ಕಡಲೇ ಬೇಳೆ ಚಟ್ನಿ

ಬೇಕಾಗುವ ಸಾಮಗ್ರಿಗಳು

• ಅರ್ಧ ಕಿಲೋ ಕಡಲೇ ಬೇಳೆ
• ಅರ್ಧ ತೆಂಗಿನ ಕಾಯಿ ತುರಿದದ್ದು
• ಹಸಿ ಮೆಣಸಿನಕಾಯಿ ಹತ್ತು
• ಉಪ್ಪು ಒಂದು ಟೀ ಚಮಚ
• ಹುಣಸೇ ಹಣ್ಣು ನಿಂಬೆ ಗಾತ್ರ
• ಕೊತ್ತಂಬರಿ ಸೊಪ್ಪು ಒಂದು ಕಟ್ಟು
• ವಗ್ಗರಣೆಗೆ ಸ್ವಲ್ಪ ಎಣ್ಣೆ ಕರಿಬೇವು,ಸಾಸಿವೆ,ಇಂಗು,ಉದ್ದಿನಬೇಳೆ 

ಮಾಡುವ ವಿಧಾನ

• ಹುಣಸೇ ಹಣ್ಣನ್ನು ಹತ್ತು ನಿಮಿಷ ನೀರಿನಲ್ಲಿ ನೆನೆಸಿಡಿ 
• ಕಡಲೇ ಬೇಳೆ ಬಾಣಲೆಯಲ್ಲಿ ಕೆಂಪಗೆ ಆಗುವ ಹಾಗೆ ಹುರಿಯಿರಿ. 
• ಹುರಿದ ಬೇಳೆಯನ್ನು ಪೂರ್ತಿ ಆರಲು ಬಿಡಿ. 
• ಬೇಳೆ ಮತ್ತು ಹುಣಸೇ ಹಣ್ಣನ್ನು ಮಿಕ್ಕಎಲ್ಲಾ ಸಾಮಾನಿನ ಜೊತೆ ಸೇರಿಸಿ ಅರ್ಧಲೋಟ ನೀರು ಬೆರೆಸಿ ರುಬ್ಬಿಕೊಳ್ಳಿ 
• ರುಬ್ಬಿದ ಮಿಶ್ರಣಕ್ಕೆ ವಗ್ಗರಣೆ ಹಾಕಿ ( ಕಾಯಿಯ ಬದಲಿಗೆ ಒಣ ಕೊಬ್ಬರಿ ಉಪಯೋಗಿಸಿದಲ್ಲಿ ಚಟ್ನಿ ಎರಡು ದಿನ ಕೆಡುವುದಿಲ್ಲ)