ಸೊಪ್ಪಿನ ವಡೆ

ಬೇಕಾಗುವ ಸಾಮಗ್ರಿಗಳು

• ಕಡಲೆ ಬೇಳೆ ಒಂದು ಲೋಟ
• ತೊಗರಿ ಬೇಳೆ ಕಾಲು ಲೋಟ
• ಯಾವುದಾದರೂ ಸೊಪ್ಪು ಅರ್ಧ ಕಟ್ಟು (ಸಣ್ಣಗೆ ಹೆಚ್ಚಿದ್ದು)
• ಕೊತ್ತಂಬರಿ ಸೊಪ್ಪು ಕರಿಬೇವು ಸೊಪ್ಪು(ಎರಡು/ನಾಲ್ಕು ಚಮಚ ಹೆಚ್ಚಿದ್ದು)
• ಸಣ್ಣಗೆ ಹೆಚ್ಚಿದ ಹಸಿಮೆಣಸಿನ ಕಾಯಿ 3-4
• ಉಪ್ಪು ರುಚಿಗೆ
• ಕರಿಯಲು ಎಣ್ಣೆ

ಮಾಡುವ ವಿಧಾನ

• ಎರಡೂ ಬೇಳೆಗಳನ್ನೂ ಮೂರು ಘಂಟೆ ನೆನೆಸಿಡಿ
• ನೀರನ್ನು ಬಸಿದು,ಸಾಕಷ್ಟು ಉಪ್ಪು ಸೇರಿಸಿ ಗಟ್ಟಿಯಾಗಿ ರುಬ್ಬಿಕೊಳ್ಳಿ
• ಸೊಪ್ಪು,ಕೊತ್ತಂಬರಿ ಕರಿಬೇವು ಮತ್ತು ಹಸಿಮೆಣಸಿನ ಕಾಯಿ ಬೆರೆಸಿ,ನಿಂಬೆ ಗಾತ್ರದ ಸಣ್ಣ ಉಂಡೆಗಳಾಗಿ ಮಾಡಿ
• ಉಂಡೆಗಳನ್ನು ಚಪ್ಪಟೆಯಾಗಿ ಮಾಡಿ ಕೆಂಪಗಾಗುವ ವರೆಗೆ ಬಿಸಿ ಎಣ್ಣೆಯಲ್ಲಿ ಕರಿದು ತಿನ್ನಲು ಕೊಡಿ ನೀವೂ ತಿನ್ನಿ