ಸುಳಾದಿ (ಬ)

||ಅಟ್ಟತಾಳ||

ಬನ್ನೂರು ಸ್ಥಳದಲ್ಲಿ ಜನಿಸಿದರು ಬ್ರ | ಹ್ಮಣ್ಯ ತೀರ್ಥರ ಪಾವನ್ನಕರದಲ್ಲಿ ಸನ್ಮನವಾಗಿ

ಪಾಲನವಾದರು ಮುನಿ | ರನ್ನ ಶ್ರೀಪಾದರಾಯನ ಬಳಿಯಲ್ಲಿ | ಚೆನ್ನಾಗಿ ವಿದ್ಯಾ

ಸಂಪನ್ನರಾದರು ಬಲು | ಅನ್ಯ ಮತವ ಬೇವಾಟನ್ಯವಮಾಡಿ ಸುಪ್ರ | ಸನ್ನ

ಕಾರುಣ್ಯವ ಪಡೆದರು | ಚೆನ್ನಾಗಿ ಕೃಷ್ಣ ಶ್ರೀ ವಿಜಯ ವಿಠಲನ್ನ | ಸನ್ನುತಿಸಿ

ಧ್ಯಾನವನ್ನೇ ಕೈಕೊಂಡ ||

 

||ತ್ರಿವಿಡಿತಾಳ||

ಬಲುಕಾಲ  à²²à³‹à²•à³‡à²¶ ತನ್ನ ಮನಿಯಲ್ಲಿ | ಚಲುವ ರಾಮನ ಪೂಜೆ ಮಾಡುತಿರಲು |

ಒಲಿದು ಜಾಬಾಲಿಮುನಿ ಪ್ರಾರ್ಥನೆಯಿಂದಲಿ | ಜಲಜ ಸಂಭವನ ಮೆಚ್ಚಿಸಿ

ಬೇಡಲು | ಸಲಿಸಿ ಮಾತನು ಋಷಿಗೆ ಈ ಪ್ರತಿಮೆ ಕೊಡಲಾಗಿ |

ಒಲಿಸಿಕೊಂಡಲ್ಲಿಂದ ಶಿವಗೆ ಕೊಡಲು | ಸುಲಭದಿಂದ ಶಿವನು ತನ್ನಯ ನಿಜ |

ಲಲನೆಗೆ ಕೊಡಲಾಗಿ ವಿನಯದಿಂದ | ಕೆಲವು ದಿವಸ ಗಿರಿಜೆ ಪೂಜಿಸಿ ಆಮೇಲೆ |

ತಿಳಿದು ದಕ್ಷನ ಯಾಗದಲ್ಲಿಗೆ ಬಂದು | ಇಳಿದು ಪೋಗುವಾಗ ಸೌಭರಮುನಿ ಕೈ |

ಯಲ್ಲಿ ಕೊಟ್ಟ ತರುವಾಯ ರಾಮ ಪ್ರತಿಮೆಯನ್ನು ಜಲಗರ್ಭನ ವಶಕೆ ತಂದು

ಕೊಡಲು | ಪೊಳೆವ ಸುಮೇರು ಪರ್ವತದಲ್ಲಿ ಇಟ್ಟು | ನಿಶ್ಚಲ ಪೂಜೆ

ಮಾಡುತಲಿದ್ದಾ ನಂದೂ | ಬಲುದೈವ ವಿಜಯ ವಿಠಲ ಜಾನಕೀಪತಿ | 

ಬಲವಂತ ಭಕ್ತರ ಪ್ರಿಯ ಸುಜನಗೇಯ ||

 

||ಝಂಪೆ ತಾಳ||

ಬೇಡಿಕೊಂಬೆನು ದೇವ ಮೂಡಲಗಿರಿವಾಸ | ಬೇಡದಂತೆ ಪರರ ಮಾಡೆನ್ನನು |

ನೀಡುವನಿನ್ನಂಥ ದೊರೆ ಇರೆ ಸರ್ವದ | ಬೇಡಿದೆ ನರರಕೊಂಡಾಡಿದೆನು |

ಗಾಡಿಕಾರಭಿನವಪ್ರಾಣೇಶವಿಠಲನೆ | ಬೇಡದಂತೆ ಪರರ ಮಾಡೆನ್ನ ಹರಿಯೆ ||

 

 

||ಮಟ್ಟತಾಳ||

ಬೆಂದೆನು ಬೆಂದೆನು ಭವದಾನಲದಿಂದ | ನೊಂದೆನೊ ನೊಂದೆನೊ

ಅನುಜಾನುಜರಿಂದ | ಮಂದಿರದೊಳಗಿಹ ಕರ್ಮಂದಿಗಳರಸರ | ಪೊಂದಿ

ಭಜಿಸದಲೆ ಅಂಧಬದಿರನಾದೆ | ಮಂದಜಾಕ್ಷನೆ ಯೆನ್ನಂದಂದುಗ ಪರಿಹರಿಸು |

ತಂದೆ ಅಭಿನವ ಪ್ರಾಣೇಶವಿಠಲ ಪಾಹಿ ||