಿರುಳನ್ನು ತೆಗೆದು ಚಿಕ್ಕ ಹೋಳುಗಳನ್ನಾಗಿ ಮಾಡಿ ತೊಳೆದಿಟ್ಟುಕೊಳ್ಳಿ,
*ತೊಳೆದ ಹೋಳನ್ನು ಡಬರಿಯಲ್ಲಿ ಹಾಕಿ ಒಲೆಯ ಮೇಲಿಟ್ಟು ಹಾಲು ಹಾಕಿ ಹದವಾಗಿ ಬೇಯಿಸಿ.
*ಹೋಳು ಬೆಂದಮೇಲೆ ಸಕ್ಕರೆ ಹಾಕಿ ಕೆದಕುತ್ತಿರಿ.
*ನೀರು ಕಡಿಮೆಯಾಗಿ ಗಟ್ಟಿ ಪಾಕವಾಗುತ್ತಿದ್ದಂತೆ ಏಲಕ್ಕಿ ಪುಡಿ ಬೆರೆಸಿ,ಒಲೆಯ ಮೇಲಿಂದ ಇಳಿಸಿ
ವಿವಿಧ ಬಗೆಯ ಗೊಜ್ಜುಗಳು
ಮಾವಿನ ಕಾಯಿ ಗೊಜ್ಜು.
ಸಾಮಾನು:
ಒಂದು ದೊಡ್ಡ ಮಾವಿನ ಕಾಯಿ,ಎರಡು ಚಮಚ ಉಪ್ಪು, ಬೆಲ್ಲ ನೂರು ಗ್ರಾಂ, ಹಸಿಮೆಣಸಿನಕಾಯಿ ಐದು,
ವಗ್ಗರಣೆಗೆ ಸ್ವಲ್ಪ ಎಣ್ಣೆ, ಕರಿಬೇವು,ಸಾಸಿವೆ,ಎರಡು ಒಣಮೆಣಸಿನಕಾಯಿ.
ವಿಧಾನ:
*ಮಾವಿನ ಕಾಯನ್ನು ಸಣ್ಣ ಚೂರುಗಳನ್ನಾಗಿ ಕತ್ತರಿಸಿಕೊಳ್ಳೂವುದು.
*ಅದನ್ನು ಎರಡು ಬಟ್ಟಲು ನೀರಿನಲ್ಲಿ ಹಾಕಿ ಬೇಯಿಸಿ.
*ನೀರು ಕಡಿಮೆಯಾಗಿ ಕಾಯಿ ಬೆಂದಾಗ ಹಸಿಮೆಣಸಿನಕಾಯಿ ಹೆಚ್ಚಿಹಾಕಿ,ಬೆಲ್ಲ ಪುಡಿಮಾಡಿ ಹಾಕಿ
*ಸಾಸಿವೆ ಒಣಮೆಣಸಿನ ಕಾಯಿ ಇಂಗಿನ ವಗ್ಗರಣೆ ಹಾಕಿ,ಎರಡೂಬಾರಿ ಬಾಡಿಸಿ,ಉಣಬಡಿಸಿ.
ಹಾಗಲಕಾಯಿ ಗೊಜ್ಜು
ಸಾಮಾನು:
ಎರಡು ಹಾಗಲಕಾಯಿ,ಹುಣಸೇಹಣ್ಣು ನಿಂಬೇಗಾತ್ರ,ಎರಡು ಚಮಚ ಉಪ್ಪು, ಬೆಲ್ಲ ಹತ್ತು ಗ್ರಾಂ, ಮೆಣಸಿನ ಪುಡಿ ಎರಡು ಚಮಚ,
ವಗ್ಗರಣೆಗೆ ಸ್ವಲ್ಪ ಎಣ್ಣೆ, ಕರಿಬೇವು,ಸಾಸಿವೆ,ಎರಡು ಒಣಮೆಣಸಿನಕಾಯಿ
ವಿಧಾನ:
*ಹಾಗಲಕಾಯನ್ನು ತೊಳೆದು,ಬೀಜ ತೆಗೆದು,ಸಣ್ಣ ಚೂರುಗಳನ್ನಾಗಿ ಕತ್ತರಿಸಿಕೊಳ್ಳಿ
*ಒಂದು ಬಾಣಲೆಗೆ ವಗ್ಗರಣೆ ಹಾಕಿ ಅದಕ್ಕೆ ಹಾಗಲಕಾಯನ್ನು ಹಾಕಿ ಚೆನ್ನಾಗಿ ಹುರಿಯಿರಿ
*ಅದೇ ಸಮಯದಲ್ಲಿ ನೆನೆಸಿದ್ದ ಹುಣಸೇನೀರಿಗೆ ಬೆಲ್ಲ, ಮೆಣಸಿನ ಪುಡಿ ಸೇರಿಸಿ ಬಾಣಲೆಗೆ ಹಾಕಿ
*ಎರಡು ನಿಮಿಷ ಕುದಿಸಿ.ಕೆಳಗಿಳಿಸಿ,ಆರಿದ ನಂತರ ಬಡಿಸಿ.
ಹೇರಳೇ ಕಾಯಿ ಗೊಜ್ಜು
ಸಾಮಾನು:
ಎರಡು ಹೇರಳೇ ಕಾಯಿ, ಕಡಲೇಬೇಳೆ,ಉದ್ದಿನಬೇಳೆ ಒಂದೊಂದು ಚಮಚ,ಬೆಲ್ಲ ಅರ್ಧ ನಿಂಬೇಗಾತ್ರ, ಒಣಕೊಬ್ಬರಿ ಐವತ್ತು ಗ್ರಾಂ,
ಒಣಮೆಣಸಿನಕಾಯಿ ಐದಾರು,ನಾಲ್ಕು ಕಾಳು ಮೆಣಸು,ಹುಣಸೇಹಣ್ಣು ನಿಂಬೇ ಗಾತ್ರ,ಉಪ್ಪು ಒಂದು ಚಮಚ, ವಗ್ಗರಣೆಗೆ ಸ್ವಲ್ಪ ಎಣ್ಣೆ, ಕರಿಬೇವು,ಸಾಸಿವೆ
ವಿಧಾನ:
*ಹೇರಳೇಕಾಯನ್ನು ತೊಳೆದು ಸಿಪ್ಪೆ ಸಮೇತ ಸಣ್ಣ ಚೂರುಗಳನ್ನಾಗಿ ಕತ್ತರಿಸಿಕೊಳ್ಳೂವುದು,
*ಉದ್ದು,ಕಡಲೆಬೇಳೆ,ಮೆಣಸು,ಒಣಮೆಣಸಿನಕಾಯಿ,ಕೊಬ್ಬರಿ ಸ್ವಲ್ಪ ಹುರಿದು,ಆರಿದ ನಂತರ ಪುಡಿಮಾಡಿ
*ಒಂದು ಬಾಣಲೆಗೆ ವಗ್ಗರಣೆ ಹಾಕಿ ಅದಕ್ಕೆ ಹೇರಳೇಕಾಯನ್ನು ಹಾಕಿ ಚೆನ್ನಾಗಿ ಹುರಿಯುತ್ತಿರಿ,ಉಪ್ಪು ಬೆರೆಸಿ
*ಮಸಾಲೆ ಪುಡಿಯನ್ನು ಬಾಣಲೆಗೆ ಹಾಕಿ,
*ಹುಣಸೇ ಹಣ್ಣನ್ನು ಕಿವಿಚಿ,ಬೆಲ್ಲವನ್ನೂ ಬೆರೆಸಿ,ಎರಡುನಿಮಿಷ ಕುದಿಸಿ ಒಲೆ ಆರಿಸಿ.
ಬದನೇಕಾಯಿ ಮೊಸರು ಗೊಜ್ಜು
ಸಾಮಾನು:
ನಾಲ್ಕು ಉದ್ದವಾದ ಬದನೇಕಾಯಿಗಳು,ಎರಡು ಬಟ್ಟಲು ಮೊಸರು,ನಾಲ್ಕು ಹಸಿಮೆಣಸಿನ ಕಾಯಿ,ಹಸಿ ಶುಂಟಿ ಸಣ್ಣ ತುಂಡು,
ಎರಡು ಚಮಚ ತುಪ್ಪ,ಉಪ್ಪು ಒಂದು ಚಮಚ, ವಗ್ಗರಣೆಗೆ ಸಾಸಿವೆ,ಕರಿ ಮೆಣಸು.
ವಿಧಾನ:
*ಬದನೇಕಾಯನ್ನು ಕೆಂಡದಲ್ಲಿ ಅಥವಾ ಗ್ಯಾಸ್ ಒಲೆಯ ಮೇಲೆ ಸುಟ್ಟು ಆರಿದ ಬಳಿಕ ಸಿಪ್ಪೆ ತೆಗೆಯಿರಿ
*ಅದನ್ನು ಒಂದು ದಪ್ಪತಳದ ಪಾತ್ರೆಯಲ್ಲಿ ಕಿವುಚಿ
*ಅದಕ್ಕೆ ಹಸಿಮೆಣಸಿನ ಕಾಯಿ,ಶುಂಟಿ ಅತಿ ಸಣ್ಣಗೆ ಕತ್ತರಿಸಿ ಉಪ್ಪು, ಮೊಸರು,
*ತುಪ್ಪದಲ್ಲಿ ಒಣಮೆಣಸಿನಕಾಯಿ,ಸಾಸಿವೆ,ಮೆಣಸಿನ ವಗ್ಗರಣೆ ಹಾಕಿ,ಕಲಸಿ - ಬಳಸಿ
***ಇದೇ ರೀತಿ ಬೇಯಿಸಿದ ಆಲೂಗಡ್ಡೆ,ಬಾಳೇಕಾಯಿ,ಗೆಣಸು,ಬೂದಕುಂಬಳಕಾಯಿ ಗಳಲ್ಲೂ ಮೊಸರು ಗೊಜ್ಜನ್ನು ಮಾಡಬಹುದು.
ಹಸಿ ಗೊಜ್ಜು
ಸಾಮಾನು:
ಒಂದು ಎಳೇ ಸೌತೇಕಾಯಿ,ಅರ್ಧ ಚಮಚ ಉಪ್ಪು, ಒಂದು ಬಟ್ಟಲು ಮೊಸರು,ಹಸಿ ಶುಂಟಿ ಸಣ್ಣ ತುಂಡು,
ವಗ್ಗರಣೆಗೆ ಎರಡು ಚಮಚ ತುಪ್ಪ, ಕರಿಬೇವು,ಸಾಸಿವೆ, ನಾಲ್ಕು ಒಣಮೆಣಸಿನ ಕಾಯಿ
ವಿಧಾನ:
*ಸೌತೇಕಾಯನ್ನು ಹಸಿಮೆಣಸಿನಕಾಯಿ,ಹಸಿ ಶುಂಟಿಗಳನ್ನು ಸಣ್ಣಗೆ ಹೆಚ್ಚಿಕೊಳ್ಳಿ
*ಹೆಚ್ಚಿದ ಮಿಶ್ರಣವನ್ನು ಮೊಸರಿಗೆ ಉಪ್ಪು ಸೇರಿಸಿ ಕಲಸಿ,
*ತುಪ್ಪದ ವಗ್ಗರಣೆಯಲ್ಲಿ ಸಾಸಿವೆ ಸಿಡಿಸಿ ಒಣಮೆಣಸಿನ ಕಾಯಿ ಹಾಕಿ,
*ಕಲಸಿದ ಮಿಶ್ರಣಕ್ಕೆ ವಗ್ಗರಣೆ ಬೆರೆಸಿ.
***ಇದನ್ನು ಈರುಳ್ಳೀ, ಮೂಲಂಗಿಯಿಂದಲೂ ಮಾದಬಹುದು.

 
 ನಿಮ್ಮ ಅನಿಸಿಕೆಗಳನ್ನು ಈ ವಿಳಾಸಕ್ಕೆ ಈಮೈಲ್ ಮಾಡಿcontactus@sugamakannada.com